Asan-Ibo 11:5 - Edo Bible (E Baibol Ẹdo) Version 1996

⁵ Osanobua ọ re ọ yi emwi hia, wẹ i khian sẹtin rẹn otọ emwi ne ọ ru, gberra vbe ne u rẹn otọ ẹre sẹ ighe vbe ne ọmọ ọgbọn ya suẹn hẹ vbe ẹko okhuohanmwẹ.

Asan-Ibo 11:5 ပူးပေါင်းရင်းမြစ်များ

Job 37:23

Ẹtin Osanobua kpọlọ sẹ vberriọ wẹ, ma i sẹtin sikẹ ọre, odẹ ẹmwata kevbe uhunmwu ẹmwẹ, ọre ọ ya gu emwa lo.

Job 38:4

Wẹ rre evba vbe I yi agbọn ra? Adeghẹ u gele rẹn emwi sẹ evba, ta ẹe ma mwẹ.

Job 5:9

Ma i sẹtin rẹn iwinna nọkhua ne ọ winna, iwinna ọyunnuan ẹnrẹn i vbe mwẹ ufomwẹ.

Psalm 104:24

Nọyaẹnmwa emwi ne u yi wa bun, a miẹn vbene u ya ẹwaẹn ru ehia hẹ! agbọn vuọn ne emwi ne uyi hia!

Psalm 40:5

U ru emwi nibun ne ima nẹ Nọyaẹnmwa Osanobua mwa; ọmwa ne ọ yevbe uwẹ rrọọ! Emwamwa ọyunnuan nibun ọ re u ru ye otọ khẹ ima. Mẹ ira sẹtin talọ ehia iran mobọ bun ẹsẹsẹmwẹse.

Psalm 92:5

A miẹn vbe iwinna ruẹn kpọlọ hẹ Nọyaẹnmwa! A miẹn vbe iro ẹko ruẹ dinmwi hẹ!

Asan-Ibo 1:13

I keghi wa yan tae, I keghi vbe mu aro yọ wẹ, I gha gualotọ emwi hia ne a ru vbe agbọn na. Agbọn usẹ ọ re Osanobua mwamwa ne ima.

Asan-Ibo 1:6

Ẹhoho gha hoho ghe ekẹn, ọ ghi hoho ghe okuọ, ọ gha ghi lẹga yo lẹga rre, ọ ghi dọlegbe gha dee.

Asan-Ibo 11:4

U gha wẹ ne u diakhẹ ẹghẹ ne ikpakpaiso ra ẹhoho wa ya rre ihe, u i kọ emwi rhọkpa ẹdẹ, u i vbe rhọ emwi ẹdẹ.

Asan-Ibo 3:10

I rẹn ihẹ ẹrẹkhẹrẹ ne Osanobua kun ne ọmwa.

Asan-Ibo 3:11

Rẹn mwamwa ẹghẹ ne emwi hia kei yi ye otọ nẹ. Ọ vbe rhie ne ima ne a gha ho ne a rẹn vbene ẹdẹ nakhuẹ ra gha ye hẹ, sokpan, ọ ma gie ẹko ẹre vuọn ima wẹ ma rẹn otọ emwi ne ọ ru ẹsẹse.

Asan-Ibo 7:24

Vbe ọmwaikọmwa gha ya sẹtin gualọ otọ emwi ne a ya ẹdagbọn ọmwa miẹn hẹ? Ọ dinmwi ne ima gbe, ọ lọghọ gbe ne a rẹn otọ ẹre.

Asan-Ibo 8:17

Vbene ẹ i na vbe sẹtin rẹn emwi ne Osanobua ru. Vbene ọ khọn ruẹn ne u ziga sẹ, u i miẹn otọ ẹre. Emwa ni wan sẹtin kha wẹ iran miẹn ọẹn, iran ma miẹn emwi rhọkpa.

Aizaia 40:28

Wẹ ma rẹn ra? U ma he họn? E Nọyaẹnmwa ọrọre Osanobua etẹbitẹ rẹn ọ re ọ yi agbọn na hia. Egbe i wọ ẹre, ẹtin i fu ẹe ọmwa ne ọ rẹn iro ekhọe ẹre i rrọọ.

Iyẹn ne ọ Maan Ọghe Jọn 3:8

Ẹhoho hoho ghe ehe ne ọ rhirhi khọn rẹn, wẹ họn ogbigbi ẹre, sokpan u ma rẹn ehe ne ọ ke dee ra ehe ne ọ rrrie. Erriọ zẹẹ ọre ọ ye ne ọmwaikọmwa ne a biẹe vbe kpa ọghe Orhiọn.”

Ebe ne Pọl gbẹẹn gie emwa Rom 11:33

U miẹn vbe ẹfe Osanobua bun hẹẹ! U miẹn vbene ẹwaẹn kevbe irẹnmwi ọnrẹn dinmwi hẹẹ! De ọmwa nọ gha sẹtin rhan otọ vbene ọ ta ẹmwẹ yi hẹẹ? Gha ọ rẹn vbene ọ ru emwi hẹẹ.