Asan-Ibo 3:3 - Edo Bible (E Baibol Ẹdo) Version 1996

³ ọ rhie ẹghẹ yọ ne a ya gbe ua, ọ rhie ẹghẹ yọ ne a ya sinmwi, ọ rhie ẹghẹ yọ ne a ya siẹn emwi sotọ, ọ rhie ẹghẹ yọ ne a ya bọ ẹe, ọ rhie ẹghẹ yọ ne ẹko ya rriara, ọ rhie ẹghẹ yọ ne ẹko ya rhiẹnrhiẹn,

Asan-Ibo 3:3 ပူးပေါင်းရင်းမြစ်များ

Gẹnẹsis 9:6

Ọmwa ne ọ rhirhi gbe ọmwa ran, ọmwa ne ihuaẹre ọ gha vbe gbẹe rua. Rhunmwuda te a yi ọmwa zẹ vbe Osanobua.

Aizaia 44:26

Sokpan avbe eguọmwadia mwẹ ta emwi ne ọ gha he sunu yotọ Mẹ gha gie ọmwa uhunmwu ne ọ ya rhie emwamwa mwẹ maa, I ghi ru ẹe ne avbe emwamwa nii kevbe ẹmwẹ ne a ta yotọ nii gele gha sunu. I tama Jerusalẹm wẹ emwa gha dọlegbe gha rre evba, kevbe avbe okpẹvbo ni rre Juda ighe a gha dọlegbe bọ iran. Avbe ẹvbo nii gha kpaegbe hin itowa ree.

Aizaia 6:10

Rẹn keghi vbe tama mwẹ wẹẹ, “Gie ekhọe iran ne emwa na gbin, gie ehọ iran yin, ne aro iran vbe rhu. Ne iran ghẹ bẹghe ra ne iran họn, ra ne iran rẹn emwi ne a yae kha. Ọ gha gie iran ru, iran sẹtin fiwerriẹ bu mwẹ gha dee, mẹ ghi mu iran egbe rran.”

Jerimaia 1:10

Vbe ẹdẹnẹrẹ na, I rhie asẹ ne uẹn yan uhunmwu avbe uhunmwu ẹvbo kevbe avbe otọe arriọba, ne u ya gha silo emwi vbọ kevbe ne u ya gha siẹn emwi sotọ, ne u ya gha rẹnkhẹn emwi uan kevbe ne u ya gha dunmwu emwi uan, ne u ya gha bọ kevbe ne u ya gha kọ.”

Jerimaia 31:28

Zẹ vbene I wa mu aro yọ ne I vbọlọ kua, ne I siẹn gbotọ, ne I sua guọghua, ne I fuẹn ọnrẹn uan kevbe ne I rẹnkhẹn iran, erriọ ọ re I gha wa vbe mu aro yọ ne I kọ iran kevbe ne I bọlọ iran.

Jerimaia 33:6

Sokpan, I gha mu ẹvbo na egbe rran, kevbe emwa ni rrọọ, I ghi gie egbe rran iran. I gha rhie ọfumwegbe nọkhua kevbe ẹkun ne ọ sotọ ẹsẹse ne iran.

Jerimaia 45:4

“Sokpan, mẹ ne Nọyaẹnmwa, avbe emwi ne I te ka bọlọ hia, I gha siẹn ehia sotọ, avbe emwi ne I te gbọọ hia, I gha silo iran vbọlọ. Te I ra ru emwi na la otọ agbọn hia.

Ezikiẹl 13:14

I wẹ I gha guọghọ ekẹn nii ne iran ya orhue dọlọ gbotọ, ne I wiẹghẹ ọe rua, ke ne I vbe ya okuta ẹyotọ ẹre khian ne a ghi bẹghe. Ọ gha de guọghọ ua, ọ ghi gbele uwa hia a. Ẹghẹ nii, emwa hia gha rẹn i ghẹ mẹ ọrọre Nọyaẹnmwa.

Hagai 1:2

E Nọyaẹnmwa ne Oghodua keghi tama e Hagai wẹẹ, “Iran na ta ẹe khian we ẹghẹ na ma kei yọ ne a gha ya bọ Ọgua Osa.”

Hagai 1:4

“Wa ne emwa mwẹ, vbọzẹ ne uwa gha na gha rre owa ne a bọlọe ẹsẹse vbe Ọgua Osa mwẹ re itowa?

Zẹkaraia 1:12

Ẹre odibosa nii na kha wẹẹ, “E Nọyaẹnmwa ne Oghodua, wẹ mu ohu e Jerusalẹm nẹ kevbe avbe okpẹvbo e Juda la ukpo ekigbesiyenẹ nian. Vbe ọ gha ghi kpẹe sẹ hẹ u te do mwẹ itohan?”

Diuteronomi 32:39

“ ‘Mẹ, mẹ ọkpa kẹkan ọrọre Osanobua, Osanobua ẹmwata ọvbehe i ghi rrọọ. I gbe; I vbe huẹn, I fian ẹwẹn, I vbe kpe ẹwẹn rrie, ne ọ gha sẹtin gbe odan ye emwi ne I ru, ẹ i rrọọ.

I Samuẹl 2:25

Ọmwa gha ba emwi ku ru ghe ọmwa ọvbehe, Osanobua sẹtin degue ẹre, sokpan de ọmwa ne ọ ra degue ọmwa ne ọ ba emwi ku ru ghe Osanobua?” Sokpan, iran ma zẹ ye erha iran re, rhunmwuda, Osanobua ta ẹe nẹ wẹ te irẹn ra fuẹn iran uan.

I Samuẹl 2:6

E Nọyaẹnmwa ọ re ọ gbe, rẹn ọ vbe huẹn. Rẹn ọ re ọ gie emwa yo ẹvbo eni wulo nẹ. Ọ ghi vbe dọlegbe viọ iran gha dee.