Asan-Ibo 11:9 - Edo Bible (E Baibol Ẹdo) Version 1996

⁹ Wa ne igbama, wa gha zọmọ igbama uwa. Gie ẹko gha sẹ uwa ọyẹnmwẹ vbene uwa he ye rre igbama na. Ru emwi ne u ho ne u ru, vbe rhie obọ lele emwi ne ọ rre orhiọn ruẹn. Sokpan ye rre wẹ Osanobua gha bu ohiẹn ruẹn vbekpa emwikemwi ne u rhirhi a ru.

Asan-Ibo 11:9 ပူးပေါင်းရင်းမြစ်များ

Gẹnẹsis 3:6

Okhuo nii keghi miẹn vbene erhan nii ma egbe hẹ, kevbe ne ọmọ rẹn vbe rhie aro re hẹ, kevbe wẹ emwi esi gha nọ adeghẹ ọmwa waan. Ẹre ọ na rhie vbe ọmọ erhan nii, ọ na rri ọe. Ọ keghi rhie ne ọdọ ẹre vbọ, rẹn keghi vbe rri ọe.

Gẹnẹsis 6:2

Eso vbe avbe iran ni rre ẹrinmwi, keghi miẹn wẹ avbe ikhuo na wa mose ẹsẹse, ẹre iran na viọ ni yẹ iran vbọ rọnmwẹ.

I Ọba 18:12

A deghẹ I ghi kpao nẹ orhiọn e Nọyaẹnmwa tọ ọn mu gha rrie ehe ne a ma rẹn vbo? Ẹghẹ nii, mẹ gha ghi tama Ehab ighẹ u rre emwa, ighẹ rẹn ma ghi miẹn ọn, ọ ghi gbe mwẹ uan. Yerre wẹ, ke ẹghẹ ọvbokhan mwẹ gha dee, ekhọe ọ re I ya ga e Nọyaẹnmwa.

I Ọba 18:27

Ọ ghi sẹ ẹghẹ ogiavan, Elaija keghi suẹn gha ya iran gbe ogie wẹẹ, “Wa kakabọ go ladian vbe erhunmwu ne uwa na. Ẹbọ nọ. U gha ghe te ọ miẹn aro ra te ọ ra ya ghughẹ ra te ọ ra khian ladian. U gha ghe, te ọ vbiẹ ne uwa huẹn ọnrẹn!”

I Ọba 22:15

Ọ ghi mudia ye odaro ọba, ọba keghi nọ rẹn wẹẹ, “Makaia, ne I mẹ vbe Jehosiafat ya khọn Ramọt ra ne I ma ghẹ yo?” E Makaia keghi kha wẹẹ, “Gha khian ighẹ u gha khọnmiotọ. E Nọyaẹnmwa gha rhie akhọnmiotọ nuẹn.”

Job 31:7

Adeghẹ I biegbe lahin odẹ ẹmwata rre, ra ne emwi viẹn yọ mwẹ aro ghe ọkhọ, adeghẹ orukhọ ya iruẹn yọ mwẹ obọ,

Psalm 81:12

Rhunmwuda ọnii, I keghi sẹ iran rae, ne iran la odẹ iyin ehọ iran, ne iran ya gha ru emwi ne ọ khọn iran.

Asan-Ibo 12:1

Rhunmwuda ọnii, ye Ayi ne ọ yii uẹ rre vbe ne u he na re ọvbokhan na, vbe ẹdẹ oya kevbe ukpo ẹhorriẹ nii ma he rre, ẹghẹ ne u gha na gha kha wẹẹ, “Ehia khan mwẹ nẹ.”

Asan-Ibo 12:14

Te Osanobua ra bu ohiẹn emwi hia ne ima ru, deghẹ ne ọ maa nọ ra ne ẹ i maa, ya sẹ egbe emwi ne a ru vbe ẹkhokho.

Asan-Ibo 2:10

Emwikemwi ne I rhirhi a gha ho, kegha sẹ mwẹ obọ, I ma vbe ye emwi ne ọ ghi re ne ọ ye ẹko ọmwa sẹ ọyẹnmwẹ rhọkpa hin egbe mwẹ unu. Ẹko emwi hia ni winna yi ke wa vuọn mwẹ, ena hia kegha re ere ne I miẹn vbo.

Asan-Ibo 3:12

Rhunmwuda ọnii, I keghi miẹn emwi ne ima gha sẹtin ru ma gberra wẹ, ne ima gha sẹ ọyẹnmwẹ, ne a vbe ru vbene ẹtin mwa sẹe vbe a he rre agbọn na.

Asan-Ibo 3:17

I keghi tama egbe mwẹ wẹẹ, “Osanobua gha ye obọ okpa nii bu ohiẹn emwa esi kevbe emwa dan rhunmwuda, ẹghẹ ne a rhie yọ ọ re emwi hia kevbe uyinmwẹ hia gha ya sunu.”

Asan-Ibo 6:9

Ọna i vbe maa, te ọ yevbe ne a khu ẹhoho khian. Ọ kere ne emwi ne ọmwa mwẹ sẹ ọre ọkẹn, sẹ ne ọ gha rhie aro ye ọvbehe vbe ẹghẹ hia.

Asan-Ibo 7:14

Emwi gha khian hẹnnẹhẹnnẹ ne uẹn, gha ghọghọ, orueghe gha vbe rre, u ghi ye rre wẹ Osanobua ọ re ọ rhie ọyẹnmwẹ kevbe orueghe rre, u i sẹtin kha ne ọ ghi sẹẹ ọre egbe ne ọ gha rre vbọ.

Jerimaia 23:17

Iran ghi gha tama emwa ni ma zẹye ẹmwẹ ne I tama iran wẹ, agbọn gha wa ma iran. Iran ghi vbe gha tama ọmwa ne ọ zevbudu wẹ ọkhọ okpa i ra ya obọ kan rẹn.”

Jerimaia 7:24

Sokpan, iran ma họn, iran ma kue vbe zẹ yọ, sokpan, emwi ne ekhọe izevbudu kevbe ekhọe dan ne iran mwẹ tama iran, ọ re iran ru.

Eve Orriara 3:27

A ye egbe ọvbokhan ruẹ i ziengbe na guẹ, ọre ọ maa sẹ.

Nọmbas 15:30

Sokpan, ọmwaikọmwa, ne o ba ru orukhọ, ọ re ọmotọ nọ ra orhunmwuyẹn te ọ yagha Nọyaẹnmwa a ghi gbe ẹe rua.

Nọmbas 15:39

Adaghọ na ghi gha re ọghe ayere, ẹghẹikẹghẹ ne uwa a rhirhi ya dẹghe iran, wa ghi ye uhi mwẹ hia rre nu uwa vbe gha ru iran; ẹghẹ nii, wa i ghi ra fi iyeke gbe mwẹ ne uwa ya gha ru ọghe enegbe uwa ne uwa ho.

Nọmbas 22:32

Odibosa nii keghi nọ rẹn wẹẹ, “Vbọzẹ ne u na gbe ekẹtẹkẹtẹ ruẹ igba eha vberriọ yi? Te I do gba yuẹ odẹ rhunmwuda ọ ma kei ne u khian okhian na.

Matiu 5:28

Sokpan mẹ tama uwa nian, ọmwaikọmwa gha ghe okhuo sẹrriọ ighe te aro ẹre ghi viẹn yọ, ọ gu okhuo ni ru oghẹ nẹ usin vbe ekhọe ẹre.

Iyẹn ne ọ Maan Ọghe Luk 12:19

I ghi tama egbe mwẹ wẹẹ, Uhunmwu ne ọ maa! Emwi esi ne ọ gha tọ la ukpo ni bun rre uẹ otọ nẹ nian, si orhiọn koko, gha re, gha da ne u gha zọmọ!’

Iwinna 14:16

Vbe ẹghẹ ne ọ gberra, ọ gie emwa hia gha ru vbene ọ khọn iran.

Iwinna 24:25

Sokpan Pọl ghi suẹn gha ta ẹmwẹ uyinmwẹ esi, a mu egbe ye ọghọ kevbe Ẹdẹ Ibuohiẹn, ohan kegha mu e Fẹlis, ọ na kha wẹẹ, “U sẹtin gha khian nẹ, I gha dọlegbe tie ruẹ vbe i a miẹn obọ.”

Ebe ne Pọl gbẹẹn gie emwa Rom 14:10

Rhunmwuda ọnii nian, vbe ọ zẹ ne uwẹ na bu ohiẹn ọtuẹn yi? Kevbe uwẹ, vbe ọ zẹ ne u na zan ọtuẹn, ma hia gha mudia ye odaro Osanobua ne ọ bu ohiẹn ima.

I Kọrinti 4:5

Rhunmwuda ọnii, wa ghẹ gha bu ohiẹn ọmwarhọkpa ọ te do sẹ ẹghẹ ne ọ kei yi. Wa sẹ ibuohiẹn ne okiekie rae khẹ ẹghẹ ne Nọyaẹnmwa gha na rre, rẹn ọre ọra we dọmwadẹ ọghọe uhe ua, ọ ghi ta iro ne ọmwa do zẹ vbe ekhọe ẹre ladian. Ẹghẹ ni ọre Osanobua gha na tian dọmwadẹ ọghọe vbene ọ ke gie ẹe.

II Kọrinti 5:10

Rhunmwuda, ẹ i mwẹ ma hia ma mudia ye odaro Kristi, ne ọ miẹn ehe na bu ohiẹn mwa. ne dọmwadẹ ọghọe miẹn ehe na miẹn emwi ne ọ khẹ kẹe rhie, zẹ vbene ọ ye obọ ru vbe ọ rre agbọn, deghẹ ne ọ maa nọ ra ne ẹ i maa.

Diuteronomi 29:19

Wa ghẹ gie a miẹn wẹ orhiọnkpa rre emwa na ẹrẹ ne ọ họn avbe emwi ọghọ ne a wẹ ne a gha ru ẹrẹna, ọ na ye gha ro ighẹ emwi gha dunna ne irẹn, ọ gha khọn irẹn ne irẹn ya izevbeudu gha ru vbene ọ khọn irẹn. Emwi na gha fuẹn uwa hia a, kevbe ne ọ ma an, kevbe nẹ i ma an.

Hibru 9:27

Rhunmwuda uhukpa ọre dọmwadẹ ọghọe ra wu, vbe iyeke ọnii, Osanobua ghi bu ohiẹn ọnrẹn.

Jọsua 7:21

Vbe uwu emwi ne ima khọn mu, I keghi miẹn agbada ẹwu e Babilọn ọkpa ne ọ kakabọ mose ne ọ gha sẹ uwan esiliva isẹn, kevbe ẹgba igoru ọkpa ne ọ gha gberra uwan ọkpa. Iran keghi wa viẹn yọ mwẹ aro, ọ re I na viọ iran, wa gha miẹn iran vbe ehe ne I na tọnnọ iran ye uwu otọ vbe owa ukpọn mwẹ, esiliva ne ọ rrọ ọ re ọ ke otọ.”

II Pita 3:7

Sokpan agbọn kevbe ẹrinmwi ne ọ rrọọ banbanna, ẹmwẹ ọkpa ni ọghe Osanobua, ọre a ya da ẹe yi, ne a do ya erhẹn fuẹn ọnrẹn uan. Te a viọ iran hinrre khẹ ẹdẹ ne a gha gui ẹzọ avbe emwa dan ne a fuẹn iran uan.