Asan-Ibo 11:2 - Edo Bible (E Baibol Ẹdo) Version 1996

² Rhie igho ye emwi atẹ vbe ihe ughughan nibun, rhunmwuda, u ma rẹn egbe emwi ne ọ ma dunna ne a ghae khẹ ruẹ vbe agbọn na.

Asan-Ibo 11:2 ပူးပေါင်းရင်းမြစ်များ

Nehimaia 8:10

Banbanna nian, wa gha rrie owa ne uwa rri evbare esi, wa fian vbe evbare uwa ne iran ne ẹ i mwẹ, ne uwa vbe sa ne iran vbe ayọn uwa. Ẹdẹ nọhuanrẹn ọ re ẹrẹ khin ne Nọyaẹnmwa rhunmwuda ọnii, wa ghẹ khiẹ. Oghọghọ ne Nọyaẹnmwa, rhie ne uwa gha ya uwa wegbe.”

Ẹsta 9:19

Ọnii ọ sii ẹe ne avbe Ju ni re ivbi ẹvbo ne a giere na na ya ikpẹdẹ ne ogiwenẹ ọghe uki Ada hẹwẹ, iran ghi vbe gha ghọghọ ẹdẹ ne a ya re kevbe ne a ya da, kevbe ne a ya ye evbare zẹ ọhẹ gie egbe.

Ẹsta 9:22

Ọna kegha re ẹdẹ ne avbe Ju fuẹn avbe eghian iran vbene iran na rhie iran obọ hin ẹkun rre, ọna kegha re uki ne a fiwerriẹ ke vbe ọghe akhiẹ kevbe iro han ọmwa rre khian ọghe oghọghọ kevbe ọyẹnmwẹ. A keghi tama iran wẹ ne iran gha ya evbare ne a re ya ghọ egbe ye ẹdẹ ne ẹdẹrriọ rre, deba evbare ne a le fian gie egbe kevbe ne a tie emwa ọvbehe sẹ owa yi, a ghi vbe gha rhie ne avbe ivbiogue.

Job 5:19

Kugbakẹghẹrẹ ọ re ọ ya miẹn ruẹn fan hin ikuan egbe rre.

Psalm 112:9

Ọ gha rhie ne ne ẹ i mwẹ wọrhọwọrhọ itohan rẹn i vbe baku ọ gha mwẹ ẹtin, a ghi vbe gha ya ọghọ ne ẹẹn.

Itan 19:17

U gha rhie emwi ne ovbiogue, te ọ ye vbe ne a rhie emwi ne Nọyaẹnmwa mọmọ; e Nọyaẹnmwa gha ha ẹre werriegbe nuẹn.

Itan 6:16

Emwi ihinrọn ọre Nọyaẹnmwa i ho, ẹ i vbe rhie otọ ne iran hiehiere: Ekhọe itengbemu, aranmwẹ ne ọ ta ohoghe, obọ ne ọ gbe ọmwa ne ọ ma rukhọ, ekhọe ne ọ mwamwa emwi dan, owẹ ne ọ rhulẹ ye ọkhọ ne a ru, osẹe ne ọ wa ta ohoghe yan ohoghe, kevbe ọmwa ne ọ si ẹti fi ẹkpo avbe ẹse.

Asan-Ibo 11:3

Ehe ne erhan a rhirhi de ghe, ehe ne ọ de yi nii ọ re ọ ra gha ye. Amẹ gha bi, ọ ghi rhọ.

Asan-Ibo 11:8

Gha kpọnmwẹ ye dọmwadẹ ukpo ọkpọkpa ne u loro. Vbene u rhirhi a tọ sẹ hẹ, ye rre wẹ ẹghẹ ne u ra wu la tan sẹẹ ẹsẹse. Emwi ne a ghi ye vbe rhie aro yi ighi rrọọ ọvbehe.

Asan-Ibo 12:1

Rhunmwuda ọnii, ye Ayi ne ọ yii uẹ rre vbe ne u he na re ọvbokhan na, vbe ẹdẹ oya kevbe ukpo ẹhorriẹ nii ma he rre, ẹghẹ ne u gha na gha kha wẹẹ, “Ehia khan mwẹ nẹ.”

Daniẹl 4:27

Rhunmwuda ọnii nian, Umogun, u ghi rhie ude ne I bu ruẹ re. Da obọ orukhọ ne a ru yi, gha ru emwi ne ọ kere, vbe gha tohan avbe ivbiogue. Ẹghẹ nii, agbọn ghi gha ma ruẹn khian.”

Maika 5:5

Rẹn gha vbe rhie ọfumwegbe rre. Ivbi Asiria gha mu okuo la ẹvbo mwa, iran na vbe guọghọ emwi ne ima ya khẹ egbe, ma gha gie avbe ọkaolotu ima ni wegbe sẹẹ ne iran ya gu iran gbinna.

Matiu 18:22

Jesu wanniẹn tama rẹn wẹẹ, “Ẹn o, ẹ i re igba ihinrọn sokpan igba ihinrọn vbe ihe ekigbe sẹ iyenẹ.

Matiu 5:42

Ọmwa gha vbuẹ emwi, rhie nẹẹn. Ọmwa gha vbe nọ emwi na mọmọ, rhie nẹẹn mọmọ.

Iyẹn ne ọ Maan Ọghe Luk 17:4

Ọ gha ru emwi khọ igba ihi-nrọn vbe ẹdẹ, ọ na vbe rre igba ihinrọn ni do rinmwian, ghẹ mwẹ u ma ya bọ ẹe.”

Galatia 6:1

Etẹn, a deghẹ a mu orhunmwu ọkpa mu orukhọ, wa ni re ọghe orhiọn vbọ, wa ghi dia ẹre ye odẹ, sokpan wa ghi ru ẹre ọghe ọghọ vbe ute. Wa tobọ uwa ghi vbe gha ba egbe, ne a ghẹ vbe danmwẹ uwa ghẹ.

Ẹfisọs 5:16

U gha miẹn ẹkpo otọ ya ru emwi, u ghi lo ẹre ẹsẹse rhunmwuda, ẹghẹ ne a ye na i maa.

Hibru 13:3

Wa gha ye iran ni rre uwu eghan rre vbene a miẹn wẹ, te uwa gu iran rre evba. Wa gha ye iran ni rri oya rre, vbene a miẹn wẹ wa vbe iran ọre ọ gba rrie nene oya.

I Samuẹl 25:8

Nọ iran, iran gha tama ruẹn. E Devid wẹ ne u rhan obọ itohan miẹn emwa irẹn rhunmwuda ma gha rrie edinran vbe ẹdẹ eghọ. Rhunmwuda ọnii, viọ emwi ne obọ ruẹ gbare ne ima ne eguọmwadia ruẹ; kevbe Devid ne ọ siọ ne ọ ghaan.”