Asan-Ibo 2:15 - Edo Bible (E Baibol Ẹdo) Version 1996

¹⁵ I keghi ye ekhọe mwẹ roro ẹe wẹẹ, “Emwi ni sunu vbe egbe avbe ọzuọ, ọ re ọ ra vbe sunu vbe egbe mwẹ. De esa ne ẹwaẹn ne imẹ wan na ghi ye vbọ ne imẹ nian?” I keghi wanniẹn wẹẹ, “Ẹ i mwẹ esa, ẹ i mwẹ esa hiehiere.”

Asan-Ibo 2:15 ပူးပေါင်းရင်းမြစ်များ

I Ọba 3:12

I gha rhie emwi ne u nọ rẹn ne uẹn. I gha rhie ẹwaẹn kevbe irẹnmwi ne uẹn sẹ emwa hia ni ke aro nuẹn kevbe ni gha vbe rre vbe iyeke ruẹ.

Asan-Ibo 1:14

Aro mwẹ sẹ emwi hia ne a ru vbe agbọn na nẹ, ne I wa tama ruẹn nian wẹ erhọkpa i mwẹ esa. Te ọ yevbe ne a khu ẹhoho khin.

Asan-Ibo 1:16

I keghi tama egbe mwẹ wẹẹ, “I khian okpọmwa nẹ, I vbe mwẹ ẹwaẹn sẹ ọmwaikọmwa ne ọ he ka rriọba khẹ mwẹ vbe Jerusalẹm. I rẹn emwi ne ẹwaẹn kevbe irẹnmwi wa khian.”

Asan-Ibo 1:18

Vbene u ya mwẹ ẹwaẹn, erriọ ọ re u vbe ya kpokpo orhiọn ruẹn, vbe ne u ya rẹn, erriọ ọ re ọ vbe ya balọ ọmwa.

Asan-Ibo 1:2

Ẹ i mwẹ esa, ẹ i mwẹ esa, erriọ ọre Asan-ibo khare. Agbọn na i mwẹ esa, ẹ i zẹdẹ mwẹ esa hiehiere.

Asan-Ibo 2:16

A i miẹn ne ọ ye avbe umẹwaẹn rre, a i miẹn ne ọ ye avbe akpa rre. Te a ra mianmian ima hia vbe ẹghẹ ne ọ dee. Te ima hia ra wulo, kevbe avbe umẹwaẹn kevbe avbe ọzuọ.

Asan-Ibo 6:11

Vbene u gha wẹ ne u ya gha muan ẹmwẹ te ọ wa vbe ya rhia yọ, u i vbe miẹn ọ maa okpa rhie vbọ.

Asan-Ibo 6:8

De emwi ne umẹwaẹn ya maa sẹ ọzuọ yi? De ere ne ọ rrọ ne ovbiogue ne ọ sẹtin ya egbe miẹn usẹ?