Asan-Ibo 4:8 - Edo Bible (E Baibol Ẹdo) Version 1996

⁸ Wa ghe ọmwa na ne irẹn okpa vbe ẹhi ẹre rre owa. Ẹ i mwẹ ọmọ, ẹ i mwẹ etẹn, sokpan, ẹsọn ọ re ọ miẹn vbe ẹghẹ hia, ẹfe ne ọ mwẹ i ye vuọn ẹre aro. De ọmwa ne ọ ghi miẹn ẹsọn na na yi ne ẹ i na hẹwẹ gbe amẹ sa wọn? Ọna i zẹdẹ ma hiehie, agbọn usẹ ọ re nọ.

Asan-Ibo 4:8 ပူးပေါင်းရင်းမြစ်များ

Gẹnẹsis 2:18

Ẹre Nọyaẹnmwa Osanobua na kha wẹẹ, “Ọ ma kei ne okpia na vbe ẹhi ẹre ọkpa kẹkan gha rrọọ. I gha yi ogieva ẹre ne ọ maẹn rhie nẹẹn ne ọ gha yi ọre obọ.”

Psalm 39:6

Ọ ma vbe gberra aghọnghọn, emwi ne ọ ru kẹkan ehia khin, ọ si ẹfe koko, ọ ma vbe rẹn ọmwa ne ọ gha viọ ẹre.

Psalm 39:7

Nọyaẹnmwa, demwi ne I gha ye rhie aro yi yi? Idaehọ mwẹ rre ehe ne uwẹ ye.

Itan 27:20

Emwi ne ekhọe ọmwa ne agbọn ho, te ọ yevbe ehe ne avbe orinmwi dia, a i miẹn ẹghẹ ne a ya kha ighe otọe i ghi gua.

Asan-Ibo 1:13

I keghi wa yan tae, I keghi vbe mu aro yọ wẹ, I gha gualotọ emwi hia ne a ru vbe agbọn na. Agbọn usẹ ọ re Osanobua mwamwa ne ima.

Asan-Ibo 1:8

Te emwi hia wa ya egbe wọ ọmwa, egbe wọmwẹ ne ẹ i gia gie. Ẹko emwi ne a bẹghe i vuọn aro, ra ne ehọ kha ighe ne irẹn he họn sẹe.

Asan-Ibo 2:21

Ọmwa ghi wa ya ẹwaẹn rẹn hia miẹn ẹsọn ye emwi ọkpa, vbe irẹnmwi ẹnrẹn kevbe iguemwi ẹnrẹn. Iyekọnii, u ghi wa sẹ ehia rae ne ọmwa ne ọ ma zẹdẹ miẹn ẹsọn yọ. Ọna i zẹdẹ maa, ọ ma vbe gba.

Asan-Ibo 2:23

Vbe ẹghẹ ne ọmwa ya rre agbọn na, ẹsọn ne ọmwa miẹn, ohawa kevbe ọkpeudu ọ re ọ miẹn vbọ. Asọn gha vbe rre, ekhọe ẹre i vbe sotọ. Ọna i zẹdẹ maa.

Asan-Ibo 4:7

Emwi ọvbehe vbe rrọ ne I miẹn vbe agbọn na, ne ẹ i zẹdẹ vbe maa.

Asan-Ibo 5:10

Aro ruẹ gha wu ye igho, ẹghẹ okpa ne ọ ra ya sẹ uẹ ọkẹn i rrọọ. U gha rhie aro ye ẹfe, ẹghẹ ne u ra ya miẹn emwi ne u gualọ hia gba i rrọ. Ọna i vbe maa.

Asan-Ibo 5:9

Ọba tobọ ẹre emwiorhọ ọ re ọ hẹnhẹn egbe yan.

Aizaia 5:8

Ọghe uwa fo nẹ! Wa gha dẹlẹ owa ọvbehe kevbe ugbo ọvbehe, ne uwa viọ ba ne uwa ka mwẹ. Ẹ i ghi rre gbe ban, emwa ọvbehe i ghi miẹn ehe dia, wa ọkpa ọ re ọ ghi ra gha rre otọe nii.

Aizaia 55:2

Vbọzẹ ne uwa na lo igho ye avbe emwi ne ẹ i vuọn ẹko yi? Vbe uwa ghi na lo igho ne uwa miẹn hẹ, ohanmwẹ ghi ye gha gbe uwa? Wa danmwehọ mwẹ, ne uwa vbe ru vbene I khare, wa gha miẹn evbare ne ọ maa sẹ gha re.

Matiu 11:28

“Wa bu mwẹ gha dee, wa hia ne ihẹ nọkhua ne ọ mu wọ ẹre egbe, I gha rhie ikẹtin ne uwa.

Iyẹn ne ọ Maan Ọghe Luk 12:20

Sokpan Osanobua tama rẹn wẹẹ, ‘Wẹ ne akpa! Asọn na, a gha miẹn ruẹn orhiọn ruẹn. De ọmwa ne ọ ghẹ ghi yan ekhuan ne u khuan ye otọ ne egbe uẹ na.’ ”

I Jọn 2:16

Emwi hia ni re ọghe agbọn na, emwi ne ọ yẹ egbe orukhọ na, emwi ne emwa ne agbọn bẹghe ne ọ vbe ya ghan, ọkpa ne ọ ke ehe ne Evbavba ye rre, ẹ i rrọọ, agbọn na ọre ehia ke rre.