Asan-Ibo 2:23 - Edo Bible (E Baibol Ẹdo) Version 1996

²³ Vbe ẹghẹ ne ọmwa ya rre agbọn na, ẹsọn ne ọmwa miẹn, ohawa kevbe ọkpeudu ọ re ọ miẹn vbọ. Asọn gha vbe rre, ekhọe ẹre i vbe sotọ. Ọna i zẹdẹ maa.

Asan-Ibo 2:23 ပူးပေါင်းရင်းမြစ်များ

Gẹnẹsis 3:17

Rẹn keghi tama okpia nii wẹẹ, “Wẹ ke danmwehọ ọvbokhan-an, u na rri ọmọ erhan ne I wẹ ne u ghẹ re. Rhunmwuda emwi ne u ru na, otọ gha khian ne a fi ẹre unu. Ẹsọn u gha ya ẹdagbọn ruẹn hia miẹn, ne ọ miẹn ehe na mọ ọmọ ne ọ gha suẹ re.

Gẹnẹsis 47:9

E Jekọb keghi wanniẹn wẹẹ, “Ukpo ọgban yan iyisẹn ọre i he ya zozo. Avbe ukpo na keghi re ni i bun sokpan ọ kegha re ọghe ọlọghọmwa, ọ ma zẹdẹ yevbe avbe ukpo ne avbe erha mwẹ ya zozo.”

Ẹsta 6:1

Vbe asọn ne a kha na, ọba ma miẹn ovbe, ọ na wẹ ne a mu ebe ne a gbẹnnẹ emwi ni sunu vbe otọe arriọba yi rre ne a do gha tie ẹre ma iran.

Job 14:1

“A biẹlẹ ima hia ne ẹ i mwẹ ẹtin kevbe ne ẹ i sẹtin ye egbe ẹre obọ. Agbọn orhikhan ne a i na tọ ọ re ima hia ye.

Job 5:7

Ẹn o! Ọmwa ọ re ọ si ẹti ye egbe ẹre urhu, vbene ogiọnmwẹ erhẹn kpannọ ke uwu erhẹn ladian.

Psalm 127:2

Ẹi mwẹ asa ne ọ ye ne a gha miẹn ẹsọn vberriọ ba ẹmwẹ evbare unu, ne a gha kpao vbe owiẹ vbirrivbirri, vbe ne a i na vbe rherhe lovbiẹ. Rhunmwuda, e Nọyaẹnmwa ọ re ọ kpemehe ne iran ne ọ ho ẹmwẹ ọnrẹn, vbe iran he ye vbiẹ.

Psalm 32:4

Ke asọn kevbe avan ọ re u ya rriọmwẹ oya, Nọyaẹnmwa, orhiọn ni mwẹ fo fẹẹrẹ, zẹ vbene ovẹn uyunmwu ka evbu.

Psalm 90:15

Banbanna nian, rhie ọyẹnmwẹ ne ọ kpọlọ ne ima, vbe ẹghẹ usẹ mwa.

Asan-Ibo 1:13

I keghi wa yan tae, I keghi vbe mu aro yọ wẹ, I gha gualotọ emwi hia ne a ru vbe agbọn na. Agbọn usẹ ọ re Osanobua mwamwa ne ima.

Asan-Ibo 1:18

Vbene u ya mwẹ ẹwaẹn, erriọ ọ re u vbe ya kpokpo orhiọn ruẹn, vbe ne u ya rẹn, erriọ ọ re ọ vbe ya balọ ọmwa.

Asan-Ibo 2:11

I keghi roro emwi ne I he ya obọ ru hia kevbe vbene I wa mu aro yọ hẹ vbe I winna ẹẹn, I keghi miẹn wẹ ọ ma zẹdẹ sẹ emwirhọkpa, te ọ ye vbe ne a khu ẹhoho khian, ẹ i zẹdẹ mwẹ esa hiehiere.

Asan-Ibo 5:12

Ọmwa ne ọ winna sẹtin miẹn evbare gha re, ugbẹnso, ẹ i vbe miẹn re. Vbene ọ rhirhi a gha ye hẹ, asọn gha rre ọ ghi miẹn ovbe vbiẹ khuẹrhẹ. Sokpan, emwi ne ọmwa ne ọ fe mwẹ bun sẹrriọ wẹ afianma ighi gie ẹe miẹn ovbe vbiẹ.

Asan-Ibo 5:17

Emwi ne a ghi miẹn vbọ ọrọre ne a gha lo ẹdẹ agbọn mwa vbe uwu ebiebi kevbe irhiaẹko, ekhọe ma sotọ, ohu kevbe emianmwẹ.

Asan-Ibo 8:16

Ẹghẹikẹghẹ ne I ya ho ne I gha wan, kevbe ne I vbe rẹn emwi ne ọ khian vbe agbọn na, I ghi miẹn wẹ ọmwa sẹtin rhan aro ua ye ukpo kevbe asọn kevbe avan.

Daniẹl 6:18

Ọba keghi werriegbe gha rrie ẹguae ẹre, ọ ma miẹn ovbe, ọ ma re, ọ ma da, ọ ma ku ọ ma giẹ vbe asọn nii hia.

Iwinna 14:22

Iran kegha rhie igiẹdu ne emwa ni yayi, iran keghi rhie ude iwegbe ne iran wẹ ne iran mu uhunmwu kọ ẹmwẹ nene iyayi wẹ, “Ẹ i mwẹ ma ma ye egbe miẹn ukpokpo ni bun a te do la Arriọba Osanobua!”