Asan-Ibo 2:22 - Edo Bible (E Baibol Ẹdo) Version 1996

²² Ọmwa ghi ya ẹdagbọn hia domian, ọ ghi hawa, ẹ i vbe miẹn ọyẹnmwẹ okpa vbọ?

Asan-Ibo 2:22 ပူးပေါင်းရင်းမြစ်များ

Psalm 127:2

Ẹi mwẹ asa ne ọ ye ne a gha miẹn ẹsọn vberriọ ba ẹmwẹ evbare unu, ne a gha kpao vbe owiẹ vbirrivbirri, vbe ne a i na vbe rherhe lovbiẹ. Rhunmwuda, e Nọyaẹnmwa ọ re ọ kpemehe ne iran ne ọ ho ẹmwẹ ọnrẹn, vbe iran he ye vbiẹ.

Itan 16:26

Emwi ne ọ khọn ọmwa ne ọ winna, ọ re ọ ya ẹe winna sayọ, rhunmwuda ọ ho ne ẹko emwi ne ohanmwẹ ọnrẹn gbe ẹe vuọn irẹn.

Asan-Ibo 1:3

Ọmwa ghi ya ẹdẹ agbọn rẹn hia winna, ọ ghi gha miẹn ẹsọn, sokpan, de ere ne ọ ghi miẹn vbọ?

Asan-Ibo 2:11

I keghi roro emwi ne I he ya obọ ru hia kevbe vbene I wa mu aro yọ hẹ vbe I winna ẹẹn, I keghi miẹn wẹ ọ ma zẹdẹ sẹ emwirhọkpa, te ọ ye vbe ne a khu ẹhoho khian, ẹ i zẹdẹ mwẹ esa hiehiere.

Asan-Ibo 3:9

De ere ne a miẹn vbe ẹsọn ne a miẹn hia yi?

Asan-Ibo 4:6

Ughaghe ẹmwata onii gele khin, sokpan ne a gha mwẹ ekherhe vbene otọe uhunmwu na fu ọmwa rre, ọ re ọ maa sẹẹ ne a ya obọ eveva gha winna khu ẹhoho khin.

Asan-Ibo 4:8

Wa ghe ọmwa na ne irẹn okpa vbe ẹhi ẹre rre owa. Ẹ i mwẹ ọmọ, ẹ i mwẹ etẹn, sokpan, ẹsọn ọ re ọ miẹn vbe ẹghẹ hia, ẹfe ne ọ mwẹ i ye vuọn ẹre aro. De ọmwa ne ọ ghi miẹn ẹsọn na na yi ne ẹ i na hẹwẹ gbe amẹ sa wọn? Ọna i zẹdẹ ma hiehie, agbọn usẹ ọ re nọ.

Asan-Ibo 5:17

Emwi ne a ghi miẹn vbọ ọrọre ne a gha lo ẹdẹ agbọn mwa vbe uwu ebiebi kevbe irhiaẹko, ekhọe ma sotọ, ohu kevbe emianmwẹ.

Asan-Ibo 8:15

Rhunmwuda ọnii, ekhọe mwẹ ta ẹe ma mwẹ wẹ te ọ kere ne ọmwa gha lo agbọn rẹn, rhunmwuda, ọyẹnmwẹ okpa ne ọ mwẹ vbe agbọn na ọrọre ne ọ gha re, ne ọ gha da, ne ọ vbe gha zọmọ. Ọ kere ne ọ sẹtin ru ọna vbe ẹghẹ ne ọ na winna vbe ẹdẹ ne Osanobua rhie ne ẹẹn vbe agbọn na.

Matiu 16:26

De ere ne ọ rrọọ ne ọmwa adeghẹ agbọn na hia sẹ ọre obọ vbene ọ na mu orhiọn rẹn fua? Ẹ i mwẹ esa hiehie. Emwi ọkpa i rrọọ ne ọmwa gha ya sẹtin dẹ orhiọn irẹn werriegbe.

Matiu 6:11

Rhie evbare ne ọ sẹe ne ima ẹre na.

Matiu 6:25

“Ọ na ọ zẹẹ ne I na khama uwa wẹẹ, ne uwa ghẹ hagha ba ẹmwẹ emwi ne uwa gha re ra ne uwa gha da ya da orhiọn yi, ra ba ẹmwẹ ukpọn ẹkun. Tama mwẹ, orhiọn ma sẹ evbare? Egbe ma sẹ ukpọn?

Matiu 6:34

Rhunmwuda ọnii, wa ghẹ mu udu kee ba ẹmwẹ ẹdẹ na khuẹ. Akhuẹ gha vbe gha mwẹ oyanghan ọghe obọ re. Ọma kei ne a vbe silo ivboo gbe orueghe ne ikpẹdẹ ọkpọkpa hẹ mwẹ obọ rre.

Iyẹn ne ọ Maan Ọghe Luk 12:22

Jesu tama avbe erhuanegbe wẹẹ, “Ọnii ọre ọ zẹe ne I na tama uwa wẹẹ, wa ghẹ si osi ye emwi ne uwa gha re ya da orhiọn yi, ra rhunmwuda ukpọn ne uwa gha rhie ye egbe.

Iyẹn ne ọ Maan Ọghe Luk 12:29

“Rhunmwuda ọnii, wa ghẹ gie iro emwi ne uwa gha re ra emwi ne uwa gha da han uwa.

I Kọrinti 16:16

wa gha lele igiemwi emwa vberriọ deba emwa ọvbehe ni vbe deba iran winna ne iran na vbe ga.

Filipai 4:6

Ghẹ si osi ye emwi rhọkpa, sokpan gha ya erhunmwu ne a na, nọ emwi ne u ho hia vbe obọ Osanobua, u ghi gha ye ekhọe ọkpọnmwẹ ẹse nọ rẹn vbe ẹghẹ hia.

I Timoti 6:8

Rhunmwuda ọnii, a deghẹ a miẹn evbare gha re, a na vbe miẹn ukpọn gha rhie rhuan, wa gie ẹko ọnii vuọn mwa.

I Pita 5:7

Ye enegbe ruẹ hia yan rẹn, rhunmwuda, rẹn ọre ọ gbe aro ghe ruẹ.