Asan-Ibo 2:26 - Edo Bible (E Baibol Ẹdo) Version 1996

²⁶ Osanobua ọ re ọ rhie ẹwaẹn, irẹnmwi kevbe ọyẹnmwẹ ne emwa ne ọ ru ne ọ yẹ ọre, sokpan, ọ ghi ya emwa orukhọ gha winna, iran ghi miẹn igho, iran ghi ya ẹe gbakhua hinrre, ne a miẹn ehe na viọ okhuan ne iran khuaẹn ne emwa ni ru ne ọ yẹ ọ re. Ena hia i maa, te ọ yevbe ne a khu ẹhoho khian.

Asan-Ibo 2:26 ပူးပေါင်းရင်းမြစ်များ

Gẹnẹsis 7:1

E Nọyaẹnmwa keghi tama Noa wẹẹ, “La uwe okọ ke uwẹ kevbe ẹgbẹe ruẹ hia. I miẹn wẹ vbe uwe avbe emwa na hia, wẹ ọkpa kẹkan ọre uyinmwẹ ọnrẹn la mwẹ aro vbọ.

Job 32:8

Sokpan, orhiọn Osanobua ne Udazi ọre ọ bu ọmwa rre ọ ghi rhie ẹwaẹn ne iran.

Job 38:36

De ọmwa ne ọ tama ovbi ahianmwẹ ẹghẹ ne e Naẹl gha ya ro, ra de ọmwa ne ọ tama ọkhọkhọ ọkporhu wẹ amẹ ra rhọ?

Psalm 39:6

Ọ ma vbe gberra aghọnghọn, emwi ne ọ ru kẹkan ehia khin, ọ si ẹfe koko, ọ ma vbe rẹn ọmwa ne ọ gha viọ ẹre.

Psalm 51:6

Ekhọe ne ọ diae kevbe ẹmwata; ọ re uwẹ ho, ya ẹwaẹn ruẹn vuọn ekhọe mwẹ.

Itan 13:22

Ọmwa esi gha miẹn emwi sẹrae ye avbe eyẹ ọre otọ, sokpan, emwa esi ọ re ọ ra ya emwa dan emwi ru.

Itan 2:6

E Nọyaẹnmwa ọ re ọ ya ẹwaẹn ne ọmwa. Obọ ẹre ọ re ẹwaẹn kevbe irẹnmwi ke rre.

Itan 28:8

Adeghẹ igho isu kevbe igho ne u miẹn vbe obọ emwa ne emwi ba so ọ re u ya fe, ẹfe ruẹ gha gberra gha rrie obọ ọmwa ne ọ tohan ivbiogue.

Asan-Ibo 1:13

I keghi wa yan tae, I keghi vbe mu aro yọ wẹ, I gha gualotọ emwi hia ne a ru vbe agbọn na. Agbọn usẹ ọ re Osanobua mwamwa ne ima.

Asan-Ibo 1:14

Aro mwẹ sẹ emwi hia ne a ru vbe agbọn na nẹ, ne I wa tama ruẹn nian wẹ erhọkpa i mwẹ esa. Te ọ yevbe ne a khu ẹhoho khin.

Asan-Ibo 2:25

De odẹ ọvbehe ne ọmwa gha la miẹn ya gha re ne ọ vbe ya gha zọmọ hiehie?

Asan-Ibo 3:10

I rẹn ihẹ ẹrẹkhẹrẹ ne Osanobua kun ne ọmwa.

Iyẹn ne ọ Maan Ọghe Luk 1:6

Iran eva kegha yin ẹse vbe odaro Osanobua. Iran kegha ye iyi ke ilele Osanobua hia ru emwi.

Iyẹn ne ọ Maan Ọghe Jọn 16:24

He do sẹ banbanna, wa ma he ya eni mwẹ nọ emwikemwi, wa nọ ighẹ ọ gha sẹ uwa obọ. Ne ọyẹnmwẹ uwa miẹn ehe na gha re ne ọ sẹ otọ ẹko.

Jems 3:17

Sokpan ẹwaẹn ne ọ ke odukhunmwu rre, keghi re vbe okaro, ne ọ huanrẹn, ọ keghi vbe re ne ọ fu ọmwa egbe rre, ne rọkhọ kevbe ọghe ọse, ọ vuọn ne itohan, ọ keghi vbe viọ emwiorhọ iwinna esi ladian, ẹ i mwẹ ẹko ne ọkhọ ọmwa ra ẹkẹ vbe iwẹnwẹn.