Asan-Ibo 3:11 - Edo Bible (E Baibol Ẹdo) Version 1996

¹¹ Rẹn mwamwa ẹghẹ ne emwi hia kei yi ye otọ nẹ. Ọ vbe rhie ne ima ne a gha ho ne a rẹn vbene ẹdẹ nakhuẹ ra gha ye hẹ, sokpan, ọ ma gie ẹko ẹre vuọn ima wẹ ma rẹn otọ emwi ne ọ ru ẹsẹse.

Asan-Ibo 3:11 ပူးပေါင်းရင်းမြစ်များ

Gẹnẹsis 1:31

Osanobua keghi ghe emwi hia ne irẹn yi, ẹko ke sẹ ọre ọyẹnmwẹ ẹsẹse. Ẹdẹ ghi gbe ẹdẹ keghi mu, ọnii na gha re ikpẹdẹ ne ogiehan.

Job 11:7

“Wẹ gha sẹtin rẹn okhiẹ kevbe ukpẹ ọre ra ighẹ ẹtin kevbe ukpọlọmwẹ Osanobua?

Job 37:23

Ẹtin Osanobua kpọlọ sẹ vberriọ wẹ, ma i sẹtin sikẹ ọre, odẹ ẹmwata kevbe uhunmwu ẹmwẹ, ọre ọ ya gu emwa lo.

Job 5:9

Ma i sẹtin rẹn iwinna nọkhua ne ọ winna, iwinna ọyunnuan ẹnrẹn i vbe mwẹ ufomwẹ.

Psalm 104:24

Nọyaẹnmwa emwi ne u yi wa bun, a miẹn vbene u ya ẹwaẹn ru ehia hẹ! agbọn vuọn ne emwi ne uyi hia!

Itan 16:4

Emwi ne Nọyaẹnmwa yi hia wa mwẹ ne a zẹ yotọ khẹ ọre; emwi ne a ghae khẹ ọmwa dan ọrọre ọfuan.

Asan-Ibo 1:13

I keghi wa yan tae, I keghi vbe mu aro yọ wẹ, I gha gualotọ emwi hia ne a ru vbe agbọn na. Agbọn usẹ ọ re Osanobua mwamwa ne ima.

Asan-Ibo 11:5

Osanobua ọ re ọ yi emwi hia, wẹ i khian sẹtin rẹn otọ emwi ne ọ ru, gberra vbe ne u rẹn otọ ẹre sẹ ighe vbe ne ọmọ ọgbọn ya suẹn hẹ vbe ẹko okhuohanmwẹ.

Asan-Ibo 7:13

Roro avbe emwi ne Osanobua ru nẹ. De ọmwa ne ọ gha sẹtin dia emwi ne Osanobua ru nẹ wẹ ne ọ gọ?

Asan-Ibo 7:23

Ẹwaẹn mwẹ ọ re I ya danmwẹ avbe emwi na hia ghe, I keghi wa mu aro yọ wẹ ne I gha wan, sokpan, ọ keghi ye khian rrei mẹ.

Asan-Ibo 7:29

Emwiọkpa ne I miẹn ruẹ ọ re ọna khin wẹ te Osanobua yi ima fiain, sokpan ma keghi ye egbe ima khian khiẹnkhiẹnkhiẹn.

Asan-Ibo 8:17

Vbene ẹ i na vbe sẹtin rẹn emwi ne Osanobua ru. Vbene ọ khọn ruẹn ne u ziga sẹ, u i miẹn otọ ẹre. Emwa ni wan sẹtin kha wẹ iran miẹn ọẹn, iran ma miẹn emwi rhọkpa.

Matiu 11:27

“Erhamwẹ viọ emwi hia mẹ nẹ. Gberra Evbavba, ọmwa ọvbehe ne ọ rẹn ọmọ ẹ i rrọọ, gberra ọmọ, ọmwa ọvbehe ne ọ vbe rẹn Evbavba, ẹ i rrọọ, vbe ẹ i re iran ne ọmọ ho ne ọ rhie ẹre maa.

Matiu 13:22

Emwiokọ ni kharha ye uwu igban keghi re iran ni họn ne ne ẹmwẹ, iran keghi vbe rhie ẹre. Sokpan orhikhan agbọn kevbe ẹmwẹ ẹfe keghi khuakhua ẹe gbua, ọ ma gie ẹe mọ.

Iyẹn ne ọ Maan Ọghe Mak 7:37

Unu keghi yan emwa hia ni họn ẹn, iran wẹẹ, “Ọ dọlọ emwi hia yi, ọ ruẹe ne odin gha guan ọ vbe ruẹe ne ayin ehọ gha họn ẹmwẹ.”

Ebe ne Pọl gbẹẹn gie emwa Rom 1:28

Rhunmwuda ighẹ emwa ne agbọn ma giẹ irẹnmwẹ Osanobua ẹmwata di iran uhunmwu ya, Osanobua keghi he iran ye ẹmwẹ ekhọe iran ne ọ kulo, sẹrriọ wẹ, a ghẹ ru ọre iran ghi ru.

Ebe ne Pọl gbẹẹn gie emwa Rom 11:33

U miẹn vbe ẹfe Osanobua bun hẹẹ! U miẹn vbene ẹwaẹn kevbe irẹnmwi ọnrẹn dinmwi hẹẹ! De ọmwa nọ gha sẹtin rhan otọ vbene ọ ta ẹmwẹ yi hẹẹ? Gha ọ rẹn vbene ọ ru emwi hẹẹ.

Diuteronomi 32:4

“E Nọyaẹnmwa ọrọre ne ọ khọn ne uẹn nọ wegbe, nọgbae kevbe ẹmwata vbe odẹ ọ re hia; ọmwata kevbe ne ọ ta uhunmwu ẹmwẹ ẹre Osanobua rua khin; emwi ne ọ kere kene ọ maa ọ re ọ ru.