Asan-Ibo 12:3 - Edo Bible (E Baibol Ẹdo) Version 1996

³ Ẹghẹ nii avbe ekuabọ ne u te ya wan ga egbe, ghi gha mian gbẹghẹgbẹghẹ, kevbe owẹ ruẹ ni he wegbe na, ghi do khian ne ẹ i ghi guọ otọ. Akọn ni rre unu ghi do ye zaghazagha, sẹrriọ wẹ u i ghi sẹtin lue evbare ruẹ, aro ruẹ ghi khian ne ọ ghi ghe emwi vbirrivbirri.

Asan-Ibo 12:3 ပူးပေါင်းရင်းမြစ်များ

Gẹnẹsis 27:1

Aizik ghi khian ọmaẹn nẹ, ẹi ghi dẹghe. Ọ keghi gie ne a tie Isọ ovbi ẹre nokpia nọdiọn, ọ keghi tama rẹn wẹẹ, “Ovbi mwẹ!” Rẹn keghi wanniẹn wẹẹ, “Ghe mwẹ.”

Gẹnẹsis 48:10

Te aro Izrẹl ghi ghe vbirrivbirri rhunmwuda ne ọ na khian ọmaẹn, ẹ i ghi bẹghe ẹse. E Josẹf keghi viọ emọ ni bu ẹre rre, rẹn keghi gba iran ginna egbe, ọ na ye unu soso iran unu.

Psalm 102:23

E Nọyaẹnmwa ya ugboloko mwẹ wọn ẹvbi, vbe I he rre ọvbokhan ọ fian utọmwẹ mwẹ kanmwa.

Psalm 35:14

Zẹ vbene I gha na erhunmwu ne osẹ mwẹ ra ọtẹn mwẹ. Akhiẹ keghi so mwẹ uke, vbe ọmwa ne ọ khiẹ iye ẹe.

Psalm 38:6

Te I ghi hie fo vbe uhanbọ, a rẹnkhẹn mwẹ uan, te I ghi khiẹ ne ebi ro.

Zẹkaraia 8:4

A ghi vbe miẹn wẹ te ikpia kevbe ikhuo ni khian ọmaẹn iran ni khian ọmaẹn sẹrriọ wẹ ọkpọ iran ghi ya khian, iran ghi gha tota lele ọgua ediọn.

I Samuẹl 3:2

Ọ ghi sẹ asọn ọkpa, Elai ne aro ẹre sa oze nẹ vbe ẹghẹ na kegha vbiẹ vbe ughugha ẹre: