Asan-Ibo 3:7 - Edo Bible (E Baibol Ẹdo) Version 1996

⁷ ọ rhie ẹghẹ yọ ne a ya yanghan emwi, ọ rhie ẹghẹ yọ ne a ya dọlọ emwi, ọ rhie ẹghẹ yọ ne a ya hunwan, ọ rhie ẹghẹ yọ ne a ya guan,

Asan-Ibo 3:7 ပူးပေါင်းရင်းမြစ်များ

Gẹnẹsis 37:29

Ugbẹn vbe Riubẹn ghi dọlegbe sẹ uhae nii, vbe ọ ghi miẹn wẹ Josẹf i ghi rre evba, ọ keghi sọ ẹwu ye egbe ẹre ẹkun zẹ vbe orhiema ọghe akhiẹ.

Gẹnẹsis 37:34

E Jekọb keghi sọ ẹwu ye egbe ẹre ẹkun, ọ na mu ukpọn nekhui rhuan zẹ vbe orhiema akhiẹ, ọ keghi ya ẹdẹ nibun khiẹ ovbi ẹre.

Gẹnẹsis 44:18

E Juda keghi bu e Josẹf gha khian ọ keghi wẹẹ, “Lahọ enọwanrẹn, gun mwẹ fanmwegbua guẹ guan. Ghẹ gunmwẹ gui enọwanrẹn, te uwẹ wa yevbe ọba tobọ ẹre,

Gẹnẹsis 44:34

Vbia ra bu erha mwẹ gha rrie owa hẹ vbe ne ọvbokhan nii i na gue mwẹ? Mẹ i sẹtin zin ẹnrẹn ne I miẹn ọkhọ vbe nian ne ọ sunu vbe egbe erha mwẹ.”

II Samuẹl 1:11

E Devid keghi ye akhiẹ sọ ukpọn rẹn uan, emwa rẹn hia keghi vbe sọ ọghe iran an.

II Samuẹl 3:31

Ẹre Devid na wẹ ne Joab kevbe emwa rẹn sọ ukpọn iran uan, ne iran viọ ukpọn akhiẹ rhuan, ne iran khiẹ Abna. Ugbẹn vbe iran ghi re ẹre, e Devid ne ọba tobọ ẹre keghi ya owẹ khian lele ẹkpẹti orinmwi ẹnrẹn.

I Ọba 21:27

Elaija ghi guan fo nẹ, Ehab keghi sọ ukpọn irẹn uan, ọ keghi kie ẹre viọ kua, ọ na viọ ukpọn akhiẹ yọ. Ọ ma ghi rri evbare, ọ keghi ya ukpọn akhiẹ vbiẹ, ọ kegha khian huẹẹ, vbe ọmwa ne akhiẹ gbe fi otọ.

II Ọba 18:36

Emwa nii keghi wa hunwan zẹ vbene Hẹzekaia ne ọba wẹ ne iran ru, iran ma tu asẹn ye otọ.

II Ọba 5:7

Ọba Izrẹl ghi tie ebe nii, ọ keghi sọọ ukpọn rẹn uan rhunmwuda ọ ye egbe wọ ọre, ọ kevbe fian ẹre afianma. Ọ keghi kha wẹẹ, “Vbe ọba e Siria na wẹ ne I sinmwi ọmwa na hẹ yi? Te irẹn ro ighẹ Osanobua ne ọ mwẹ ẹtin vbe uhunmwu arrọọ kevbe uwu mẹ khin ra? U ma miẹn ighẹ ẹmwẹ ọ re ọ ho mwẹ re na.”

II Ọba 6:30

Ọba ghi họn ẹmwẹ na, ọ keghi sọ ukpọn rẹn uan rhunmwuda vbene ọ gbe ẹre egbe sẹ, emwa ni sikẹ ọkpẹn ekẹn keghi bẹghe ẹre wẹ ukpọn akhiẹ ẹre ọ yọ kotọ.

Ẹsta 7:4

Ke imẹ kevbe emwa mwẹ, a khiẹnnẹ ima nẹ wẹ ne a gbele ima an. Akpawẹ te a khiẹnnẹ ima kua kevbe a ya gha re eviẹn emwa ọvbehe, I ghẹ zẹdẹ kpokpo uẹ, I gha hẹko hunwan, sokpan, te a ghi ra fuẹn ima an na, ne ima wa wu gbe ẹro.”

Job 2:13

Iran keghi gu ẹe tota ye otọ vba la avan ihinrọn kevbe asọn ihinrọn vbene iran ma na guan hiehiere rhunmwuda, iran miẹn wẹ obọ ọlọghọmwa ni da ẹe ẹsẹse.

Psalm 39:2

Mẹ wa hunwan, vbene I ma na ta ifiẹmwẹ ọkpa kẹkan, uhin yasẹ vbe ekpa emwi ne ọ maa! Sokpan, te oya ne I re ye gha khọrhiọn sayọ.

Asan-Ibo 3:6

ọ rhie ẹghẹ yọ ne a ya mu fua, ọ rhie ẹghẹ yọ ne a ya miẹn rhie, ọ rhie ẹghẹ yọ ne a ya si koko, ọ rhie ẹghẹ yọ ne a ya zagha kua,

Aizaia 36:21

Emwa nii keghi wa hunwan zẹ vbene Hẹzekaia tama iran, iran ma vbe ta ukpẹmwẹ ọkpa.

Jerimaia 36:24

Sokpan ke ọba kevbe avbe ekhaẹmwẹ ọnrẹn ne ọ họn ẹmwẹ na hia, ọkpa ne ohan vbe mu, ra ne ọ vbe rhie ma wẹ ọ da iran ẹ i rrọọ.

Jerimaia 8:14

Emwa Osanobua keghi nọ wẹẹ, “Vbọzẹ ne ima na tota hẹkpẹẹ yi? Wa larre, wa gie ima lẹ gha rrie avbe ẹvbo ne a gbe odin gaa nii, ne ima ya wulo vbe odọ. Osanobua bu ohiẹn uwu gbe ima nẹ, ọ mu eruan ne ima wọn ne, rhunmwuda ne ima na ru orukhọ ghe ẹre.

Eve Orriara 3:28

Ma gha rrioya, ọ kere ne ima okpa fẹko tota hunwan vbe i ziengbe.

Joẹl 2:13

“Wa gie orhiọn ne ọ ma sẹ uwa otọ rhie ma vbene uwa khiẹ sẹ hẹẹ, ukpọn ne a sọ ye egbe ọmwa ẹkun, ma zẹdẹ sẹ.” Wa dọlegbe bu e Nọyaẹnmwa ne Osanobua uwa gha dee, ọ mwẹ ekhọe agiẹngiẹn, ọ vbe vuọn ne itohan, ọ mwẹ izin egbe, ọ vbe mu eyan ne ọ yanrẹn sẹ, ọ mu egbe ne ọ ya bọ vbe ẹghẹ hia, ẹ i re ne ọ gha rri emwa oya.

Emọs 5:13

Rhunmwuda ọnii, ọmwa wa hẹko hunwan ọ re ọ maa sẹ vbe egbe ẹghẹ dan vbenian!

Emọs 8:3

Vbe ẹdẹ ne ẹdẹrriọ, egbọ ne a te viọ vbe uwu ẹguae gha khian utumwẹ akhiẹ. Ikun orinmwi gha gba ehehia. A ghi ya gha la iran kua vbene a i na vbe ta ẹmwẹ ọkpa.”

Maika 7:5

Ghẹ ya ẹmwẹ ọmwa ẹdogbo ruẹ yi ra ne u mu ẹtin yan ọse ruẹ. Gha rẹn vbene u gu emwa guan hẹ, ya sẹ egbe amwọn.

Iwinna 4:20

Rhunmwuda, ẹ i gie ima ru wẹ emwi ne aro ima sẹe nẹ, ehọ mwa vbe họn ẹn nẹ, ne a ghẹ ghi ta ẹe ladian.”

Iwinna 9:39

Rhunmwuda ọnii, Pita mu egbe ọ keghi lele iran gha khian. Ọ ghi sẹ evba, iran keghi rhie ẹre gha rrie nene ughugha vbe egedege. Avbe ẹgbẹe hia keghi mama rhuẹe, iran gha viẹ, iran kegha viọ ẹwu ọkotọ kevbe ọkodukhunmwu ne a sele vbe ẹghẹ ne ọ na rre agbọn ma emwa.

I Samuẹl 10:16

E Sọl keghi wanniẹn wẹẹ, “Ọ tama ima ighẹ a miẹn avbe emwirri nii nẹ.” Sokpan ọ ma tama ovbiye erha ẹe ni wẹ Samuẹl tama rẹn wẹ rẹn gha rriọba.