Asan-Ibo 4:12 - Edo Bible (E Baibol Ẹdo) Version 1996

¹² Arhienva gha sẹtin rrọ igbinna ne orhiọnkpa i ra sẹtin rhie uhunmwu da. Irri ne a ba ẹre eha kugbe I rherhe fian.

Asan-Ibo 4:12 ပူးပေါင်းရင်းမြစ်များ

II Samuẹl 23:16

Ivbiyokuo ni hin usi eha nii na wa ya uhunmwu zẹ odẹ la uwu agọ ivbi e Filistin gberra, iran na ya sa amẹ vbe uhae nii, iran na mu gie Devid sokpan, ọ ma wọn ẹẹn, ọ keghi hi hiẹ ọe kua zẹ vbe emwi ne a ya zọ ese ghe Nọyaẹnmwa.

II Samuẹl 23:23

Te irẹn wa lughaẹn hin usi vbe uwu “Iran Ọgban” nii. Sokpan, ọ ma hin usi vba “Iran ne Eha.” E Devid keghi ya ẹe ru ọkaolotu avbe ọkpọmwa rẹn.

II Samuẹl 23:9

Ne ọ ghi vbe lele ẹe ọvbehe ọkpa vbe rrọọ vbe uwu “Iran ne eha” ni hin usi nii, ọnii ọ re Eliaza ne ovbi e Dodo kevbe eyẹ Ahoo. Vbe ẹghẹ ọkpa, rẹn kevbe Devid ke duẹ iran an ighẹ ivbi e Filistin ni te si koko khẹ okuo. Ivbi Izrẹl keghi te lẹ kua.

Asan-Ibo 4:11

Adeghẹ oni fi, arhienva sẹtin lovbiẹ, oni i ghi gbe iran, sokpan vbe orhiọnkpa ra sẹtin lovbiẹ hẹ ne oni i ra na gbẹe?

Asan-Ibo 4:13

Ọmwa wa sẹtin ke ovbiogue kpao do rriọba ẹvbo ẹre, ra ne ọ ke ẹwẹdọ la ẹkete, sokpan, adeghẹ a miẹn wẹ vbe ọ khian ọmaẹn nẹ, ẹ i he ye wan vbene ọ gha na gha rhie vbe a gha bu ẹre ude, ọ ma maa vba igbama ne ọ re ovbiogue sokpan, ọ keghi mwẹ ẹwaẹn.

Ẹfisọs 4:3

Wa lo ẹtin uwa hia, ne uwa ya da ẹe yi ighẹ akugbe ne Orhiọn rhie ne ọmwa, vbe ekpa ọfumwegbe ne ọ dee uwa hia kugbe.