Asan-Ibo 2:4 - Edo Bible (E Baibol Ẹdo) Version 1996

⁴ I wa ya obọ ru okpe emwi ẹsẹse, I bọlọ owa nibun, I keghi vbe mu ugbo emwiokọ nibun.

Asan-Ibo 2:4 ပူးပေါင်းရင်းမြစ်များ

Gẹnẹsis 11:4

Ẹghẹ nii, iran ghi na kha wẹẹ, “Wa gie ima do bọ owa ima, ne ogogoro ne Ọ rrọ wa yo sẹ iso, ma ghi ru ọkhae ne egbe mwa, ne a ghe ya tagha ima lele otọ agbọn hia.”

II Samuẹl 18:18

Vbe ẹghẹ ne ọ na rre agbọn, Absalọm keghi ma ibiriki ayere ọkpa ne egbe ẹre vbe Iya Ọba, rhunmwuda ẹ i mwẹ ọmọ okpia ne ọ gha mu ẹgbẹe ọghe ọe gbọ. Ọ keghi he ẹre eni egbe ẹre. Do sẹ ẹdẹnẹrẹ, Ibiriki Ayere Absalọm ọ re a ye tie ẹre.

I Ọba 15:19

“Gie ima gba gha re ọse egbe vbene avbe erha mwa gha ye. Te I ya avbe igoru kevbe esiliva na guẹ, Dobọ iku ne uwẹ vbe Baasia ne ọba Izrẹl te gba ku yi, ne ọ miẹn ehe na hẹ ivbi iyokuo ẹre hin mwẹ ẹvbo rre.”

I Ọba 9:1

E Solomọn ne ọba ghi bọ Ọgua Osa fo nẹ ke ẹe kevbe ẹguae kevbe emwi ọvbehe ne ọ ho ne ọ bọlọ hia,

II Krọnikol 26:10

Ọ keghi vbe bọlọ owa ọkhẹ uhae amẹ ni bun rhunmwuda, rẹn wa mwẹ oghẹn ẹmila ni bun vbe ototọ oke kevbe ehe ne ọ rriẹe ni rre odẹ orrie. Rhunmwuda ne irẹn na wa ho ẹmwẹ ugbo ne a gbe, ọ keghi wẹ ne emwa ni bun gha mu ugbo azara vbe otọe ni rre uhunmwu oke kevbe ne iran gha ya avbe otọe ni maa emwiokọ ni rrọ gbe ugbo.

II Krọnikol 8:11

E Solomọn keghi rhie amwẹ ọnrẹn ne ovbi ọba Igipt hin ẹvbo e Devid rre gha rrie owa ne ọ bọ ne ẹẹn. Rẹn keghi kha wẹẹ, “Ọ ma ke ne okhuo ni gha rre ẹguae e Devid ne ọba Izrẹl, rhunmwuda, eheikehe ne Ẹkpẹti Ile rhirhi gha ye, ehe ne ọ huanrẹn ọre nọ.”

Psalm 49:11

Idin iran ọrọre owa etẹbitẹ iran, evba iran ra gha ye ẹdẹdẹmwẹdẹ, egbe ne a rhe ya miẹn wẹ, iran ka gha mwẹ otọe obọ iran yi.

Ihuan Ne Ọ Sọọ Ihuan Hia 1:14

Enida mwẹ yevbe avbe obobo ni sa kua vbe ogba Ẹngẹdi.

Ihuan Ne Ọ Sọọ Ihuan Hia 7:12

Ma ghi rherhe rhiọrre vbe owiẹ ne a gha ghe avbe azara ne a ghe deghẹ iran suẹn gha zọ nẹ, adeghẹ obobo ẹre rhan nẹ. Adeghẹ avbe erhan pomegranẹt gbe obobo nẹ. Evba ọ re I gha na rhie ahoẹmwọmwa mwẹ nuẹn.

Aizaia 5:1

Danmwehọ ihuan ne I ra so ma ruẹn, ihuan ọghe ọse mwẹ kevbe ogba azara ẹre: Ọse mwẹ kegha mwẹ ogba azara vbe oke ne ọ maa emwiokọ ẹsẹse.

Daniẹl 4:30

o keghi kha wẹẹ, “Ghe vbene Babilọn kpọlọ hẹ. Mẹ ọ re ọ bọọ ẹe ya ru igiogbe otọe mwẹ ne I ya rhie ma vbene ẹtin mwẹ kpọlọ sẹ hẹ kevbe iwegbe mwẹ, kevbe ẹtin ọba mwẹ.”