Asan-Ibo 4:13 - Edo Bible (E Baibol Ẹdo) Version 1996

^13-14 Ọmwa wa sẹtin ke ovbiogue kpao do rriọba ẹvbo ẹre, ra ne ọ ke ẹwẹdọ la ẹkete, sokpan, adeghẹ a miẹn wẹ vbe ọ khian ọmaẹn nẹ, ẹ i he ye wan vbene ọ gha na gha rhie vbe a gha bu ẹre ude, ọ ma maa vba igbama ne ọ re ovbiogue sokpan, ọ keghi mwẹ ẹwaẹn.

Asan-Ibo 4:13 ပူးပေါင်းရင်းမြစ်များ

Gẹnẹsis 37:2

Vbene okha ẹgbẹe Jekọb ye ọre ọna khin. E Josẹf, igbama ne ọ rre ukpo ehairrọvbugie keghi deba etiọnrẹn ivbi Bilha kevbe Zilpa ne egbakhian erha ẹe gha gbearoghe ohuan kevbe ẹwe. Ọ ghi do gha na iyẹn emwi dan ne etiọnrẹn ru ma erha ẹe.

I Ọba 22:8

Ehab keghi wanniẹn wẹẹ, “Ọkpa ye rrọọ, Makaia ne ovbi Imla, sokpan I i ho ẹmwẹ ọnrẹn rhunmwuda, ẹ i ta ẹmwẹ esi ma mwẹ, emwi dan nọ vbe ẹghẹ hia.” E Jehosiafat keghi wanniẹn wẹẹ, “Ghẹ kha vberriọ.”

II Krọnikol 25:16

Amezaia keghi gbe eta ye ọre unu wẹẹ, “De ẹdẹ ne ima ghi vbe zẹ uwẹ iguọbaziro yi? Gue unu uẹn vba ne u ghẹ ya ye uhunmwu tae.” Vbe akhasẹ ni ghi te gue unu ẹnrẹn, ọ tama rẹn wẹẹ, “I rẹnrẹn wẹ Osanobua tae nẹ ne irẹn fuẹn ruẹn uan, rhunmwuda ne u na ru avbe emwi na hia kevbe ne u ma na rhie ude ne I bu ruẹ re.”

Itan 19:1

Ọmwa re ovbiogue ne adazẹ, ọ re ọ maa sẹẹ ne a gha re ọzuọ ne ọhọn ohoghe.

Itan 28:6

A re ovbiogue ne uyinmwẹ adazẹ, ọ re ọ maa sẹẹ ne a gha re ọmwa ẹfe ne ẹwobi.

Asan-Ibo 4:12

Arhienva gha sẹtin rrọ igbinna ne orhiọnkpa i ra sẹtin rhie uhunmwu da. Irri ne a ba ẹre eha kugbe I rherhe fian.

Asan-Ibo 7:19

Ẹwaẹn gha sẹtin ru emwi ne ọmwa, sẹẹ vbene enikhaemwisẹ igbe gha sẹtin ru ne ẹvbo ọkpa.