Asan-Ibo 3:14 - Edo Bible (E Baibol Ẹdo) Version 1996

¹⁴ Mẹ rẹnrẹn wẹ emwi ne Osanobua ru hia, etẹbitẹ nọ. Wẹ i sẹtin fian te ẹe ra ne u fian hin. Ọkpa vbe emwi ne Osanobua ru ọrọre ne ima gha ya ọghọ ne ẹẹn.

Asan-Ibo 3:14 ပူးပေါင်းရင်းမြစ်များ

II Samuẹl 22:31

U miẹn vbe emwi ne Osanobua na ru gba ẹe hẹ. U miẹn vbe ẹmwẹ ọnrẹn gia mu ẹtin yan hẹ! Te irẹn yevbe asa, ne iran ne ọ wẹ ne ọ degue iran.

Psalm 33:11

Sokpan, emwamwa irẹn rrọ ẹdẹdẹmwẹdẹ, iziro ọghọe rrọ etẹbitẹghori.

Psalm 64:9

Ohan gha mu iran hia iran ghi gha mu iwinna Osanobua roro iran ghi vbe gha na iyẹn emwi ne ọ ru.

Psalm 76:10

Te ohu ne emwa nagbọn mu, dọlegbe rhie urhomwẹ ne uẹn sayọ, iran ni miẹn uhunmwu vbe okuo nii gha ru emwi ukpo ruẹ.

Itan 19:21

Emwa sẹtin mwamwa emwi gbe erhan gbe irri, sokpan, ne ọ yẹ e Nọyaẹnmwa ọ re a ra ru.

Itan 21:30

Ẹwaẹn ọmwa nagbọn, aguẹmwẹ, a ghe umian emwi sotọ, ena rhọkpa imwẹ asa ne iran ye adeghẹ e Nọyaẹnmwa mu aro da ọmwa.

Itan 30:6

U gha ya kha wẹ ọ ta ẹmwẹ ne ọ ma zẹdẹ ta, te Osanobua gu uẹ gui, ọ ghi rhie ma wẹ ọhọn ohoghe ọ re u khin.”

Asan-Ibo 12:13

Vbe iyeke avbe enena hia, ẹmwẹ okpa kẹkan ọ re ọ ghi kẹe ne a gha ta wẹ. Gha yọghọ ne Osanobua, ne u vbe gha ya uhi ẹre ru emwi, rhunmwuda emwi ne a yi ọmwa ba ọ re ọnii khin.

Asan-Ibo 5:6

Ghẹ gie ẹmwẹ ne unu ruẹn siọ fi orukhọ vbene u gha na ya tama ohẹn Osanobua ighe ọdẹn ọ re u gbe. Vbọzẹ ne u gha na ya Osanobua mu ohu ghe ruẹ yi? Vbọzẹ ne u gha na giee fuẹn uan, ighe emwi ne u miẹn ẹsọn yi.

Asan-Ibo 5:7

Vbene ọ khọn ruẹn u mina sẹ hẹ, vbene u a rhirhi miẹn ẹsọn kua sẹ hẹ, ra ne u talọ sẹ hẹ, ọ kere ne u ye gha mu ohan Osanobua.

Asan-Ibo 7:18

Gie emwi hia gha re oreghe. Adeghẹ u ya ọghọ ne Osanobua, ẹ i mwẹ ọ ma dunna nuẹn.

Aizaia 46:10

Vbe omuhẹn, ọ re I na taa emwi ne ọ gha kiekie ẹre, vbe ẹghẹ ne ọ kpẹe fua, I taa emwi ne ọ gha sunu yotọ nẹ. I khare wẹ, emwi ne I mwamwaẹn ne I ru, te ọ gba te I ru emwi hia ni rrọ mwẹ ekhọe ne I ru.

Daniẹl 8:8

Ẹwe nii keghi vbe do kakabọ gha hio yọ, sokpan ọ ghi wa sẹ ẹghẹ ne ẹtin ẹnrẹn na kpọlọ sẹẹ, a keghi kpan ẹre igho fua. I gho enẹ ọvbehe keghi zọ ladian ye ihe ẹre, ọkpọkpa keghi nien ukpẹ da ehe ọvbehe.

Iwinna 2:23

Osanobua tae nẹ, ọ kevbe tobọ ẹre mwamwaẹn zẹ vbe iho ọghọe, ne a rhie Jesu yan uwa obọ. Wa keghi gbe ẹe rua, wa keghi gie iran ne emwa orukhọ kan rẹn mu ugbugbe.

Iwinna 4:28

Iran si egbe koko, ne iran ru avbe emwi ni ne uwẹ ya ẹtin ruẹn kevbe iho ọwuẹ ta ye otọ nẹ wẹẹ, ọ gha sunu.

Iwinna 5:39

Sokpan, ọ gha re emwi ne ọ ke obọ Osanobua rre nọ, obọ uwa i sẹtin ke okhunmwu ne iran. Ne a ghẹ miẹn wẹ, te uwa ghi mu aro igbinna da Osanobua.” Iko ni keghi wa rhie ude ne Gamaliẹl buru.

Ebe ne Pọl gbẹẹn gie emwa Rom 11:36

Rhunmwuda rẹn ọre ọ yi emwi hia, rhunmwuda ẹre ọre emwi hia na rrọọ, rẹn iran vbe rrọọ na: Uyi ọre ọghe Osanobua ẹdẹdẹmwẹdẹ. Isẹ!

Ẹfisọs 3:11

Vbene Osanobua mwamwa ẹn ke ne a bu agbọn tua agbọn gha dee ọre ọ ru ẹe, rẹn keghi la ekpa Kristi Jesu Nọyaẹnmwa ru ẹre ne a ru fo.

Diuteronomi 32:4

“E Nọyaẹnmwa ọrọre ne ọ khọn ne uẹn nọ wegbe, nọgbae kevbe ẹmwata vbe odẹ ọ re hia; ọmwata kevbe ne ọ ta uhunmwu ẹmwẹ ẹre Osanobua rua khin; emwi ne ọ kere kene ọ maa ọ re ọ ru.

Taitọs 1:2

Idaehọ ẹfe etẹbitẹ ọre a hẹnhẹn ọẹn yan, Osanobua ne ẹ i ta ohoghe, ọ re ọ ve ima arrọọ na, vbe ẹghẹ te do suẹn,

Jems 1:17

Emwi ne ọ gbae, ne ọ maa, ne a ya we ọmwa hia, ke ẹrinmwi rre nọ. Obọ Osanobua ne Ayi ne ọ yi uwanmwẹ ẹrinmwi, ọ re ọ ke rre. Rẹn i fi werriẹ, ra ne ọ vbe la ekpa a fiwerriẹ si ebiebi.

Arhie Maan 15:4

Nọyaẹnmwa, de ọmwa ne ẹ i ra mu ohan ruẹn? De ọmwa ne ẹ i ra kha ighẹ ne ọ kpọlọ wẹ khin? Rhunmwuda, wẹ ọkpa kẹkan ọre ọ huanrẹn. Agbọn ẹvbo hia gha rre, iran ghi do ya uhunmwu rhanmwẹ otọ vbe odaro ruẹ. Rhunmwuda, iran hia miẹn uyinmwẹ ẹmwata ruẹ.”