Asan-Ibo 3:12 - Edo Bible (E Baibol Ẹdo) Version 1996

¹² Rhunmwuda ọnii, I keghi miẹn emwi ne ima gha sẹtin ru ma gberra wẹ, ne ima gha sẹ ọyẹnmwẹ, ne a vbe ru vbene ẹtin mwa sẹe vbe a he rre agbọn na.

Asan-Ibo 3:12 ပူးပေါင်းရင်းမြစ်များ

Psalm 37:3

Mu ẹtin yan e Nọyaẹnmwa ne u gha ru emwi ẹse, vbe gha yin otọe nii vbe ne ai na mwẹ ẹbe.

Asan-Ibo 11:9

Wa ne igbama, wa gha zọmọ igbama uwa. Gie ẹko gha sẹ uwa ọyẹnmwẹ vbene uwa he ye rre igbama na. Ru emwi ne u ho ne u ru, vbe rhie obọ lele emwi ne ọ rre orhiọn ruẹn. Sokpan ye rre wẹ Osanobua gha bu ohiẹn ruẹn vbekpa emwikemwi ne u rhirhi a ru.

Asan-Ibo 2:24

Emwi ne ọ maa sẹẹ ne ọmwa gha sẹtin ru ọrọre ne ọ gha re, ne ọ gha da kevbe ne ọ ya okhuan ne ọ khuaẹn gha zọmọ. Levba se vba, I kevbe miẹn wẹ obọ Osanobua ọ re ọna ke rre.

Asan-Ibo 2:3

Rhunmwuda ne ekhọe mwẹ na rrọ wẹ I ho ne I gha wan, I keghi wẹ I gha ye ayọn ne a da sẹ ọyẹnmwẹ ne I gha ru ọghe ne agbọn sẹ ọre obọ. I keghi roro ẹe wẹ erriọ ọ re ọ kere ne emwa ya lo agbọn ne ẹ i sa lo na.

Asan-Ibo 3:22

Rhunmwuda ọnii, I keghi do miẹn wẹ emwi ne ọ maa sẹẹ ne ima gha sẹtin ru ọrọre ne a lo emwi ne ima miẹn ẹsọn yi ya gha zọmọ. Emwi ọvbehe ne ima gha sẹtin ru ighi rrọọ. Odẹ okpa i rrọọ ne ima gha la rẹn emwi ne ọ ra sunu vbe ima a wu nẹ.

Asan-Ibo 8:15

Rhunmwuda ọnii, ekhọe mwẹ ta ẹe ma mwẹ wẹ te ọ kere ne ọmwa gha lo agbọn rẹn, rhunmwuda, ọyẹnmwẹ okpa ne ọ mwẹ vbe agbọn na ọrọre ne ọ gha re, ne ọ gha da, ne ọ vbe gha zọmọ. Ọ kere ne ọ sẹtin ru ọna vbe ẹghẹ ne ọ na winna vbe ẹdẹ ne Osanobua rhie ne ẹẹn vbe agbọn na.

Aizaia 64:5

Wẹ miẹn iran ne emwi ne ọgbae ne a ru yẹ yi, iran ni yerre vbene u wẹ ho ne iran gha yin hẹ. Ohu mwa te gha mu ẹẹn, sokpan, ma keghi ye gha ru orukhọ yan, vbene ohu ni ya mu ẹẹn sẹ, orukhọ ọre ima ye ru kẹ ẹkpo nẹdẹ ni gha dee.

Iyẹn ne ọ Maan Ọghe Luk 11:41

Wa viọ emwi ni rre uwu ọkpan kevbe ukpu ne uwa mwẹ ne ivbiogue, erriọ ọ gha na huan ne uwa.

Iwinna 20:35

Vbe uwu emwi hia, I rhie ma uwa wẹ vbe nian ọre ọ kere ne I ma kakabọ gha winna ne a miẹn ehe na ye iran ni ma wo vbe egbe obọ. Wa ye ẹmwẹ ne Nọyaẹnmwa Jesu tobọ ẹre ta ẹe rre wẹẹ, ‘Ne a gha rhie ne emwa ọvbehe ọre ọghọ ye sẹ ne a gha ghe emwa ọvbehe obọ.’ ”

Diuteronomi 12:18

Wa kevbe avbe ivbi uwa kevbe eguọmwadia uwa, kevbe avbe e Livai nii rre ẹvbo uwa, odaro Nọyaẹnmwa Osanobua uwa ọkpa ọ re uwa gha na gha rri ọe, vbe ihọkpa kẹkan ne a na ga nii, ne Nọyaẹnmwa ne Osanobua uwa zẹe re vbe evba ne u gie ẹko ruẹ vbe gha rhiẹnrhiẹn rhunmwuda emwi ọma ne Nọyaẹnmwa hẹ ne uwa.

Diuteronomi 12:7

Vbe evba nii, vbe odaro e Nọyaẹnmwa Osanobua uwa, ne ọ fiangbe uwa, wẹ kevbe ẹgbẹe ruẹ gha re, wa ghi gha ghọghọ rhunmwuda avbe emwi esi ne uwa miẹn ẹsọn yi.

Diuteronomi 26:11

U ghi gie ẹko ruẹ gha rhiẹnrhiẹn, rhunmwuda emwi ni maa ne Nọyaẹnmwa viọ ne uẹn kevbe ẹgbẹ ruẹ, u ghi vbe gie avbe Livai kevbe avbe erriọvbe ni rre ehe ne u ye deba uwa gha titi ẹe.

Diuteronomi 28:63

Zẹ vbene Nọyaẹnmwa wa yan gha zẹ ọma ne agbọn ku uwa, kevbe ne ọ na vbe gie uwa gha bun yọ, erriọ ọ re ọ ra vbe yan fuẹn uwa a, kevbe ne ọ vbe mu ọ rhiae lele uwa. A ghi ho uwa bẹkun vbe otọ ni ne uwa ra yin na.

I Timoti 6:18

Tama iran, ne iran gha ru emwi esi, ne iran gha re ni fe vbe emwi esi ne a ru, ne iran gha zẹ emwi obọ, ne iran vbe mu egbe ne iran gha ya ghae ne emwa ọvbehe.