Asan-Ibo 2:17 - Edo Bible (E Baibol Ẹdo) Version 1996

¹⁷ I keghi miẹn wẹ agbọn na ma zẹdẹ mwẹ esa ne ọ ye mẹ rhunmwuda, orueghe ọ re emwi hia ni rrọọ hẹ gun mwẹ, te ehia wa khuola; te I wa gha khu ẹhoho khian.

Asan-Ibo 2:17 ပူးပေါင်းရင်းမြစ်များ

I Ọba 19:4

Elaija na ye vbe khian okhian ikpẹdẹ hoho la uwu oha. Ọ keghi yakọ, ọ na tota ye ototọ irhu ọghe erhan, ọ na wẹ rẹn wu ọ re ọ ghi maa sẹ. Ọ keghi na erhunmwu wẹẹ, “Ọ sẹ mwẹ abọ nẹ Nọyaẹnmwa. Rhie orhiọn mwẹ ighẹ i wu ọ re ọ ghi maa sẹ!”

Job 14:13

“Akpawẹ u gha ya rhie mwẹ lẹre ye ehe ne iran ni wulo nẹ ye nian, ne a rhie mwẹ lẹre ohu ruẹ te do fo, ne u vbe rhie ẹghẹ ne u gha na ye mwẹ rre ye otọ.

Psalm 89:47

Yerre vbene ẹdẹ agbọn mwẹ kanmwa sẹ hẹ, yerre ighẹ te u yi ima hia ne a vbe sẹtin gha wu.

Asan-Ibo 1:14

Aro mwẹ sẹ emwi hia ne a ru vbe agbọn na nẹ, ne I wa tama ruẹn nian wẹ erhọkpa i mwẹ esa. Te ọ yevbe ne a khu ẹhoho khin.

Asan-Ibo 1:17

I keghi vbe kha wẹ, I gha ruẹ alughaẹn ne egbe ne ọ rre irẹnmwi kevbe ukọnmwẹ, aro ne ọ hianrẹn kevbe emwẹmwẹ. Sokpan, I keghi miẹn wẹ te ọ yevbe ne ọmwa khu ẹhoho khian.

Asan-Ibo 2:11

I keghi roro emwi ne I he ya obọ ru hia kevbe vbene I wa mu aro yọ hẹ vbe I winna ẹẹn, I keghi miẹn wẹ ọ ma zẹdẹ sẹ emwirhọkpa, te ọ ye vbe ne a khu ẹhoho khian, ẹ i zẹdẹ mwẹ esa hiehiere.

Asan-Ibo 2:22

Ọmwa ghi ya ẹdagbọn hia domian, ọ ghi hawa, ẹ i vbe miẹn ọyẹnmwẹ okpa vbọ?

Asan-Ibo 3:16

Deba ena hia, I keghi vbe miẹn uyimwẹ ika vbe ehe ne ọ te kei ne a ta ẹmwata kevbe emwi ne ọgbae gha ye.

Asan-Ibo 4:2

Ọmakin iran ni wulo lahin agbọn na rre nẹ, ọghe iran ọ re ọ maa sẹẹ ọghe iran ni ye rre agbọn.

Asan-Ibo 4:3

Sokpan, ne ọ ye vbe maa sẹ iran eveva ọrọre ọmwa ne a ma zẹdẹ he biẹ, emwa ne aro ẹre ma he dekan emwi ni sunu la ihan vbe agbọn na.

Asan-Ibo 6:9

Ọna i vbe maa, te ọ yevbe ne a khu ẹhoho khian. Ọ kere ne emwi ne ọmwa mwẹ sẹ ọre ọkẹn, sẹ ne ọ gha rhie aro ye ọvbehe vbe ẹghẹ hia.

Ezikiẹl 3:14

Orhiọn Osanobua keghi wa ya ẹtin nọkhua hin yan mwẹ, vbene orhiọn rẹn wa mu mwẹ khian nii, ẹko kegha rriara mwẹ, ohu na gha mu mwẹ.

Jona 4:3

Rhunmwuda ọnii Osanobua, gun mwẹ wa wu, rhunmwuda, I wa wu ọre ọ maa sẹ agbọn ne I ye na.”

Jona 4:8

Ugbẹn vbe ovẹn ghi yan rre nẹ, Osanobua keghi gie ẹhoho owẹn owiẹ ne ọ tọn ẹsẹse rre. Ovẹn ni ghi gbe e Jona uhunmwu, ekherhe ọ kere ne ọ wa lahin. Ọ keghi rhunmwuda ọnii gha kha wẹ rẹn kpa miẹn uwu, rẹn gha wa wu. Ọ wẹẹ, “I wa wu hin agbọn rre ọre ọ maa sẹ agbọn ne imẹ ye na.”

Habakọk 1:3

Vbe u a ghi na gunmwẹ miẹn ọlọghọmwa vbenian hẹ yi? Vbe uwẹ ra sẹtin ziengbe gha ghe amaruẹse vberriọ hẹ yi? Omurhia kevbe uyinmwẹ ọkpankpan lẹga mwẹ; igbinna kevbe ẹzọ wa vbe rre ehe hia.

Nọmbas 11:15

A deghẹ erriọ u khian gha ru mwẹ, lahọ tohan mwẹ ne u gbe mwẹ uan ne I ghẹ ghi họn ẹmwẹ obọ dan ruẹn vbe egbe mwẹ ọvbehe.”