Asan-Ibo 5:16 - Edo Bible (E Baibol Ẹdo) Version 1996

¹⁶ Ọna ma gba! Vbene ima ya rre ọ re a ya rrie. Ma ghi gha miẹn ẹsọn ẹsọn, a ghi gha ho ne a mu ẹhoho. De emwi ne ọ ghi sẹ ọmwa obọ?

Asan-Ibo 5:16 ပူးပေါင်းရင်းမြစ်များ

Itan 11:29

Ọmwa ne ọ fi otighi fi uwu ẹgbẹe ọre, te ọ ra wa gbe ihoi fẹẹrẹ. Te avbe akpa ra gha ga avbe umẹwaẹn khian rhinrin ẹdẹ.

Asan-Ibo 1:3

Ọmwa ghi ya ẹdẹ agbọn rẹn hia winna, ọ ghi gha miẹn ẹsọn, sokpan, de ere ne ọ ghi miẹn vbọ?

Asan-Ibo 2:11

I keghi roro emwi ne I he ya obọ ru hia kevbe vbene I wa mu aro yọ hẹ vbe I winna ẹẹn, I keghi miẹn wẹ ọ ma zẹdẹ sẹ emwirhọkpa, te ọ ye vbe ne a khu ẹhoho khian, ẹ i zẹdẹ mwẹ esa hiehiere.

Asan-Ibo 3:9

De ere ne a miẹn vbe ẹsọn ne a miẹn hia yi?

Asan-Ibo 5:13

Vbe ghe emwiọkpa ne ọ mu ọmwa ohan ne I vbe miẹn vbe agbọn na: emwa ghi gha si igho koko hinrre khẹ ẹdẹ ne a gha ho sẹ ọre egbe.

Aizaia 26:18

Ma miẹn obalọ kevbe emwi ne ọ kan ọmwa egbe, sokpan ma ma biẹ emwirhọkpa. Ma ma sẹtin khọn okuo rhọkpa miẹn otọ ne ẹvbo mwa. Emwi okpa ne ima he fiangbe ua i rrọọ.

Jerimaia 2:8

Avbe ohẹn ma vbe nọ wẹẹ, “E Nọyaẹnmwa vboo?” Avbe ohẹn mwẹ ma rẹn mwẹ, avbe iran ni khaemwisẹ keghi sọtẹ mwẹ, avbe akhasẹ kegha ye eni e Baal guan yotọ iran kegha gho avbe amazẹ ni emwa maa.

Hozia 8:7

Iran kọ ẹhoho iran gha rhọ okpẹhoho! Ugbo ọka ne ọma mọ ọka, ẹ i sẹtin rhie ebrẹd ladian. Sokpan, a deghẹ ọ sẹtin gha yerriọ, ẹrrẹe ọ re ọ ra rriọe rua.

Iyẹn ne ọ Maan Ọghe Mak 8:36

De ere ne ọ rre ọmwa re, a deghẹ agbọn na hia sẹ ọre obọ, ighe ọ mu ẹdẹ agbọn rẹn fua.

Iyẹn ne ọ Maan Ọghe Jọn 6:27

Wa ghẹ miẹn ẹsọn ye evbare ne ọ sẹtin rhia, sokpan emwi ne ọ kere ne uwa miẹn ẹsọn yi ọrọre evbare ne ọ sẹtin gha rrọọ ya sẹ agbọn etẹbitẹ. Ovbi Ọmwa gha rhie evbare na ne uwa rhunmwuda Osanobua ne Erha ye obọ yọ ọre nẹ.”

I Kọrinti 16:16

wa gha lele igiemwi emwa vberriọ deba emwa ọvbehe ni vbe deba iran winna ne iran na vbe ga.

I Samuẹl 12:21

Wa ghẹ ya gha gho ẹbọ ohoghe, iran i ra sẹtin yi uwa obọ, ama wẹ ne iran miẹn uwa fan, rhunmwuda emwi ababa iran khin.