Asan-Ibo 4:10 - Edo Bible (E Baibol Ẹdo) Version 1996
10 Adeghẹ ọkpa vbọ de, nọkpa gha sẹtin si ẹe kpaegbe. Sokpan, adeghẹ orhiọnkpa kẹkan nọ, ọ na de, ẹ i zẹdẹ maa hiehie, rhunmwuda, ọmwa rhọkpa i rrọ ne ọ gha si ẹre obọ kpaegbe.
Ẹre Keni na khama Ebẹl ne ọtiọnrẹn nokpia wẹẹ, “Gie ima khian ladian ghe oha.” Ugbẹn vbe iran ghi sẹ uwe oha, Keni ke ye emwi yan ọtiọnrẹn nokpia, ọ na gbẹe rua.
Ẹghẹ akhiẹ ghi gberra nẹ, e Devid keghi ya rhie ẹre gha die ẹguae. Okhuo nii na khian amwẹ ọnrẹn, ọ keghi biẹ ọmọ okpia ọkpa ne ẹẹn, sokpan ẹko e Nọyaẹnmwa ma rhiẹnrhiẹn ye emwi ne Devid ru na.
Enọwanrẹn, emọ ikpia eva ọre I mwẹ. Ọ ghi sẹ ẹdẹ ọkpa, ẹzọ keghi sunu ne iran vbe oha, ehe ne a ma na miẹn ọmwa ne ọ mu iran igbinna, ọkpa keghi gbe nọkpa a.
Etẹn, a deghẹ a mu orhunmwu ọkpa mu orukhọ, wa ni re ọghe orhiọn vbọ, wa ghi dia ẹre ye odẹ, sokpan wa ghi ru ẹre ọghe ọghọ vbe ute. Wa tobọ uwa ghi vbe gha ba egbe, ne a ghẹ vbe danmwẹ uwa ghẹ.