Asan-Ibo 3:2 - Edo Bible (E Baibol Ẹdo) Version 1996

² Ọ rhie ẹghẹ yọ ne a ya biẹ ọmwa, ọ rhie ẹghẹ yọ ne a ya wu, ọ rhie ẹghẹ yọ ne a ya kọ, ọ rhie ẹghẹ yọ ne a ya vulo,

Asan-Ibo 3:2 ပူးပေါင်းရင်းမြစ်များ

Gẹnẹsis 47:29

Ọ ghi bu ẹghẹ ne Izrẹl gha ya wu, ọ keghi tie Josẹf ne ovbi ẹre, ọ tama rẹn wẹẹ, “Lahọ, do viọ obọ ruẹ yọ mwẹ akharha ne u yan ma mwẹ wẹ, u gha ya ẹkoata gha ru emwi ne ọ maa ghe mwẹ, wẹ u i ra mu mwẹ yotọ vbe Igipt.

I Ọba 13:2

Zẹ vbene e Nọyaẹnmwa gie, akhasẹ nii keghi ya yan aka nii, ọ wẹẹ: “Aka o, aka, vbenian ọre Nọyaẹnmwa khare: A gha biẹ ọmọ okpia ọkpa nẹ Devid, a ghi gha tie eni ọmọ ni e Josaia. Ọ gha gbele avbe ohẹn ni do gha ga vbe aro ẹbọ enimayayi na, iran ni zọ ese vbe uhunmwu ruẹn, ọ ghi giẹn ugboloko emwa ne agbọn yan ruẹn.”

II Ọba 4:16

Elaisia na tama okhuo nii wẹẹ, “Vbe ẹghẹ na ukpo ne ọ dee, u gha mu ọmọ okpia mwẹ obọ.” Okhuo nii keghi datu wẹẹ, “A a, ghẹ ta ohoghe ma mwẹ, ọmwa Osanobua ọre u khin!”

Job 14:14

Ọmwa gha wu nẹ, ọ gha ye rhiọrre do gha rrọọ ra? Sokpan, mẹ gha diakhẹ ẹghẹ ne ọ maa sẹẹ.

Job 14:5

A ta ẹe ye otọ nẹ vbene ọ gha tọ sẹ hẹ. Inu uki ne ọ gha ya vbe agbọn. U ta ẹe mu olọ yan rẹn nẹ, ẹ i ghi giẹ a fiwerriẹ.

Job 7:1

“Ẹdagbọn ọmwa nagbọn, te ọ ye vbe okuo ne a ya ẹtin mu ọmwa gha rrie.

Psalm 113:9

Ọ rhie ọghọ ne amwẹ ne ẹ i mwẹ ọmọ vbe owa ẹre ọ gie ẹe sẹ ọyẹnmwẹ vbekpa ne ọ na viọ emọ ne ẹẹn. Wa rho e Nọyaẹnmwa

Psalm 52:5

Rhunmwuda ọnii, Osanobua gha mu uwẹ rhia ẹdẹdẹmwẹdẹ, ọ gha dobọ mu ẹẹn ọ ghi sanmwọ ọn hin owa ruẹ rre ọ ghi rhie ruẹ hin agbọn emwa ni ma he wu rre.

Itan 24:27

Ghẹ bọ owa ruẹ ne u zọ urho ladian, vbe ẹ i re te ugbo ruẹ de mudia nẹ, aro ruẹ na vbe da ẹe ighe u gha sẹtin gha miẹn evbare unu.

Aizaia 28:24

A i miẹn ọgbugbo ne ọ wa gua eguegua khian, ne ọ wa vbe gha dọlọe yi khẹ emwi ne a kọ.

Aizaia 38:1

Vbe ẹghẹ na, e Hẹzekaia ne ọba keghi gha khuọnmwi, ọ te ra wa wu. Aizaia ne akhasẹ ighe ovbi Amọz keghi ya miẹn ọẹn, ọ tama rẹn wẹẹ, “E Nọyaẹnmwa we ne a tama ruẹn ne u dọlọ emwi yi, rhunmwuda u i ra fe. Mu egbe ne u gha ya wu.”

Aizaia 38:5

wẹ ne ọ werriegbe bu e Hẹzekaia gha khian, ne ọ ya tama rẹn wẹẹ, “Mẹ ne Nọyaẹnmwa, ne Osanobua e Devid ne erha a odede họọn erhunmwu ruẹn nẹ, I vbe dẹghe ameve ruẹ. I gha fian ukpo ekesugie ba ẹdagbọn ruẹn,

Aizaia 54:1

E Jerusalẹm, te uwẹ gha ye vbe okhuo ne ẹ i mwẹ emọ, sokpan, eban nian, u sẹtin so ihuan ne u vbe gha wee ne oghọghọ. Eban nian, u gha mwẹ emọ sẹ okhuo ne ọdọ ẹre ma sẹrae ẹdẹ,

Jerimaia 1:10

Vbe ẹdẹnẹrẹ na, I rhie asẹ ne uẹn yan uhunmwu avbe uhunmwu ẹvbo kevbe avbe otọe arriọba, ne u ya gha silo emwi vbọ kevbe ne u ya gha siẹn emwi sotọ, ne u ya gha rẹnkhẹn emwi uan kevbe ne u ya gha dunmwu emwi uan, ne u ya gha bọ kevbe ne u ya gha kọ.”

Jerimaia 45:4

“Sokpan, mẹ ne Nọyaẹnmwa, avbe emwi ne I te ka bọlọ hia, I gha siẹn ehia sotọ, avbe emwi ne I te gbọọ hia, I gha silo iran vbọlọ. Te I ra ru emwi na la otọ agbọn hia.

Matiu 13:41

Ovbi Ọmwa gha gie avbe odibo ẹre ladian, iran ghi ya silo emwa ni si emwa fi orukhọ, kevbe avbe emwa dan hia ke uwu Arriọba ẹre ladian.

Matiu 15:13

Jesu wanniẹn tama iran wẹẹ, “Erhankerhan ne erha mwẹ ne ọ rre ẹrinmwi ma kọ, te a ra vbọlọ ehia kua.

Iyẹn ne ọ Maan Ọghe Luk 1:13

Sokpan odibosa nii tama rẹn wẹẹ, “Ghẹ gie ohan mu ẹn Zẹkaraia, Osanobua họn erhunmwu ruẹn nẹ, Elizabẹt ne amwẹ ọẹn gha biẹ ọmọ okpia nuẹn. U ghi he ẹre Jọn.

Iyẹn ne ọ Maan Ọghe Luk 1:20

Sokpan, wẹ ma ya ẹmwẹ ne I do tama ruẹn yi, ẹmwẹ ne ọ gha sẹ vbe ẹghẹ a sẹ. Rhunmwuda ne u ma na yayi na, u gha khian odin. Te u ra ye kitikpọ, rhinrin ya sẹ ẹdẹ ne eyan ne I yan ma ruẹn na gha sẹ.”

Iyẹn ne ọ Maan Ọghe Luk 1:36

Ghe, Elizabẹt ne ọtuẹn, ne agbọn hia tie ẹre agan, ẹko uki ehan ọre ọ guee na, egbe ne ọ ya khian ọmaẹn nẹ.

Iyẹn ne ọ Maan Ọghe Jọn 16:21

Emwi ubiẹmwẹ gha ru okhuo, egbe i rọkhọ ẹe, rhunmwuda ẹghẹ ne ọ gha ya rri oya sẹ nẹ, sokpan, ọ ghẹ ghi biẹ ọmọ nii nẹ, ẹ i ghi ye obalọ rre rhunmwuda, ọ biẹe rhie mwẹ.

Iyẹn ne ọ Maan Ọghe Jọn 7:30

Iran keghi te gha ho ne iran mu ẹn sokpan, ọmwa ne ọ ye obọ kan rẹn ẹ i rrọọ rhunmwuda ẹghẹ ọre ma he sẹ.

Iwinna 7:17

“Ọ ghi bu ẹghẹ ne Osanobua ra ya mu ile ne ọ gu Ebraham ta sẹ, emwa ima ni rre Igipt keghi wa khian ọrhẹnrhẹn.

Iwinna 7:20

Uwu ẹghẹ na ọre a na biẹ Mosis, ọ keghi re ọmọ ne ọ mose ẹsẹse. A keghi koko ẹe la uki eha vbe owa.

Galatia 4:4

Sokpan, ugbẹn vbe ọ ghi do sẹ ẹghẹ ne ọ kee yọ sẹẹ, Osanobua keghi gie ovbi ẹre tobọ ẹre gha dee. Rẹn keghi rre zẹ vbe ọmwa ne iye ẹe re ọmwa ne agbọn na, ọ na vbe gha rre ototọ Uhi avbe Ju.

Diuteronomi 34:5

Ẹre Mosis ne ọguọmwadia e Nọyaẹnmwa na wu vbe evba vbe otọ Moab zẹ vbene e Nọyaẹnmwa kha re ighẹ ọ gha ye.

Hibru 9:27

Rhunmwuda uhukpa ọre dọmwadẹ ọghọe ra wu, vbe iyeke ọnii, Osanobua ghi bu ohiẹn ọnrẹn.

I Samuẹl 2:5

Iran ne a koko ẹse la iyoha ba ẹmwẹ evbare, ohanmwẹ ma ghi gbe iran ne ohanmwẹ te gbe ọvbehe. Amwẹ ne agan biẹlẹ emọ ihinrọn, sokpan, a ma sẹ ọkpa rae ne nọ biẹlẹ enibun.