Asan-Ibo 12:1 - Edo Bible (E Baibol Ẹdo) Version 1996

¹ Rhunmwuda ọnii, ye Ayi ne ọ yii uẹ rre vbe ne u he na re ọvbokhan na, vbe ẹdẹ oya kevbe ukpo ẹhorriẹ nii ma he rre, ẹghẹ ne u gha na gha kha wẹẹ, “Ehia khan mwẹ nẹ.”

Asan-Ibo 12:1 ပူးပေါင်းရင်းမြစ်များ

Gẹnẹsis 39:2

E Nọyaẹnmwa keghi mudia ne Josẹf, ọ na ye emwi hia gha maa nẹẹn. Rẹn kegha rre owa arowa ẹre ne ọmwa Igipt nii.

Gẹnẹsis 39:23

Te eseghan ghi gha fi aroa vbe avbe emwi ne Josẹf gbearoghe, rhunmwuda Nọyaẹnmwa mudia ne Josẹf, ọ na giẹe gha miẹn arudinodẹ vbe emwi ne ọ ru hia.

II Samuẹl 19:35

Ukpo iyenẹ ọ re I ye na, emwi ọkpa ne ọ ghi gbe mwẹ otiti, ẹ i ghi rrọọ kevbe emwi ne I re kevbe ne I da, ne I ghi rẹn emwi ne ọ khọe vbe unu ẹ ghi rrọ, I i ghi vbe họn vbe otu ni so ihuan a gha so ihuan. Ihẹ kẹkan ọ re I khian gha khin nuẹn Umogun.

II Samuẹl 19:36

Ẹse ne a san ọmwa ẹre vberriọ, ma khẹ ke mwẹ. Rhunmwuda ọnii, I gha sẹ uẹ gberra e Jọdan kherhe.

I Ọba 14:13

Ivbi Izrẹl hia ghi khiẹ ọre, iran ghi vbe re ẹre. Rẹn ọkpa kẹkan ọ re a gha dọlọ ẹre uwu yi ẹse vbe uniẹn e Jeroboam rhunmwuda rẹn ọkpa kẹkan ọ re e Nọyaẹnmwa ne Osanobua Izrẹl mwẹ ẹko ne ọ rhiẹnrhiẹn ghe.

I Ọba 18:12

A deghẹ I ghi kpao nẹ orhiọn e Nọyaẹnmwa tọ ọn mu gha rrie ehe ne a ma rẹn vbo? Ẹghẹ nii, mẹ gha ghi tama Ehab ighẹ u rre emwa, ighẹ rẹn ma ghi miẹn ọn, ọ ghi gbe mwẹ uan. Yerre wẹ, ke ẹghẹ ọvbokhan mwẹ gha dee, ekhọe ọ re I ya ga e Nọyaẹnmwa.

Nehimaia 4:14

I ghi miẹn wẹ afianma fian iran, I keghi tama iran, kevbe avbe olotu iran ke emwa ni rre ukpo vbọ wẹẹ, “Wa ghẹ gie ohan avbe eghian ima mu uwa, wa yerre vbene Nọyaẹnmwa kpọlọ hẹ kevbe vbene ọ gbe orrirri hẹ ne uwa gbinna ne ivbi ẹvbo uwa kevbe avbe ivbi uwa, amwẹ uwa kevbe owa uwa.”

Job 30:2

Emwa ne esagiẹn ọnrẹn wọn ẹvbi nẹ, ne obọ ẹre ighi guọ emwi rhọkpa ya ru mẹ.

Psalm 119:55

I ye ruẹ rre vbe asọn, Nọyaẹnmwa, I ghi vbe mu ẹmwẹ uhi ruẹ roro.

Psalm 34:11

Wa larre, avbe igbama ne ọse mwẹ, ne uwa danmwehọ mwẹ, I gha ma uwa ẹre ne uwa gha ya ọghọ ne Nọyaẹnmwa.

Psalm 63:6

I gha lovbiẹ vbe ukpo mwẹ, I ghi gha mu ẹmwẹ ruẹn ro vbe asọn hia.

Psalm 90:10

Ukpo ekigbesiyenẹ ọre ima mwẹ, deghẹ ma wegbe ọ ghi sẹ iyenẹ Sevba, akhiẹ kevbe ibaro ẹre iran rhie gie ọmwa; vbe ọ ma he kpẹe, ẹdagbọn mwa gberra, ma ghi gha rriẹ.

Itan 22:6

Ma ọmọ vbene ọ gha yin hẹ, te ọ gha ye ẹre rre ọ te ya wu.

Itan 8:17

I ho ẹmwẹ iran ni ho ẹmwẹ mwẹ, ọmwaikọmwa ne ọ gualọ mwẹ gha miẹn mwẹ.

Asan-Ibo 11:10

Ghẹ gie emwikemwi mu ẹẹn orhiọn rueghe ra ne ọ si obalọ ye uẹ egbe. Ẹghẹ ne u ra ya ru igbama ma mobọ tan.

Asan-Ibo 11:2

Rhie igho ye emwi atẹ vbe ihe ughughan nibun, rhunmwuda, u ma rẹn egbe emwi ne ọ ma dunna ne a ghae khẹ ruẹ vbe agbọn na.

Asan-Ibo 11:8

Gha kpọnmwẹ ye dọmwadẹ ukpo ọkpọkpa ne u loro. Vbene u rhirhi a tọ sẹ hẹ, ye rre wẹ ẹghẹ ne u ra wu la tan sẹẹ ẹsẹse. Emwi ne a ghi ye vbe rhie aro yi ighi rrọọ ọvbehe.

Aizaia 26:8

ma lele vbene uwẹ ho, ma mwẹ idaehọ vbe uwu uwẹ, wẹ okpa ọrọre emwi ne ima ho.

Eve Orriara 3:27

A ye egbe ọvbokhan ruẹ i ziengbe na guẹ, ọre ọ maa sẹ.

Daniẹl 1:17

Osanobua keghi rhie irẹnmwi kevbe ẹwaẹn ne avbe emọ na vbe ebe ne a tie kevbe irẹnmwi ni dinmwi ọghe odun agbọn na. Ye vbe ba ẹre ọ keghi vbe rhie ẹwaẹn ne a ya rhan otọ imina kevbe umian ne Daniẹl.

Hozia 7:9

Iran ma vbe rẹn wẹ, ne iran na mu ẹtin yan ọrriọvbe nọ, ighe te ọ ghi ye iran khian ne mitanmitan. Ẹdẹ agbọn iran rrie nẹ, sokpan iran ma rẹn.

Iyẹn ne ọ Maan Ọghe Luk 1:15

Rhunmwuda okpọmwa rẹn khian gha khin vbe odaro Osanobua. A ghẹ giee ye unu kan ayọn, a ma ghi wẹ ayọn ne ọ wo vbe egbe. Orhiọn Ne ọ huanrẹn gha hin yan rẹn wa ke ẹghẹ ne a ya biẹ ọe kpao.

Iyẹn ne ọ Maan Ọghe Luk 18:16

Sokpan Jesu keghi tie emọ ni rri egbe, ọ wẹẹ, “Wa gie ibiẹka nii bu mwẹ gha dee! Wa ghe da iran yi rhunmwuda egbe avbe iran ọre ọ yan Arriọba Osanobua.

Ẹfisọs 6:4

Evbibiẹ emọ, wa ghẹ gha ru ivbi uwa emwi ne ọ gha ya ohu mu iran, sokpan wa dia iran ye odẹ, ne uwa vbe gha ma iran emwi zẹ vbe ọmwa ne ọ ya Kristi yi.

Diuteronomi 8:18

Wa yerre wẹ e Nọyaẹnmwa Osanobua rua, ọ re ọ rhie ẹtin ne uwa do ya fe. Ọ ru ọna rhunmwuda, ọ ho ne ọ mu ile ne ọ gu avbe erha uwa odede ta sẹ. Te irẹn wa rhie ile ni mwẹ do sẹ ẹdẹnẹrẹ na.

II Timoti 3:15

U vbe rẹn wẹ, ke ẹghẹ ọvbokhan ruẹn gha dee, u keghi wa rẹn Ebe nii, ne ọ sẹtin rhie nuẹn ighẹ ẹwaẹn ni ne ọ su ọmwa la imiẹnfan, vbe ekpa ne a na ya Kristi Jesu yi.

I Samuẹl 1:28

Rhunmwuda ọnii, te imẹ ghi ra ya ẹe fi ohan ne Nọyaẹnmwa. Ẹghẹ ne ọ rhirhi ya vbe agbọn, ọ ghe Nọyaẹnmwa rẹn khian gha khin.” Ẹre iran na ga e Nọyaẹnmwa vbe evba.

I Samuẹl 16:7

Sokpan, e Nọyaẹnmwa tama rẹn wẹẹ, “Ghẹ ghe ẹre wẹ ọ tanẹn ra wẹ ọ mose, mẹ he ẹe nẹ, rhunmwuda, ẹ i re vbene ọmwa ne agbọn ghe emwi ọ re imẹ ghe ẹre. Agbọn ghe ikpakpa, sokpan, ekhọe imẹ ghe.”

I Samuẹl 2:18

E Samuẹl ne ọmọ okpia nii, kegha ga e Nọyaẹnmwa vbe Siailo, ọ ghi mu adaghọ eto ovbiohuẹ rhuan.

I Samuẹl 2:26

Ẹre ọmọ okpia nii ighẹ e Samuẹl na gha wan yọ, aro ne ọ maa ọghe Nọyaẹnmwa kevbe emwa nagbọn, kegha rre ọre egbe.