Asan-Ibo 12:11 - Edo Bible (E Baibol Ẹdo) Version 1996

¹¹ Ẹmwẹ ne avbe umẹwaẹn ta, te iran yevbe erhan ne a mu ne ọsuohuan ya su ohuan, itan ne a si koko, te iran tọ zẹ vbe ise ne a kakabọ kan ye emwi. Osanobua ne ọ re Ọsuohuan ima hia ọ re ọ viọ iran ne ọmwa.

Asan-Ibo 12:11 ပူးပေါင်းရင်းမြစ်များ

Gẹnẹsis 49:24

sokpan uhanbọ irẹn ma bẹghe, a ya ekuabọ iran wegbe vbekpa ẹtin ọghe Osanobua Noghodua ọghe Jekọb, vbe obọ Osanobua nii, ọmwa ne ọ degue Izrẹl.

Ẹzra 9:8

Wanwanna nian e Nọyaẹnmwa, Osanobua mwa, vbe ẹghẹ kherhe, u keghi tohan mwa, u keghi gie eso vbe uwu ima lẹ fe, ma keghi la hin ọviẹn ọmwa rre ne ima do gha rrọọ vbe a i mwẹ ẹbe vbe otọe ne ọ huanrẹn na. U gie ima lahin ọviẹn rre, u na rhie arrọọ ọgbọn ne ima.

Psalm 23:1

E Nọyaẹnmwa ọrọre ọsuohuan mwẹ, mẹ i vbabọ emwikemwi.

Psalm 80:1

Danmwehọ ima ọmwa Ne ọ huanrẹn Izrẹl họn ọghomwa, we ne ọkaolotu emwa ruẹn wẹ ne ọ tota ye ẹkete ruẹ vbe odukhunmwu avbe aranmwẹ ni zẹ ifuẹn.

Itan 1:6

Vbene a gha na miẹn wẹ iran ghi sẹtin gha rẹn ẹmwẹ ni dinmwi ne a ya itan ta, kevbe avbe ọta ni lọghọ ne avbe umẹwaẹn nọ.

Itan 10:21

Ẹmwẹ ne unu ọmwa esi guan gha rhie ọ maa gie emwa nibun, sokpan, ọmwa sẹtin ye ukọnmwẹ gbe egbe ẹre ua.

Itan 22:17

Danmwehọ mwẹ, I gha ma ruẹn avbe ẹmwẹ eso ne avbe umẹwaẹn tae. U ghi ruẹ emwi ne iran ma ọmwa re.

Asan-Ibo 10:12

Ẹmwẹ ne unu umẹwaẹn, ọ re ọ si ọghọ ne ọ rre ọre egbe, sokpan ẹmwẹ ne unu ọzuọ, ọ re ọ gbe ẹre uhunmwu.

Asan-Ibo 7:5

Ọ kere ne emwa esi gha gu ọmwa gui sẹẹ ne avbe akpa do gha kpe ọbọbọ ne ọmwa.

Aizaia 22:23

I gha kan ẹre uhe ye aga vbe ihe ẹre gbangbangban zẹ vbe ukeke, ọ ghi gha re ne a ya hio ne ẹgbẹe ọ re hia.

Aizaia 40:11

Ọ gha gbearoghe avbe ohuan rẹn zẹvbe ne ọsuohuan ru. Ọ gha si avbe oteghe ohuan koko, ọ ghi munọ iran ye ekuaobọ ẹre ọ ghi su avbe iye iran hẹnnẹhẹnnẹ.

Jerimaia 23:29

Te ẹmwẹ mwẹ ye vbe erhẹn kevbe umọmọ ne ọ guọghọ okuta nekhua rẹnkhẹnrẹnkhẹn.

Ezikiẹl 34:23

I gha rhie ọba ne ọ yevbe Devid ne ọguọmwadia mwẹ ne iran, ne ọ gha re ọsuohuan iran, ọ gha gbearoghe iran.

Matiu 3:7

Ugbẹn vbe Jọn ghi miẹn ighe avbe Farisi kevbe e Sadusi vẹ bu irẹn rre ne ọ do samẹ ne iran, ọ tama iran wẹẹ, “Wa ne ẹyẹn, gha ọ ghi giodẹ ne uwa gha na miẹn uhunmwu vbe obọ irriaikhi Osanobua ne ọ dee ma uwa yi?

Iyẹn ne ọ Maan Ọghe Jọn 10:14

Mẹ ọrọre ọsuohuan ne ọ maa.

Iyẹn ne ọ Maan Ọghe Jọn 3:10

Jesu wanniẹn wẹẹ, “Ọmamwaemwi nọkhua wẹ khin vbe Izrẹl, u ma rẹn ọna ra?

Iwinna 2:37

Ugbẹn vbe iran họn ẹmwẹ na, orhiọn iran ma ghi sẹ otọ, iran keghi nọ Pita kevbe avbe ukọ nekpa wẹẹ, “Etẹn de emwi ne ima ghẹ ghi ru nian?”

II Kọrinti 10:4

Emwi igbinna ne ima ya gbinna, ẹ i re emwi igbinna ọghe agbọn na, vbe ẹ i re emwi igbinna ne ọ wo vbe egbe ọghe Osanobua ne a ya guọghọ ehe ne wo vbe egbe. Ma rẹnkhẹn imua ẹmwẹ ohoghe.

Hibru 13:20

Osanobua huẹn Nọyaẹnmwa Jesu Kristi kpao vbe idin nẹ, ọmwa ne ọ re Ọsuohuan Nọkhua ọghe avbe ohuan, rhunmwuda uwu ẹre ne a ya yi ile etẹbitẹ nii okhi.

Hibru 4:12

Rhunmwuda, ekpakpasusu ọre ẹmwẹ Osanobua khin. Ọ mu sẹ agbadakagba ne ọ mwẹ unu eva, te ọ fiaẹn la ehia fo, ya sẹ ehe ne orhiọn kevbe ekhọe na sikan mu egbe, kevbe ehe ne akhuẹn kevbe efun ne ọ rre uwu ugboloko na vba egbe. Rẹn ọre ọ ta vbene iziro kevbe aho ekhọe emwa ne agbọn ye hẹ.

I Pita 5:4

Ẹghẹ ne Ogiete iran ne avbe Ọsuohuan gha na ya egbe ladian, ẹde uyi ne ẹ i fafaa, gha sẹ uẹ obọ.