Asan-Ibo 4:4 - Edo Bible (E Baibol Ẹdo) Version 1996

⁴ I vbe rẹn emwi ne ọ si ẹe nẹ, ne emwa na miẹn ẹsọn sẹrriọ vbe agbọn na, ne ọ miẹn ehe na dunna ne iran: emwi ne ọ siẹe ọrọre wẹ emwi ne ogieva iran mwẹ viẹn ye iran aro, sokpan, ọna i vbe mwẹ esa, te ọ yevbe ne a khu ẹhoho khian.

Asan-Ibo 4:4 ပူးပေါင်းရင်းမြစ်များ

Gẹnẹsis 26:14

Avbe Filistin kegha gbe ọvo ẹre rhunmwuda ighẹ ọ mwẹ oghẹn ohuan kevbe ẹmila nibun deba avbe eviẹn.

Gẹnẹsis 31:1

E Jekọb ghi họn wẹ ivbi e Leban ta ee khian wẹẹ, “Jekọb viọ emwi erha ima fo. Emwi erhamwa ọre ọ ya họn ẹfe ne ọ mwẹ hia.”

Itan 27:4

Emwi dan ne ọ rhia emwi ọ re ohu khin, sokpan a i zẹdẹ yae gie igbọvo hiehiere.

Asan-Ibo 1:14

Aro mwẹ sẹ emwi hia ne a ru vbe agbọn na nẹ, ne I wa tama ruẹn nian wẹ erhọkpa i mwẹ esa. Te ọ yevbe ne a khu ẹhoho khin.

Asan-Ibo 1:17

I keghi vbe kha wẹ, I gha ruẹ alughaẹn ne egbe ne ọ rre irẹnmwi kevbe ukọnmwẹ, aro ne ọ hianrẹn kevbe emwẹmwẹ. Sokpan, I keghi miẹn wẹ te ọ yevbe ne ọmwa khu ẹhoho khian.

Asan-Ibo 2:21

Ọmwa ghi wa ya ẹwaẹn rẹn hia miẹn ẹsọn ye emwi ọkpa, vbe irẹnmwi ẹnrẹn kevbe iguemwi ẹnrẹn. Iyekọnii, u ghi wa sẹ ehia rae ne ọmwa ne ọ ma zẹdẹ miẹn ẹsọn yọ. Ọna i zẹdẹ maa, ọ ma vbe gba.

Asan-Ibo 2:26

Osanobua ọ re ọ rhie ẹwaẹn, irẹnmwi kevbe ọyẹnmwẹ ne emwa ne ọ ru ne ọ yẹ ọre, sokpan, ọ ghi ya emwa orukhọ gha winna, iran ghi miẹn igho, iran ghi ya ẹe gbakhua hinrre, ne a miẹn ehe na viọ okhuan ne iran khuaẹn ne emwa ni ru ne ọ yẹ ọ re. Ena hia i maa, te ọ yevbe ne a khu ẹhoho khian.

Asan-Ibo 4:16

Ugbẹnso a i sẹtin ka inu emwa ne ọba khaemwisẹ yan, ọ gha wu nẹ, a i ghi miẹn ne ọ kpọnmwẹ ye ẹse ne ọ ru. Ọna i zẹdẹ maa. Te ọ yevbe ne a khu ẹhoho khian.

Asan-Ibo 6:11

Vbene u gha wẹ ne u ya gha muan ẹmwẹ te ọ wa vbe ya rhia yọ, u i vbe miẹn ọ maa okpa rhie vbọ.

Asan-Ibo 6:9

Ọna i vbe maa, te ọ yevbe ne a khu ẹhoho khian. Ọ kere ne emwi ne ọmwa mwẹ sẹ ọre ọkẹn, sẹ ne ọ gha rhie aro ye ọvbehe vbe ẹghẹ hia.

Matiu 27:18

Rẹn wa rẹn ighe ikhuiwu ọre iran ya si Jesu gie irẹn.

Iwinna 7:9

“Avbe erha mwa odede kegha mu ohu Josẹf, iran keghi khiẹn ọre ọviẹn fua gha rrie otọ Igipt. Sokpan Osanobua keghi ya ba ẹre.

Jems 4:5

Ghẹ gha ro ighẹ, ẹ i mwẹ otọ emwi ne a ya ẹe kha ighẹ ne ebe ne kha wẹẹ, “Orhiọn ne Osanobua rhie ye uwu ima, orriarria ọbanabe ọre ọ vuọn rẹn.”

I Jọn 3:12

Ọ ma kei ne ima gha ye vbe Ken. Ọghe Ọmwa Dan ni rẹn khin, ọ keghi gbe ọtiọnrẹn ne okpia ua. Vbọzẹ ne Ken na gbe ẹe rua yi? Rhunmwuda ighẹ emwi ne irẹn ru ma gba, sokpan emwi ne ọtiọnrẹn ru keghi re ne ọ gbae.