Asan-Ibo 5:4 - Edo Bible (E Baibol Ẹdo) Version 1996

⁴ Rhunmwuda ọnii, u gha ve Osanobua emwi, zẹgiẹgiẹ ru ẹe vbene u gha sẹtin rhulẹ ru ẹe sẹ. Rẹn i mwẹ vbe ọ ya ọzuọ ru. Ru emwi ne u yanrẹn ighe u gha ru.

Asan-Ibo 5:4 ပူးပေါင်းရင်းမြစ်များ

Gẹnẹsis 28:20

Ẹre Jekọb ghi na yan vbe odaro Nọyaẹnmwa Osanobua wẹẹ, “A deghẹ u yaba mwẹ, u na degue mwẹ vbe okhian ne I ye na, u na rhie evbare kevbe ukpọn mẹ,

Gẹnẹsis 35:1

Osanobua keghi tama e Jekọb wẹẹ, “Muegbe ne u gha rrie Bẹtẹl ne u ya yin evba. U ghi gba aka mẹ vbe evba, Mẹ ne Osanobua ne ọ rhie egbe ma ruẹn vbe vba ẹghẹ ne u na gha lẹ khian hin obọ Isọ ne ọtuẹn.”

Gẹnẹsis 35:3

Ma ra kpao vbe emwa gha rrie Bẹtẹl, ehe ne I gha na gba aka ne Osanobua ne ọ yọmwẹ obọ vbe ẹghẹ ọlọghọmwa mwẹ, kevbe ne ọ vbe yaba mwẹ vbe eheikehe ni I he la.”

Psalm 116:14

I gha hae ẹre emwi ne I ve ẹre re vbe ehe ne emwa rẹn hia gbe ẹbu yi.

Psalm 119:106

I gha mu eyan mwẹ sẹ wẹ, I gha lele igiodẹ ruẹ ọghe ẹmwata hia.

Psalm 22:25

I gha rho ruẹ ye emwi ne u ru, vbe adesẹ iko ne ọ gbae, vbe sirra iran hia ni ga a, I gha zọ ese emwi ne I ve.

Psalm 50:14

Ya ẹse ne a kpọnmwẹ gha ru ese ne u zọ ghe Osanobua ne u vbe viọ emwi ne u ve hia ne Udazi.

Psalm 76:11

Ha emwi ne u ve, ne Nọyaẹnmwa Osanobua ruẹ; wa ye imuohan gie ẹe wa ne agbọn ẹvbo ni sikẹ edinran.

Itan 20:25

Roro ẹe ẹsẹse u ke yan wẹ u gha ya emwi ha oko gie Osanobua. U sẹtin gbe I ma rẹn vbe okiekie.

Aizaia 19:21

E Nọyaẹnmwa gha rhie egbe ẹre ma ivbi Igipt, ẹghẹ nii, iran gha vbe miẹn irẹn kue, iran ghi vbe gha ga ẹe, iran ghi vbe gha viọ ese ne a zọ kevbe emwiokọ gie ẹe. Iran gha ye ẹkoata ve ẹre emwi, iran ghi vbe ru vbene iran ve.

Jona 2:9

Sokpan mẹ gha so ihuan urhomwẹ ghe ruẹ I gha zọ ese ghe ruẹ, I ghi vbe ru zẹ vbene I yan rẹn. Ọghe Nọyaẹnmwa ore imienfan ke rre!”

Malakai 1:10

E Nọyaẹnmwa ne Oghodua khare wẹẹ, “Akpawẹ a miẹn ọkpa vbe uwu uwa ne ọ gha khui urho Ọgua Osa nian ne uwa ghẹ ghi miẹn ehe na ya gha hie erhẹn nọ ma maa ye Ogiukpo mwẹ. Ẹko uwa i ma mwẹ hiehiere. I i ra rhan obọ miẹn emwi ihaoko ne uwa viọ gunmwẹ.

Nọmbas 30:2

Ọmwa gha ve emwi wẹ rẹn gha rhie emwi ne Nọyaẹnmwa, ra te ọ vẹn ihẹn wẹ rẹn gha zobọ vbe emwi eso, ọ ghẹ rhie obọ gberra eyan ne ọ yan rẹn nii, sokpan ọ ghi ru emwi hia vbene ọ kha re wẹ rẹn ra gha ru.

Matiu 5:33

“Wa họn ẹn vbene a tama emwa hẹ ẹghẹ nẹdẹ wẹẹ, ‘U gha yan eyan, u ghi muẹn sẹ, u gha ya ihen ve emwi ye urhu vbe odaro Nọyaẹnmwa, ghe mwẹ u ma ruẹe.’

Hibru 10:6

Ikun aranmwẹ na giẹn uan ya zọ ese vbe uhunmwu aka i yẹ ruẹ. Ra ese ne a zọ ne ọ kpe orukhọ kua.

Giọgis 11:35

Rẹn keghi bẹghe ẹre, ọ keghi ye akhiẹ yanghan ukpọn ye egbe ẹre urhu, ọ na kha wẹẹ, “Eu, ovbi mwẹ! U kpan mwẹ udu nẹ, vbe a ghi na miẹn hẹ ighẹ wẹ ọ re ọ do si obalọ vbenian yọ mwẹ egbe. I ye ekhọe hia yan ma e Nọyaẹnmwa nẹ, ẹ i mwẹ I ma mu ẹẹn sẹ.”