Asan-Ibo 5:11 - Edo Bible (E Baibol Ẹdo) Version 1996

¹¹ Vbene u vbe ya mwẹ igho yọ, erriọ ọ re avbe unu ne u koko vbe ya bun yọ. Ere ne uwẹ miẹn vbọ ọrọre ne u na rẹn wẹ u mwẹ igho.

Asan-Ibo 5:11 ပူးပေါင်းရင်းမြစ်များ

Gẹnẹsis 12:16

Ọba keghi rhunmwuda ẹre gha ya obọ esi mu Ebram, ọ keghi viọ oghẹn ohuan kevbe ọghe ẹwe naẹn kevbe avbe ẹmila kevbe ẹsin kevbe eviẹn kevbe ekẹtẹkẹtẹ.

Gẹnẹsis 13:2

Ebram kegha re ọmwa ne ọ fe ne ọ mwẹ ohuan, ẹwe kevbe ẹmila deba igoru kevbe esiliva.

Itan 23:5

Igho ruẹ sẹtin wa ru gbee, vbene a miẹn wẹ te ọ zẹ ifuẹn, ọ na tin gha rrie zẹvbe oghohọn.

Asan-Ibo 11:9

Wa ne igbama, wa gha zọmọ igbama uwa. Gie ẹko gha sẹ uwa ọyẹnmwẹ vbene uwa he ye rre igbama na. Ru emwi ne u ho ne u ru, vbe rhie obọ lele emwi ne ọ rre orhiọn ruẹn. Sokpan ye rre wẹ Osanobua gha bu ohiẹn ruẹn vbekpa emwikemwi ne u rhirhi a ru.

Asan-Ibo 2:9

Vbene ẹmwata, I keghi wa sekpe, I sekpe gberra vbene ọmwaikọmwa hẹ ka sẹẹ vbe Jerusalẹm, ẹwaẹn mwẹ ma vbe hiẹ mwẹ.

Asan-Ibo 5:12

Ọmwa ne ọ winna sẹtin miẹn evbare gha re, ugbẹnso, ẹ i vbe miẹn re. Vbene ọ rhirhi a gha ye hẹ, asọn gha rre ọ ghi miẹn ovbe vbiẹ khuẹrhẹ. Sokpan, emwi ne ọmwa ne ọ fe mwẹ bun sẹrriọ wẹ afianma ighi gie ẹe miẹn ovbe vbiẹ.

Asan-Ibo 6:9

Ọna i vbe maa, te ọ yevbe ne a khu ẹhoho khian. Ọ kere ne emwi ne ọmwa mwẹ sẹ ọre ọkẹn, sẹ ne ọ gha rhie aro ye ọvbehe vbe ẹghẹ hia.

Jerimaia 17:11

Ọmwa ne ọ ye odẹ ero miẹn igho, ọ yevbe ahianmwẹ ne ọ gbe ekẹn ne ọ ma họ. Ọ gha he wa rre atẹ, ọ gha mu ẹfe ẹre fua, ọ gha ghi sẹ okiekie, rẹn ghi do gha re akpa.

Habakọk 2:13

Avbe ẹvbo ne uwa khọn mu gha rri ororo rhunmwuda iwinna ẹhorriẹ ne uwa ya iran winna, emwi hia ne iran te bọ khian ne ọ la erhẹn rrie. E Nọyaẹnmwa ne Oghodua ọ re ọ ru ọna.

I Jọn 2:16

Emwi hia ni re ọghe agbọn na, emwi ne ọ yẹ egbe orukhọ na, emwi ne emwa ne agbọn bẹghe ne ọ vbe ya ghan, ọkpa ne ọ ke ehe ne Evbavba ye rre, ẹ i rrọọ, agbọn na ọre ehia ke rre.