Asan-Ibo 5:6 - Edo Bible (E Baibol Ẹdo) Version 1996

⁶ Ghẹ gie ẹmwẹ ne unu ruẹn siọ fi orukhọ vbene u gha na ya tama ohẹn Osanobua ighe ọdẹn ọ re u gbe. Vbọzẹ ne u gha na ya Osanobua mu ohu ghe ruẹ yi? Vbọzẹ ne u gha na giee fuẹn uan, ighe emwi ne u miẹn ẹsọn yi.

Asan-Ibo 5:6 ပူးပေါင်းရင်းမြစ်များ

Gẹnẹsis 48:16

Te Odibosa ne ọ fanmwẹ hin uwu ẹbe hia rre gha fiangbe iran! Te eni mwẹ deba eni avbe Ebraham kevbe Aizik ne erhamwẹ gha rrọọ khian vbekpa emọ na! Te iran gha biẹlẹ emọ nibun ne iran do khian ọrhẹnrhẹn.”

Itan 23:17

Ghẹ gie ekhọe ruẹ la ghe ẹmwẹ emwa orukhọ, gie ayọghọ ne Nọyaẹnmwa gha re emwi ne u mu aro yi vbe agbọn.

Asan-Ibo 10:12

Ẹmwẹ ne unu umẹwaẹn, ọ re ọ si ọghọ ne ọ rre ọre egbe, sokpan ẹmwẹ ne unu ọzuọ, ọ re ọ gbe ẹre uhunmwu.

Asan-Ibo 3:14

Mẹ rẹnrẹn wẹ emwi ne Osanobua ru hia, etẹbitẹ nọ. Wẹ i sẹtin fian te ẹe ra ne u fian hin. Ọkpa vbe emwi ne Osanobua ru ọrọre ne ima gha ya ọghọ ne ẹẹn.

Levitikọs 4:2

“Ne ọ tama ivbi Izrẹl wẹ ọmwaikọmwa gha rukhọ, ọ na rra uhi ẹ Nọyaẹnmwa, vbene ẹ i na re ẹmwẹ ọnrẹn, emwi ne ọ gha ru ena khin.

Levitikọs 4:22

“Ọ gha re enogie ẹre ọ rukhọ, ighẹ ọ rra uhi e Nọyaẹnmwa vbe ne ẹ i na re ẹmwẹ ọnrẹn.

Malakai 2:7

Iwinna avbe ohẹn nọ ne iran ma emwa irẹnmwi ẹmwata ọghe Osanobua. Te ọ kere ne emwa gha bu iran yo ne iran ya gha ruẹ emwi ne I ho, rhunmwuda iran ọrọre ukọ ọghe Nọyaẹnmwa ne Oghodua.

Malakai 3:1

E Nọyaẹnmwa ne Oghodua zẹ wanniẹn wẹẹ, “I gha gie ukọ mwẹ ne ọ do dọlọ odẹ yi ye otọ khẹ mwẹ. Ẹghẹ nii, e Nọyaẹnmwa ne uwa mudia khẹ gha wa ya egbe ladian vbe udomwurri vbe uwu Ọgua Osa. Ukọ ne uwa rhie aro ye odẹ gha khẹ gha rre do mu ẹmwẹ ile mwẹ so.”

Nọmbas 15:25

Ohẹn ghi ru iruemwi akhuẹhuan ne emwa ni hia, a gha yabọ iran, rhunmwuda, abaku ru nii i re ẹmwẹ iran, iran keghi vbe viọ izọese orukhọ iran rre zẹ vbe izẹọhẹ evbare gie Nọyaẹnmwa.

I Kọrinti 11:10

Rhunmwuda iran ne a vbe odibosa khekherriọ, ọ kere ne okhuo gua gue uhunmwu ẹnrẹn, ne ọ miẹn ehe na rhie maa wẹ ototọ asẹ ọdọ ẹre ọre irẹn ye.

I Timoti 5:21

Vbe sirra Osanobua kevbe Kristi Jesu, kevbe avbe odibo Osa ni huranrẹn, I ya imuegberriotọ tama ruẹn, ne u gha ye avbe ẹmwẹ na ru emwi vbe ne a i na zẹ ọmwa ẹkpe, ra ne a gha ghe ọmwaikọmwa ikpanro vbe uwu emwi ne u ru hia.

Hibru 1:14

De emwi ne avbe odibo Osa khin yi khekherriọ? Avbe ẹrinmwi ni ga Osanobua, rẹn ghi vbe gha gie iran ne iran ya gha ye emwa ni gha miẹn imiẹnfan obọ.

Jems 1:26

Deghẹ ọmwaikọmwa ro ighẹ ọmwa ne ọ mwẹ iyayi rẹn khin, a deghẹ ẹ i rhie aranmwẹ kọ ẹho guan, iyayi ẹre i mwẹ esa.

Jems 3:2

Ẹghẹ hia ma hia ya ba emwi ku ru. Ọmwa ne ẹ i ba ẹmwẹ ku ta, ọmwa ne ọ gbae nọ, ọ ghi vbe sẹtin gha ye egbe hia khian ẹse.

II Jọn 1:8

Wa ghi khẹ yegbe nian khekherriọ, ne uwa ghẹ ya mu emwi ne uwa winna yi nẹ fua, sokpan ne ere ne ọ rrọọ sẹ uwa obọ vbe ne ọ vuọẹn.