Asan-Ibo 6:7 - Edo Bible (E Baibol Ẹdo) Version 1996

⁷ Ọmwa ghi winna iwinna rẹn ne ọ sẹtin miẹn evbare unu re, sokpan ẹ i mwẹ ọnrẹn sẹ ọkẹn.

Asan-Ibo 6:7 ပူးပေါင်းရင်းမြစ်များ

Itan 16:26

Emwi ne ọ khọn ọmwa ne ọ winna, ọ re ọ ya ẹe winna sayọ, rhunmwuda ọ ho ne ẹko emwi ne ohanmwẹ ọnrẹn gbe ẹe vuọn irẹn.

Asan-Ibo 1:8

Te emwi hia wa ya egbe wọ ọmwa, egbe wọmwẹ ne ẹ i gia gie. Ẹko emwi ne a bẹghe i vuọn aro, ra ne ehọ kha ighe ne irẹn he họn sẹe.

Asan-Ibo 5:10

Aro ruẹ gha wu ye igho, ẹghẹ okpa ne ọ ra ya sẹ uẹ ọkẹn i rrọọ. U gha rhie aro ye ẹfe, ẹghẹ ne u ra ya miẹn emwi ne u gualọ hia gba i rrọ. Ọna i vbe maa.

Asan-Ibo 5:9

Ọba tobọ ẹre emwiorhọ ọ re ọ hẹnhẹn egbe yan.

Asan-Ibo 6:3

Ọmwa sẹtin biẹlẹ emọ iyisẹn, ọ ghi vbe tọ ẹsẹse, sokpan, vbene ọ khọnrẹn ne ọ tọ sẹhẹ, a dẹghe ọyẹnmwẹ ma sẹ ọe vbene ọ te khẹ kẹe, a dẹghe a ma vbe re ẹre ẹse, ẹmwẹ ne I miẹn ta ye evba ọrọre wẹ, ọmọ ne okpa ma gbe ifuẹn na ọ re ọ wa maa sẹẹ.

Asan-Ibo 6:8

De emwi ne umẹwaẹn ya maa sẹ ọzuọ yi? De ere ne ọ rrọ ne ovbiogue ne ọ sẹtin ya egbe miẹn usẹ?

Matiu 6:25

“Ọ na ọ zẹẹ ne I na khama uwa wẹẹ, ne uwa ghẹ hagha ba ẹmwẹ emwi ne uwa gha re ra ne uwa gha da ya da orhiọn yi, ra ba ẹmwẹ ukpọn ẹkun. Tama mwẹ, orhiọn ma sẹ evbare? Egbe ma sẹ ukpọn?

Iyẹn ne ọ Maan Ọghe Luk 12:19

I ghi tama egbe mwẹ wẹẹ, Uhunmwu ne ọ maa! Emwi esi ne ọ gha tọ la ukpo ni bun rre uẹ otọ nẹ nian, si orhiọn koko, gha re, gha da ne u gha zọmọ!’

Iyẹn ne ọ Maan Ọghe Jọn 6:27

Wa ghẹ miẹn ẹsọn ye evbare ne ọ sẹtin rhia, sokpan emwi ne ọ kere ne uwa miẹn ẹsọn yi ọrọre evbare ne ọ sẹtin gha rrọọ ya sẹ agbọn etẹbitẹ. Ovbi Ọmwa gha rhie evbare na ne uwa rhunmwuda Osanobua ne Erha ye obọ yọ ọre nẹ.”