Asan-Ibo 2:21 - Edo Bible (E Baibol Ẹdo) Version 1996

²¹ Ọmwa ghi wa ya ẹwaẹn rẹn hia miẹn ẹsọn ye emwi ọkpa, vbe irẹnmwi ẹnrẹn kevbe iguemwi ẹnrẹn. Iyekọnii, u ghi wa sẹ ehia rae ne ọmwa ne ọ ma zẹdẹ miẹn ẹsọn yọ. Ọna i zẹdẹ maa, ọ ma vbe gba.

Asan-Ibo 2:21 ပူးပေါင်းရင်းမြစ်များ

II Krọnikol 34:2

Ọ keghi ru emwi ne ọ yẹ e Nọyaẹnmwa, ọ na lele igiemwi e Devid ne erha ẹe odede, ọ na wa gha lele uhi Osanobua vbe ẹghẹ hia.

II Krọnikol 35:18

A ma ghi ru egbe emwiukpo Alagberra ne ọ ye vberriọ ke ẹghẹ e Samuẹl ne Akhasẹ gha dee. A ma vbe miẹn ọkpa vbe uwu avbe ọba nikaro ni he ru Alagberra ne ọ yevbe ne Josaia ne ọba ru na, deba avbe ohẹn, avbe Livai, ivbi e Juda, ivbi Izrẹl kevbe ivbi e Jerusalẹm

Psalm 39:7

Nọyaẹnmwa, demwi ne I gha ye rhie aro yi yi? Idaehọ mwẹ rre ehe ne uwẹ ye.

Psalm 49:10

Aro emwa hia sẹ ọe wẹ avbe umẹwaẹn vbe wulo zẹ vbene akpa vbe abobo vbe ye, iran ghi sẹ ẹfe iran rae ne ivbi iran.

Psalm 49:11

Idin iran ọrọre owa etẹbitẹ iran, evba iran ra gha ye ẹdẹdẹmwẹdẹ, egbe ne a rhe ya miẹn wẹ, iran ka gha mwẹ otọe obọ iran yi.

Asan-Ibo 2:20

Rhunmwuda ọnii, I keghi do gha gbe I ma rẹn, I i ghẹ miẹn ẹsọn sẹrriọ.

Asan-Ibo 4:4

I vbe rẹn emwi ne ọ si ẹe nẹ, ne emwa na miẹn ẹsọn sẹrriọ vbe agbọn na, ne ọ miẹn ehe na dunna ne iran: emwi ne ọ siẹe ọrọre wẹ emwi ne ogieva iran mwẹ viẹn ye iran aro, sokpan, ọna i vbe mwẹ esa, te ọ yevbe ne a khu ẹhoho khian.

Asan-Ibo 4:8

Wa ghe ọmwa na ne irẹn okpa vbe ẹhi ẹre rre owa. Ẹ i mwẹ ọmọ, ẹ i mwẹ etẹn, sokpan, ẹsọn ọ re ọ miẹn vbe ẹghẹ hia, ẹfe ne ọ mwẹ i ye vuọn ẹre aro. De ọmwa ne ọ ghi miẹn ẹsọn na na yi ne ẹ i na hẹwẹ gbe amẹ sa wọn? Ọna i zẹdẹ ma hiehie, agbọn usẹ ọ re nọ.

Asan-Ibo 9:18

Ẹwaẹn ọ re ọ dunna na sẹ umozo, sokpan, ọmworukhọ gha sẹtin mu emwi esiesi ọrhẹnrhẹn rhia.

Jerimaia 22:15

U gha bọlọ owa isida, ne ọ mose sẹ ọghe emwa ọvbehe. Onii gha ya uwẹ khian ọba ne ọ maa sayọ ra? Te erha a wa rrii orhiẹnrhiẹn agbọn rẹn sẹ omwa. Te irẹn wa gha taa ẹmwata, ọ vbe gha ru emwi vbene ọ kei yi, emwi ne ọ ru hia, te ehia wa dunna ne ẹẹn.

Jerimaia 22:17

Sokpan, emwi ne ọ re ọghe ne egbe uẹ okpa ọ re u bẹghe; u gbe ọmwa ne ọ ma rukhọ, u kegha ye ọkhọ wọ emwa ruẹn uhunmwu. E Nọyaẹnmwa guaan nẹ.