Asan-Ibo 2:8 - Edo Bible (E Baibol Ẹdo) Version 1996

⁸ I keghi vbe sii esiliva kevbe igoru gboo kevbe avbe otọe ni ga gunmwẹ gha dee. Ikpia kevbe ikhuo kegha so ihuan yọmwẹ ehọ, I keghi vbe gha mwẹ ikhuo sẹẹ vbene ọmwaikọmwa gha sẹtin mwẹ sẹ.

Asan-Ibo 2:8 ပူးပေါင်းရင်းမြစ်များ

II Samuẹl 19:35

Ukpo iyenẹ ọ re I ye na, emwi ọkpa ne ọ ghi gbe mwẹ otiti, ẹ i ghi rrọọ kevbe emwi ne I re kevbe ne I da, ne I ghi rẹn emwi ne ọ khọe vbe unu ẹ ghi rrọ, I i ghi vbe họn vbe otu ni so ihuan a gha so ihuan. Ihẹ kẹkan ọ re I khian gha khin nuẹn Umogun.

I Ọba 10:10

Ẹre ọba okhuo e Siẹba na viọ igoru ne ọ sẹ omwa etọni isẹn ne Solomọn, deba emwi ni winhin kevbe ikpẹrọnmwọ. Emwi ni winhin ne ọ viọ ne ẹẹn, ọrọre ne ọ he bun sẹ ne ọ he ka miẹn ẹdẹ ẹsẹse.

I Ọba 10:14

Ukpukpo ọre Solomọn ne ọba ya miẹn etọni igoru ne ọ gberra isẹn yan ugie.

I Ọba 10:21

Igoru ọre a ya ru ukpu hia ne Solomọn ya wọn amẹ, kevbe avbe emwi na lo ni rre Ugha Ẹgbo e Lebanọn hia. A ma lo e siliva, rhunmwuda, vbe ẹghẹ ọghe Solomọn, a ma ka ẹe ye emwi rhọkpa.

I Ọba 11:3

E Solomọn keghi viọ ikhuo ni re ivbiọba iyisẹn yan arria eha (700) rọnmwẹ. Ọ keghi vbe zẹlẹ ọse iyisẹn yan uri (300). Iran keghi ya ẹe fi iyeke gbe Osanobua,

I Ọba 14:27

E Rehoboam ghi ra ru ye ihe iran, ọ keghi ru asa ọghe oze, ọ na viọ ne iran ighẹ avbe iran ni khẹ onurho ẹguae.

I Ọba 9:14

Ọ sẹ omwa etọni igoru isẹn ne Hiram viọ gie Solomọn.

I Ọba 9:28

Iran keghi gua okọ ye otọ Ọfii, iran keghi viọ igoru ne ọ se etọni enẹ irrọ vbugie gie Solomọn.

I Krọnikol 25:1

E Devid ne ọba kevbe avbe ekaolotu avbe Livai keghi zẹ avbe uniẹn e Livai na ne iran gha ru ugamwẹ; ena ọ re Asaf, Heman kevbe Jedutun. Iran na ghi ta uhunmwu ne Osanobua gie vbene iran gha na gha kpe akpata kevbe ukusẹ lele ẹe. Eni iran ne a wẹ ne ọ gha ru ugamwẹ na ọ re ena khin, vbene dọmwadẹ oka na vbe mwẹ egbe ugamwẹ ne iran ru:

I Krọnikol 25:6

Ivbi ẹre ni ikpia hia wa guara kpe isẹ kevbe akpata vbene erha iran na dia iran ne a gha rhie ẹre ba ugamwẹ Ọgua Osa. Ọba ọ re ọ gha ta ne a gha ru ma Asaf, Jedutun kevbe Heman.

II Krọnikol 9:11

E Solomọn keghi ya erhan nii ru ikpa owẹ ye Ọgua Osa ẹguae ẹre. Ọ keghi vbe ya ẹe ru akpata kevbe ukusẹ ne avbe ikpemaba. A ma hẹ ka miẹn egbe emwi vberriọ yi vbe otọ e Juda.)

Asan-Ibo 1:2

Ẹ i mwẹ esa, ẹ i mwẹ esa, erriọ ọre Asan-ibo khare. Agbọn na i mwẹ esa, ẹ i zẹdẹ mwẹ esa hiehiere.

Daniẹl 3:15

Banbanna nian, wa gha ghi wa họn urhu avbe okpe, ẹgogo, ighẹnghan, akpata, kevbe avbe emwi ne a kpee ọvbehe, wa ghughẹrre ne u wa ya uhunmwu rhanmwẹ otọ ne amazẹ nii. Adeghẹ wa ma ru vberriọ, a gha wa viọ uwa ku uwu erhẹn ọwarọkpa nii, wa yayi we ẹbọ ọkpa rrọ ne ọ gha sẹtin miẹn uwa fan ra?”

Daniẹl 3:5

Wa gha ghi họn vbe a kpe okpe, ẹgogo na lelẹe kevbe ighẹnghan, kevbe ukusẹ kevbe akpata, deba avbe emwi ọvbehe ne a ghi kpee hia. Wa gha wa họẹn vbe ọwarọkpa vbe ọ suẹnrẹn, wa ghi ghughẹrre ya uhunmwu rhanmwẹ otọ ne amazẹ ne ọba e Nebukiadneza maẹn.

Daniẹl 3:7

Rhunmwuda ọnii iran ghi wa họn vbe a kpee emwi ọwarọkpa nii, avbe emwa ni ke avbe uhunmwu ẹvbo rre nii kevbe ẹwae kevbe ẹvbo ne a zẹ keghi wa ghughẹrre ya uhunmwu rhanmwẹ otọ ne amazẹ ne Nebukiadneza maẹn.

Emọs 6:5

Ihuan ne a ya rre ne aso vbene Devid gha ru ẹe, wa yẹ uwa, wa ghi vbe gha kpe ẹre vbe akpata.