Asan-Ibo 5:14 - Edo Bible (E Baibol Ẹdo) Version 1996

¹⁴ Vbe iyeke ọnii, ọ ghi rhia ehia a ye ẹki ne a ma do ẹse, vbene ẹ i ghi na vbe miẹn emwi okpa fi ye emọ otọ.

Asan-Ibo 5:14 ပူးပေါင်းရင်းမြစ်များ

I Ọba 14:26

Ọ keghi viọ emwi ighobioye ni rre Ọgua Osa kevbe ẹguae hia gha rrie deba asa igoru ne Solomọn ru.

Job 1:21

Ọ keghi kha wẹẹ, “Irhunmwirhun ọ re iye mwẹ biẹ mwẹ re, irhunmwirhun ọ re I vbe ya rrie. E Nọyaẹnmwa ọ re ọ viọ emwi ne ọmwa, e Nọyaẹnmwa ọ re ọ vbe miẹn ọmwa ẹre. Urhomwẹ nọ ne eni ẹnrẹn.”

Job 5:5

Emwa ohanmwẹ ọ re ọ khian rri emwiokọ akpa, ya sẹ egbe avbe ọka ne ọ zọ vbe uwu igban, emwa ne ovbamẹ gbe ghi yaro ye ẹfe ẹre.

Psalm 39:6

Ọ ma vbe gberra aghọnghọn, emwi ne ọ ru kẹkan ehia khin, ọ si ẹfe koko, ọ ma vbe rẹn ọmwa ne ọ gha viọ ẹre.

Psalm 49:18

Gie a kha wẹ te agbọn na kue sẹ ọmwa ọkpa ọkẹn a na gha tian rẹn rhunmwuda ighe ọ dunna ne ẹẹn.

Itan 23:5

Igho ruẹ sẹtin wa ru gbee, vbene a miẹn wẹ te ọ zẹ ifuẹn, ọ na tin gha rrie zẹvbe oghohọn.

Asan-Ibo 2:26

Osanobua ọ re ọ rhie ẹwaẹn, irẹnmwi kevbe ọyẹnmwẹ ne emwa ne ọ ru ne ọ yẹ ọre, sokpan, ọ ghi ya emwa orukhọ gha winna, iran ghi miẹn igho, iran ghi ya ẹe gbakhua hinrre, ne a miẹn ehe na viọ okhuan ne iran khuaẹn ne emwa ni ru ne ọ yẹ ọ re. Ena hia i maa, te ọ yevbe ne a khu ẹhoho khian.

Asan-Ibo 5:13

Vbe ghe emwiọkpa ne ọ mu ọmwa ohan ne I vbe miẹn vbe agbọn na: emwa ghi gha si igho koko hinrre khẹ ẹdẹ ne a gha ho sẹ ọre egbe.

Asan-Ibo 5:15

Vbe ne ima ya lao agbọn na ọ re avbe ya kọe ladian, te a fiabọ rre, vbene a gha rhe yan miẹn ẹsọn sẹ, emwiọkpa ne a rhie kpao i rrọ.

Hagai 1:9

“Emwiorhọ ọrhẹnrhẹn ọ re uwa te rhie aro yi, sokpan, a keghi do miẹn wẹ ekherhe ọ re nọ. Wa ghi vbe viọ nene emwiorhọ sẹ owa nẹ, I keghi ya ẹhoho kpolo ẹe kua. Vbọzẹ ne I na ru ẹe vberriọ? Rhunmwuda, edọmwadẹ ọghe ọe gha khọn bọlọ owa iran, vbe Ọgua Osa mwẹ ye re itowa.

I Samuẹl 2:36

Iran ni ghi miẹn uhunmwu vbe avbe ivbi uẹ, iran ghi ya gha nọ ohẹn igho kevbe evbare, iran ghi vbe rinmwian ne a gie iran gha ye avbe ohẹn obọ ne iran ma kue miẹn evbare unu gha re.”