Asan-Ibo 2:7 - Edo Bible (E Baibol Ẹdo) Version 1996

⁷ I dẹlẹ eviẹn nibun, a keghi vbe biẹlẹ eviẹn nibun vbe owa mwẹ, I keghi vbe gha mwẹ emwirri nibun sẹẹ ọmwaikọmwa ne ọ ka gha rrọ khẹ mwẹ vbe Jerusalẹm.

Asan-Ibo 2:7 ပူးပေါင်းရင်းမြစ်များ

Gẹnẹsis 13:2

Ebram kegha re ọmwa ne ọ fe ne ọ mwẹ ohuan, ẹwe kevbe ẹmila deba igoru kevbe esiliva.

Gẹnẹsis 14:14

Ugbẹn vbe Ebram ghi họn ighẹ iran mu ọtiọnrẹn, ọ keghi tie emwa ni gia mu ẹtin yan vbe avbe emwa rẹn si koko, arhin evairrọvbiyehan yan uri (318), ọ na khu avbe ọba nii ya sẹ Dan.

Gẹnẹsis 15:3

U ma viọ emọ mẹ, ọkpa vbe uwu avbe eviẹn mwẹ ọre ọ ra rri ukhu mwẹ!”

I Ọba 4:23

Ẹmila abẹgbe kevbe ẹmila ne ọ tobọ ẹre rhọ irunmwu re ugie, kevbe ohuan iyisẹn, do deba ẹrhuẹ, uzo, avbe iku aranmwẹ ọvbehe kevbe ọkhọkhọ.

II Ọba 3:4

E Mesia ne ọba Moab, ohuan ọ re ọ rri, ukpukpo ọ re ọ ya ye ivbi ohuan arriaisẹn iyisẹn (100,000) kevbe eto ohuan arriaisẹn iyisẹn (100,000) mu ohan gie ọba Izrẹl.

II Krọnikol 26:10

Ọ keghi vbe bọlọ owa ọkhẹ uhae amẹ ni bun rhunmwuda, rẹn wa mwẹ oghẹn ẹmila ni bun vbe ototọ oke kevbe ehe ne ọ rriẹe ni rre odẹ orrie. Rhunmwuda ne irẹn na wa ho ẹmwẹ ugbo ne a gbe, ọ keghi wẹ ne emwa ni bun gha mu ugbo azara vbe otọe ni rre uhunmwu oke kevbe ne iran gha ya avbe otọe ni maa emwiokọ ni rrọ gbe ugbo.

Ẹzra 2:55

Avbe ẹwae eguọmwadia e Solomọn ni ke iwe rre ọre ena khin: E Sotai, e Hasoferet, e Peruda, e Jaala, e Dakọn, e Gidẹl, e Sẹfataia, e Hatil, e Pokẹrẹt, e Hazẹbeim kevbe Ami.

Ẹzra 2:58

Ivbi uniẹn iran ni winna vbe Ọgua Osa, kevbe eguọmwadia e Solomọn ni ke iwe rre hia kegha re erẹnrẹn irrọvbe arria eva (392).

Nehimaia 7:57

Ẹwae eguọmwadia e Solomọn ni ke iwe rre ọ re ena khin: E Sotai, e Soferet, e Perida, e Jaala, e Dakọn, e Gidẹl, e Siefatia, e Hatil, e Pokẹrẹt, e Hazẹbeim kevbe Amọn.

Job 1:3

Ọ kegha mwẹ ohuan arriaisẹn ihinrọn (7,000), e kamẹl arriaisẹn eha (3,000), oghẹn ẹmila arriaisẹn (1,000) kevbe ekẹtẹkẹtẹ iyisẹn isẹn (500). Ọ kevbe gha mwẹ eguọmwadia ni bun ẹsẹse. Rẹn ọ re ọ wa gha re ọmwa ne ọ fe sẹẹ vbe odẹ Owẹn owiẹ.

Job 42:12

E Nọyaẹnmwa keghi fiangbe okiekie ẹdẹ agbọn e Job sẹ vbene ọ te ka fiangbe omuhẹn ọnrẹn. E Job kegha mwẹ ohuan arriaisẹn iwenẹ (14,000) e kamẹl arriaisẹn ehan (6,000) oghẹn ẹmila arriaisẹn eva (2,000) kevbe ekẹtẹkẹtẹ arriaisẹn (1,000).

Iyẹn ne ọ Maan Ọghe Luk 12:45

Sokpan a deghẹ ọguọmwadia nii ghi kha wẹẹ, ‘Te arowa mwẹ ghi kpẹe,’ ọ na suẹn gha gbele eguọmwadia nekpa, ke ikpia kevbe ikhuo, ọ na gha re, ọ na gha da, a da gbe egbe.