Asan-Ibo 2:13 - Edo Bible (E Baibol Ẹdo) Version 1996

¹³ Ẹta a, I rẹnrẹn wẹẹ, “Ẹwaẹn ọ re ọ maa sẹẹ ukọnmwẹ, zẹ vbene uwanmwẹ maa sẹẹ ebiebi.

Asan-Ibo 2:13 ပူးပေါင်းရင်းမြစ်များ

Psalm 119:105

Ukpa ne ọ ma mwẹ odẹ ọ re ẹmwẹ ruẹn khin, kevbe uwanmwẹ ne ọ rre odẹ mwẹ.

Psalm 119:130

Irhanotọ iruẹmwi ruẹn rhie uwanmwẹ rre, ọ vbe ma iran ni ma rẹn emwi ẹwaẹn.

Itan 14:8

Vbọzẹ ne ọmwa irẹnmwi na wan yi? Rhunmwuda ighe ọ rẹn emwi ne irẹn gha ru. Vbọzẹ ne ọzuọ na kọn yi? Rhunmwuda, te ọ ro vbe ẹghẹ hia wẹ rẹn rẹn emwi.

Itan 16:16

Ọ maa sẹ ukhukhu uri ukhukhu ọgban ne a gha mwẹ ẹwaẹn kevbe irẹnmwi sẹ ne a gha mwẹ igoru kevbe esiliva.

Asan-Ibo 10:10

Adeghẹ ughanmwa ruẹn gbin, ighe u ma lọ ẹe, te u ghi ra miẹn ẹsọn sayọ vbe u a gha ya ẹe winna. A mwamwa iwinna ururo ye otọ khẹ ọ dee, ọ re ọ maa sẹẹ.

Asan-Ibo 11:7

Ọ kere ne ọmwa sẹtin gha ya oghọghọ lo uwanmwẹ ẹdẹ nọ rhiẹnrhiẹn.

Asan-Ibo 7:19

Ẹwaẹn gha sẹtin ru emwi ne ọmwa, sẹẹ vbene enikhaemwisẹ igbe gha sẹtin ru ne ẹvbo ọkpa.

Asan-Ibo 9:16

Ọkpẹre ne I kegha ta ẹe wẹ ẹwaẹn ọ re ọ maa sẹ ẹtin, sokpan, a i miẹn ne ọ kha ighe ovbiogue wan, ra ne ọ zẹ ye ẹmwẹ ne ọ guan.

Asan-Ibo 9:18

Ẹwaẹn ọ re ọ dunna na sẹ umozo, sokpan, ọmworukhọ gha sẹtin mu emwi esiesi ọrhẹnrhẹn rhia.

Malakai 3:18

Ẹghẹ nii, emwa ni gha dọlegbe miẹn alughaẹn ne ọ rre emwi ne ọ sunu vbe egbe ọmwata kevbe ọmwa dan. Vbe egbe ọmwa ne ọ ga mwẹ kevbe ọmwa ne ẹ i ga mwẹ.”

Matiu 6:23

Sokpan a deghẹ aro ruẹ i maa, ikinnegbe ruẹ hia ghi gha rre uwu ebiebi, u miẹn vbe ebiebi ni gha mu ohan sẹ hẹẹ!

Ẹfisọs 5:8

Wa tobọ uwa te ka vbe gha rre uwu ebiebi yi, sokpan, banbanna nian, ne uwa ghi na khian emwa ọghe Nọyaẹnmwa nẹ, uwu uwanmwẹ ọre uwa ghi ye.