Asan-Ibo 4:9 - Edo Bible (E Baibol Ẹdo) Version 1996

⁹ Emwi eva ọ re ọ maa sẹẹ okpa rhunmwuda, iran ọ re emwi mwẹ ọre uhunmwu sẹẹ.

Asan-Ibo 4:9 ပူးပေါင်းရင်းမြစ်များ

Gẹnẹsis 2:18

Ẹre Nọyaẹnmwa Osanobua na kha wẹẹ, “Ọ ma kei ne okpia na vbe ẹhi ẹre ọkpa kẹkan gha rrọọ. I gha yi ogieva ẹre ne ọ maẹn rhie nẹẹn ne ọ gha yi ọre obọ.”

I Krọnikol 19:12

E Joab keghi tama rẹn wẹẹ, “U gha miẹn ighẹ obọ ivbi e Siria ra ke ukhunmwu mẹ, u ghi do yọmwẹ obọ, a dẹghe obọ ivbi Amọn ra ke ukhunmwu ne uẹn, I gha rre do yi uẹ obọ.

Itan 27:17

Te a ruẹ ẹwaẹn vbe obọ egbe, zẹ vbe ne ematọn lọ ematọn ne ọ gha mu.

Asan-Ibo 4:10

Adeghẹ ọkpa vbọ de, nọkpa gha sẹtin si ẹe kpaegbe. Sokpan, adeghẹ orhiọnkpa kẹkan nọ, ọ na de, ẹ i zẹdẹ maa hiehie, rhunmwuda, ọmwa rhọkpa i rrọ ne ọ gha si ẹre obọ kpaegbe.

Asan-Ibo 4:8

Wa ghe ọmwa na ne irẹn okpa vbe ẹhi ẹre rre owa. Ẹ i mwẹ ọmọ, ẹ i mwẹ etẹn, sokpan, ẹsọn ọ re ọ miẹn vbe ẹghẹ hia, ẹfe ne ọ mwẹ i ye vuọn ẹre aro. De ọmwa ne ọ ghi miẹn ẹsọn na na yi ne ẹ i na hẹwẹ gbe amẹ sa wọn? Ọna i zẹdẹ ma hiehie, agbọn usẹ ọ re nọ.

Hagai 1:14

E Nọyaẹnmwa keghi rhie igiẹdu ne emwa nii ne iran ya winna vbe Ọgua Osa, avbe Zerubabẹl ne e gọvina e Juda, e Jọsua ne Ogie Ohẹn, kevbe avbe emwa ni ke iwe rre hia. Iran keghi suẹn gha winna vbe Ọgua Osa ọghe Nọyaẹnmwa ne Oghodua ne Osanobua iran.

Nọmbas 11:14

Mẹ i ra sẹtin gbe aro ghe iran na, iran bun sẹ mwẹ gbe!

Iyẹn ne ọ Maan Ọghe Mak 6:7

Rẹn kegha rrie avbe igue ni lẹga evba, ọ kegha ma emwa emwi. Ọ keghi tie avbe erhaunegbe iweva si koko, ọ kegha gie iran eva ladian. Ọ rhie ẹtin ne iran, ne iran ya gha khaemwisẹ vbe egbe avbe orhiọn ni ma huan, ọ yi iyi ne iran wẹẹ,

Iyẹn ne ọ Maan Ọghe Jọn 4:36

Ọmwa ne ọ rhọ emwiokọ, a ghi gha ha ẹre osa, ọ ghi gha rhọ emwiorhọ ye arrọọ ne ẹ i fo, ne ẹko miẹn ehe na rhiẹnrhiẹn ne ọ kọ emwiokọ kevbe ne ọ rhọ emwiokọ kugbe.

Iwinna 13:2

Ugbẹn vbe iran ghi ga Nọyaẹnmwa, vbe iran vbe yo aguẹ, Orhiọn Ne Ọ Huanrẹn tama iran wẹẹ, “Wa viọ Banabas vbe Sọl ladian nẹ ne iran ya winna iwinna ne I tie iran baa.”

II Jọn 1:8

Wa ghi khẹ yegbe nian khekherriọ, ne uwa ghẹ ya mu emwi ne uwa winna yi nẹ fua, sokpan ne ere ne ọ rrọọ sẹ uwa obọ vbe ne ọ vuọẹn.

Ebe Rut 2:12

Te Nọyaẹnmwa gha san ruẹn ẹse emwi ne u he ru hia, te Nọyaẹnmwa Osanobua Izrẹl ne u do lẹ gbinna gha san ruẹn ẹse fo fẹẹrẹ.”