Asan-Ibo 2:16 - Edo Bible (E Baibol Ẹdo) Version 1996

¹⁶ A i miẹn ne ọ ye avbe umẹwaẹn rre, a i miẹn ne ọ ye avbe akpa rre. Te a ra mianmian ima hia vbe ẹghẹ ne ọ dee. Te ima hia ra wulo, kevbe avbe umẹwaẹn kevbe avbe ọzuọ.

Asan-Ibo 2:16 ပူးပေါင်းရင်းမြစ်များ

II Samuẹl 3:33

Vbenian ọre Devid ya viẹ Abna: “Vbọzẹ yi ne Abna na wu zẹ vbe ọzuọ?

Psalm 103:16

Ẹhoho ghi guọnmwẹ ọẹn ọghọe fo vbotọ, ọmwarhọkpa i ghi miẹn ọẹn ọvbehe.

Psalm 49:10

Aro emwa hia sẹ ọe wẹ avbe umẹwaẹn vbe wulo zẹ vbene akpa vbe abobo vbe ye, iran ghi sẹ ẹfe iran rae ne ivbi iran.

Psalm 88:12

A vbe bẹghe iwinna ọyunnuan ruẹn vbe uwu ebiebi nii ra? Ra umamwẹ ruẹn vbe otọ emwa ne a mianmian ẹn?

Ẹksọdọs 1:6

E Josẹf kevbe etiọnrẹn keghi do wulo, erriọ zẹ orre iran hia ba ere.

Ẹksọdọs 1:8

Ọba ọgbọn ne ọ ma zẹdẹ rẹn emwikemwi vbe ekpa Josẹf kegha rre asẹ vbe Igipt.

Itan 14:8

Vbọzẹ ne ọmwa irẹnmwi na wan yi? Rhunmwuda ighe ọ rẹn emwi ne irẹn gha ru. Vbọzẹ ne ọzuọ na kọn yi? Rhunmwuda, te ọ ro vbe ẹghẹ hia wẹ rẹn rẹn emwi.

Asan-Ibo 1:11

A i miẹn ọmwa ne ọ ye emwi ne ọ sunu ẹghẹ ne ọ gberra ẹghẹ nẹdẹ rre, debare, a i vbe miẹn ọmwa ne ọ gha ye emwi ne ọ sunu ke ẹghẹ na, ya sẹ ẹghẹ nii rre vbe ẹghẹ ne ọ dee.

Asan-Ibo 2:14

Avbe umẹwaẹn sẹtin dẹghe ehe ne iran rrie, sokpan avbe akpa i sẹtin.” Sokpan, I vbe rẹn wẹ emwi okpa ọ re ọ ra rruan ima hia.

Asan-Ibo 2:15

I keghi ye ekhọe mwẹ roro ẹe wẹẹ, “Emwi ni sunu vbe egbe avbe ọzuọ, ọ re ọ ra vbe sunu vbe egbe mwẹ. De esa ne ẹwaẹn ne imẹ wan na ghi ye vbọ ne imẹ nian?” I keghi wanniẹn wẹẹ, “Ẹ i mwẹ esa, ẹ i mwẹ esa hiehiere.”

Asan-Ibo 6:8

De emwi ne umẹwaẹn ya maa sẹ ọzuọ yi? De ere ne ọ rrọ ne ovbiogue ne ọ sẹtin ya egbe miẹn usẹ?

Asan-Ibo 7:2

Ọ kere ne a gha rrie owa ne a na khiẹ sẹẹ ne a gha rrie owa ne a na tie ẹbu eghọ, rhunmwuda, te ọ kere ne emwa ni rre agbọn gha ye egbe iran ẹre rre wẹ, uwu diakhẹ dọmwadẹ ọghọe.

Asan-Ibo 8:10

Vbe ẹmwata, mẹ miẹn emwa dan ne a re ye idin iran, a ghẹ ghi gha vbe ke itẹ dee, emwa ghi vbe gha tian iran vbe ẹvbo okpa nii ne iran na ru avbe emwi dan hia. Ọna i zẹdẹ maa.

Asan-Ibo 9:15

Okpia okpa ne ọ re ovbiogue, sokpan ọmọ ne ẹwaẹn gba na, keghi rre evba, ọ gha te sẹtin miẹn ẹvbo nii fan, sokpan a ma miẹn ne ọ ziro kan rẹn.

Asan-Ibo 9:5

Erriọ nọ, emwa ni rre agbọn rẹnrẹn ighe iran gha wulo, sokpan, iran ni wulo nẹ ma rẹn emwi rhọkpa. Iran i ghi vbe mwẹ ere ọvbehe, a mianmian iran nẹ fẹẹrẹ.

Malakai 3:16

Ẹkpo nii, ọre iran ni muohan e Nọyaẹnmwa na gu egbe guan, e Nọyaẹnmwa keghi danmwehọ, ọ họn ẹmwẹ ne iran tae. A keghi sirra irẹn gbẹnnẹ ebe iran ye otọ ighe iran ni muohan e Nọyaẹnmwa, ne iran vbe ya ọghọ ne ẹẹn.

Hibru 9:27

Rhunmwuda uhukpa ọre dọmwadẹ ọghọe ra wu, vbe iyeke ọnii, Osanobua ghi bu ohiẹn ọnrẹn.