Asan-Ibo 12:7 - Edo Bible (E Baibol Ẹdo) Version 1996

⁷ Ikinnegbe mwa ghi dọlegbe ghe ekẹn ne otọe, orhiọn ghi dọlegbe bu Osa ne ọ rhie ẹre ne ọmwa.

Asan-Ibo 12:7 ပူးပေါင်းရင်းမြစ်များ

Gẹnẹsis 18:27

Ebraham kevbe dọlegbe guan wẹẹ, “Lahọ, ghẹ gui ye udinmwẹ ne I ye ya guẹ guan na Nọyaẹnmwa. Ọmwa kẹkan ọre I khin, I i mwẹ asẹ ne I gha ya ta ẹmwẹ rhọkpa.

Gẹnẹsis 2:7

Ọre Nọyaẹnmwa Osanobua na rhie ekẹn vbe otọe, ọ keghi yae ma okpia, ọ keghi hiọnrọn uhiọnrọnmwẹ arrọọ ye ọre uvun ihue, okpia nii keghi khian ne ọ ghi rrọọ.

Gẹnẹsis 3:19

Te ọfọ gha fọọ ne u ya miẹn ẹsọn ne otọ miẹn ehe na mọ ọmọ ladian, u te dọlegbe ghe ekẹn ne a ya ma an, ekẹn nii u gha vbe dọlegbe khian.”

Job 20:11

Te egbe ẹre te ye vbe ọ ghe ọvbokhan ọ keghi vbe wegbe. Sokpan ọ gha khian ebubẹ ban

Job 7:21

Wẹ i ya orukhọ mwẹ bọ mwẹ ẹdẹ ra? Wẹ i ye abakuru mwẹ bọ mwẹ? Ẹ i ghi kpee wan, I ghi la idin mwẹ. u gha gualọ mwẹ, sokpan, mẹ kpao nẹ.”

Psalm 103:14

Ọ rẹn emwi ne a ya yi mwa ọ yerre wẹ, ekẹn ma khin.

Psalm 104:29

Wẹ gha fi iyeke gbe, ohan ghi gha mu iran, u gha miẹn iran uhiọnrọnmwẹ, iran ghi wulo, iran ghi dọlegbe ghe ekẹn ne iran ke rre.

Psalm 146:4

Iran gha wulo, iran ghi dọlegbe khian ekẹn, ẹdẹdẹmwẹdẹ, emwamwa ekhọe iran hia sẹ ufomwẹ.

Psalm 31:6

Wẹ khuiwu iran ni ga ẹbọ ohoghe sokpan mẹ mu ẹtin yan ruẹn.

Psalm 90:3

Wẹ tama ọmwa, ne ọ werriegbe ghe emwi ne ọ ka khin u dọlegbe ya ẹe khian ekẹn.

Aizaia 57:16

Mẹ ọ re ọ rhie arrọọ ne emwa mwẹ, rhunmwuda ọnii, mẹ i ra wa gha gu iran gui ra ne ohu iran gha mu mwẹ rhinrin ẹdẹ.

Jerimaia 38:16

E Zedekaia ne Ọba keghi rhunmwuda ọnii yaan ma mwẹ vbe ẹkhokho wẹẹ, “I ya Osanobua ne ọ rrọọ vẹn ihẹn, Osanobua ne ọ rhie arrọọ ne ima wẹ mẹ i ra gbe uẹ ua ra ne I siọ rhie fi iran obọ ighẹ iran ni ho ne iran gbe uẹ ua.”

Daniẹl 12:2

Nibun vbe uwu iran ni wulo nẹ, gha dọlegbe gha rre agbọn, eso gha wa gha rrọọ ẹdẹdẹmwẹdẹ, eso ghi gha re ne a faraa ẹdẹdẹmwẹdẹ.

Zẹkaraia 12:1

Uhunmwu ne Nọyaẹnmwa gie rre vbe ekpa Izrẹl ọ re ọna khin, e Nọyaẹnmwa ne ọ tan iso vbe ukpọn, ne ọ yi agbọn, ọ na rhie arrọọ ne ọmwa. Rẹn wẹẹ,

Nọmbas 16:22

Sokpan e Mosis kevbe Errọn keghi vbẹrre mu aro rhuotọ, iran keghi kha wẹẹ, “Osanobua, wẹ ọrọre ehe ne arrọ hia ke rre. ohu emwa hia gha wa gha mu uẹn ra rhunmwuda ighẹ orhunmwu ọkpa ru orukhọ?”

Nọmbas 27:16

“E Nọyaẹnmwa ne Osanobua, ehe ne arrọọ hia ke rre, lahọ zẹ ọmwa ne ọ gha sẹtin su emwa na.

Iyẹn ne ọ Maan Ọghe Luk 23:46

Jesu keghi ya urhu ne ọ la datu wẹẹ, “Evbavba, obọ ruẹ ọre I rhie orhiọn mwẹ yi!” Ọ ghi tae vberriọ nẹ, ọ keghi kpan udu.

Iwinna 7:59

Iran kegha filo okuta gbe Stivin vbe ne ọ ya da tie eni Nọyaẹnmwa nii, “Nọyaẹnmwa Jesu rhan obọ miẹn orhiọn mwẹ.”

Hibru 12:23

Wa kegha die uwu ẹbu oghọghọ ivbi Osanobua nii, ke aro emwa ne a gbẹnnẹ eni iran ye otọ vbe ẹrinmwi. Wa keghi hu Osanobua ne ọre ne ọ bu ohiẹn emwa hia gha dee ke ẹe kevbe orhiọn avbe emwa ẹmwata ne a ya khian ne ọ fo na.

Hibru 12:9

Zẹ vbene erha ima ni rre agbọn na ye, iran gbe ima hin ọkhọ rre, ma ghi ye vbe gha ye ọghọ ne iran. Inuinu ọ ghi wa ya ke sẹẹ, ne ima gha gbe uhunmwu ke otọ ne Erha mwa vbe ọ ghe orhiọn! Ne ima vbe die agbọn ya.