Asan-Ibo 2:1 - Edo Bible (E Baibol Ẹdo) Version 1996

¹ I keghi kha wẹ, I gha kuobọyuwa ne I rẹn emwi ne a ya ẹko rhiẹnrhiẹnmwẹ kha, I kevbe miẹn wẹ, ọna i vbe mwẹ esa.

Asan-Ibo 2:1 ပူးပေါင်းရင်းမြစ်များ

Gẹnẹsis 11:7

Wa gie ima tuorre gha khian ne a ya gua ẹvbo ne iran zẹ ne iran ghẹ ghi gha họn ẹvbo egbe.”

II Ọba 5:5

Ọba keghi kha wẹẹ, “Miẹn ebe na rhie gie ọba Izrẹl.” E Naaman keghi deyan okhian, ọ na viọ esiliva arriaisẹn ọgban (30,000) ikpẹ igoru arriaisẹn ehan (6,000) kevbe aro ughughan ukpọn nọ mose igbe.

Psalm 10:6

Rẹn ghi tama egbe ẹre wẹẹ, “Mẹ i gbekuẹn ẹdẹ, mẹ i miẹn ọlọghọmwa ẹdẹ.”

Psalm 14:1

Avbe akpa ye ekhọe tae wẹẹ, “Osanobua i rrọ.” Iran hia kẹkẹ ua, iran vbe ru emwi ne ọ mu ohan ọkpa ne ọ ru emwi ẹse i rrọ.

Psalm 27:8

Ẹkpo ne uwẹ na kha wẹẹ, “Wa larre do gha ga mwẹ.” Mẹ keghi wanniẹn wẹẹ, “Nọyaẹnmwa, I gha rre.”

Itan 14:13

Ogiẹ sẹtin degue akhiẹ. Ẹko rhiẹnrhiẹnmwẹ gha kpao, akhiẹ ghi mu evba mwẹ.

Asan-Ibo 11:9

Wa ne igbama, wa gha zọmọ igbama uwa. Gie ẹko gha sẹ uwa ọyẹnmwẹ vbene uwa he ye rre igbama na. Ru emwi ne u ho ne u ru, vbe rhie obọ lele emwi ne ọ rre orhiọn ruẹn. Sokpan ye rre wẹ Osanobua gha bu ohiẹn ruẹn vbekpa emwikemwi ne u rhirhi a ru.

Asan-Ibo 2:10

Emwikemwi ne I rhirhi a gha ho, kegha sẹ mwẹ obọ, I ma vbe ye emwi ne ọ ghi re ne ọ ye ẹko ọmwa sẹ ọyẹnmwẹ rhọkpa hin egbe mwẹ unu. Ẹko emwi hia ni winna yi ke wa vuọn mwẹ, ena hia kegha re ere ne I miẹn vbo.

Asan-Ibo 2:15

I keghi ye ekhọe mwẹ roro ẹe wẹẹ, “Emwi ni sunu vbe egbe avbe ọzuọ, ọ re ọ ra vbe sunu vbe egbe mwẹ. De esa ne ẹwaẹn ne imẹ wan na ghi ye vbọ ne imẹ nian?” I keghi wanniẹn wẹẹ, “Ẹ i mwẹ esa, ẹ i mwẹ esa hiehiere.”

Asan-Ibo 2:25

De odẹ ọvbehe ne ọmwa gha la miẹn ya gha re ne ọ vbe ya gha zọmọ hiehie?

Asan-Ibo 7:4

Ọmwa ne ọ wa ro iro vbekpa ọyẹnmwẹ vbe ẹghẹ hia, ọzuọ nọ. Ọmwa ne ọ wan, ẹmwẹ uwu ọ re ọ mu ro.

Asan-Ibo 8:15

Rhunmwuda ọnii, ekhọe mwẹ ta ẹe ma mwẹ wẹ te ọ kere ne ọmwa gha lo agbọn rẹn, rhunmwuda, ọyẹnmwẹ okpa ne ọ mwẹ vbe agbọn na ọrọre ne ọ gha re, ne ọ gha da, ne ọ vbe gha zọmọ. Ọ kere ne ọ sẹtin ru ọna vbe ẹghẹ ne ọ na winna vbe ẹdẹ ne Osanobua rhie ne ẹẹn vbe agbọn na.

Aizaia 5:5

“Vbene I ra ru ogba mwẹ hẹ ọ re ọna khin. I gha guọghọ ogba ne I gba ga ẹre hin rre, I ghi vbe guọghọ ekẹn ne ọ te degue ẹre. I ghi vbe gie aranmwẹ oha rri ọe, ne iran vbe ya owẹ rrilo ẹe muotọ.

Aizaia 50:11

Wa hia ni si uma ne uwa fuẹn ẹrrẹe rua uma ne uwa si nii ọ re ọ ra fuẹn uwa a. E Nọyaẹnmwa tobọ ẹre ọ re ọ ra gie ẹe gha ye vberriọ ọkhọ ne ọ wegbe ọ re ọ ra rruan uwa.

Aizaia 50:5

E Nọyaẹnmwa rhie irẹnmwi mẹ nẹ, mẹ ma vbe sọtẹ ọ re ra ne I fi iyeke gbẹe.

Iyẹn ne ọ Maan Ọghe Luk 12:19

I ghi tama egbe mwẹ wẹẹ, Uhunmwu ne ọ maa! Emwi esi ne ọ gha tọ la ukpo ni bun rre uẹ otọ nẹ nian, si orhiọn koko, gha re, gha da ne u gha zọmọ!’

Iyẹn ne ọ Maan Ọghe Luk 16:19

“Okpia ne ọ fe ọkpa kegha rrọọ, ogiukpọn ọre ọ ya haan vbe ẹghẹ hia, ọ ghi vbe gha lo emwi hia wọrhọwọrhọ ẹdẹgbegbe.

Iyẹn ne ọ Maan Ọghe Luk 16:23

Ehe ne ọ na ba suẹe vbe Ẹrinmwi erhẹn, ọ keghi tọn aro mu, ọ ya bẹghe Ebraham vbe ehe ne ọ rrei, Lazarọs keghi vbe dia kẹe.

Taitọs 3:3

Rhunmwuda ẹghẹ ọkpa rrọọ ne ima tobọ ima na te vbe kọn, a i họn ẹmwẹ, a keghi vbe ba emwi ku ru. Orriarria kevbe emwi ni rhiẹnrhiẹn ughughan keghi mu ima oghunmwu. A ke gha lo ẹdẹ mwa hia vbe uwu ikhọẹko, kevbe oya ọmwa da ọmwa, emwa eso kegha khu iwu mwa, ma keghi vbe gha khọ ẹko iran.

Jems 4:13

Wa danmwehọ mwẹ nian, wa ni kha wẹ. “Ẹrẹna, ra akhuẹ, ma gha yo ẹvbo eso, ma ghi ya gbe ukpo ọkpa vbe odọ, ma ghi do ẹki ne a gha na miẹn igho ọrhẹnrhẹn.”

Jems 5:1

Banbanna nian, wa danmwehọ mwẹ, wa ni fee. Wa gha viẹ, wa gha viẹ eve orriara ye ẹmwẹ ọkhọ ne ọ ra do sunu vbe egbe uwa.

Jems 5:5

Ẹdẹ agbọn uwa vbe agbọn na keghi re ne ọ vuọn ne uyinmwẹ ọmọ ne ọ fuẹn ukhu kevbe uwa sẹ mwẹ obọ nẹ. Wa keghi ya egbe uwa khian ni kpọlọ khẹ ẹdẹ ne a gha gbe emwi.