Asan-Ibo 6:2 - Edo Bible (E Baibol Ẹdo) Version 1996

² Osanobua ghi ya ẹfe ne ọmwa, deba ọghọ kevbe emwi ne a mwẹ, ne a wa kha wẹ emwi hia ne ọ ho, sokpan, ẹ i ghi gie ẹe ya ẹe ru, sokpan ẹrrẹe ghi do ya ẹe ru. ọna i zẹdẹ maa, ọ ma gba hiehiere.

Asan-Ibo 6:2 ပူးပေါင်းရင်းမြစ်များ

I Ọba 3:13

I gha vbe rhie emwi ne u ma nọ ba ruẹ re, u gha mwẹ ẹfe kevbe usi vbe ẹdẹ agbọn ruẹn hia sẹ ọba ke ọba ne ọ rhirhi gha khin.

I Krọnikol 29:25

E Nọyaẹnmwa keghi ru ẹe ne ohan e Solomọn gha mu otọe ẹvbo hia, ọ keghi ya ẹe mwẹ uyi sẹẹ avbe ọba hia ne ọ he rriọba vbe Jerusalẹm.

I Krọnikol 29:28

Ọ khian ọmaẹn ẹsẹse ọ keghi do wu, ọ fe, emwa hia kevbe gha yọghọ ne ẹẹn, e Solomọn ne ovbi ẹre keghi rri ọba lele ẹe.

II Krọnikol 1:11

Osanobua keghi zẹ mwẹ wanniẹn e Solomọn wẹẹ, “U guara zẹ nẹ. Ne u gha na te nọ ẹfe ra emwi ẹwe ra usi ra uwu avbe eghian ruẹn, ra ne a kue kha wẹ ẹdẹ agbọn nọtaẹn ọghe uwẹ, u keghi nọ irẹnmwi kevbe ẹwaẹn ne u sẹtin gha khaemwisẹ yan emwa mwẹ ne I ya uwẹ rriọba yan.

Psalm 17:14

fanmwẹ ye otọ vbe obọ iran ne emwi agbọn na ne iran ho hia, sẹ ọre obọ. Ya usẹ ne u ghae ye otọ khẹ iran rri iran oya. Te ọ gha vbe sẹ avbe ivbi iran obọ vbọ ne a ye vbe sẹ eso rae khẹ eyẹ iran.

Psalm 39:6

Ọ ma vbe gberra aghọnghọn, emwi ne ọ ru kẹkan ehia khin, ọ si ẹfe koko, ọ ma vbe rẹn ọmwa ne ọ gha viọ ẹre.

Psalm 73:7

Ekhọe iran ghi gha hihiẹ ọkhọ ladian, ekhọe iran ghi gha zẹ iro emwi dan.

Asan-Ibo 4:4

I vbe rẹn emwi ne ọ si ẹe nẹ, ne emwa na miẹn ẹsọn sẹrriọ vbe agbọn na, ne ọ miẹn ehe na dunna ne iran: emwi ne ọ siẹe ọrọre wẹ emwi ne ogieva iran mwẹ viẹn ye iran aro, sokpan, ọna i vbe mwẹ esa, te ọ yevbe ne a khu ẹhoho khian.

Asan-Ibo 4:8

Wa ghe ọmwa na ne irẹn okpa vbe ẹhi ẹre rre owa. Ẹ i mwẹ ọmọ, ẹ i mwẹ etẹn, sokpan, ẹsọn ọ re ọ miẹn vbe ẹghẹ hia, ẹfe ne ọ mwẹ i ye vuọn ẹre aro. De ọmwa ne ọ ghi miẹn ẹsọn na na yi ne ẹ i na hẹwẹ gbe amẹ sa wọn? Ọna i zẹdẹ ma hiehie, agbọn usẹ ọ re nọ.

Asan-Ibo 5:13

Vbe ghe emwiọkpa ne ọ mu ọmwa ohan ne I vbe miẹn vbe agbọn na: emwa ghi gha si igho koko hinrre khẹ ẹdẹ ne a gha ho sẹ ọre egbe.

Asan-Ibo 5:16

Ọna ma gba! Vbene ima ya rre ọ re a ya rrie. Ma ghi gha miẹn ẹsọn ẹsọn, a ghi gha ho ne a mu ẹhoho. De emwi ne ọ ghi sẹ ọmwa obọ?

Asan-Ibo 5:18

Emwi ne I gualọ otọ ẹre miẹn ọ re ọna khin wẹ, emwi ne ọ kei ne ọmwa sẹ ọrọre ne ọ gha re, ne ọ gha da, ne ọ ye emwi ne ọ miẹn ẹsọn yi gha zọmọ vbe ẹdagbọn kherhe ne Osanobua rhie ne ẹẹn na: uhunmwu ne ọmwa mu rre ọ re onii khin.

Asan-Ibo 5:19

Adeghẹ Osanobua rhie ne ọmwa ne ọ gha mwẹ emwi kevbe ne ọ fe, ọna vbe rhie ẹghẹ ne ẹẹn ne ọ vbe ya ye ehia ru. ọ kere ne ọ kpọnmwẹ, ne ọ vbe ya emwi ne ọ miẹn ẹsọn yi gha zọmọ. Ẹse ne ọ ke obọ Osanobua rre nọ.

Aizaia 55:2

Vbọzẹ ne uwa na lo igho ye avbe emwi ne ẹ i vuọn ẹko yi? Vbe uwa ghi na lo igho ne uwa miẹn hẹ, ohanmwẹ ghi ye gha gbe uwa? Wa danmwehọ mwẹ, ne uwa vbe ru vbene I khare, wa gha miẹn evbare ne ọ maa sẹ gha re.

Eve Orriara 5:2

Ẹrrẹe ọ re ọ ghi ya ima emwi ru; erhunmwuyẹn ọ re ọ ghi rre owa mwa.

Daniẹl 5:18

“Osanobua ne ọ Sẹehia ọ re ọ maa erha a ọba ighe Nebukiadneza, ọba nọkhua, ọ keghi vbe rhie ọghọ vbe ẹtin ne ẹẹn.

Hozia 7:9

Iran ma vbe rẹn wẹ, ne iran na mu ẹtin yan ọrriọvbe nọ, ighe te ọ ghi ye iran khian ne mitanmitan. Ẹdẹ agbọn iran rrie nẹ, sokpan iran ma rẹn.

Diuteronomi 28:33

Ẹvbo ẹrrẹe ghi viọ emwiokọ uwa ne uwa miẹn ẹsọn nọkhua yi ya kọ, vbene emwirhọkpa ina sẹ uwa obọ gberra ukpokpo ekugbakẹghẹrẹ kevbe obọ ne ọ tọn ne a ya mu uwa.

Diuteronomi 28:43

“Avbe erhunmwuyẹn ni rre uwa ẹvbo ghi gha hiẹn yọ ẹdẹgbegbe sokpan wa ghi gha ru ghe iyeke.

Giọgis 18:10

Wa gha sẹ evba, wa gha miẹn wẹ emwa nii i vbe mu idandan rhọkpa. Ẹvbo nọkpọlọ nọ. Emwi ne ọ mwa ghi ho hia rrọọ. Osanobua vbe mu ẹẹn ne uwa nẹ.