Asan-Ibo 10:8 - Edo Bible (E Baibol Ẹdo) Version 1996

⁸ U gha tọn uvun, wẹ ọ ra de yọ, u gha kpahiẹ la ekẹn gberra, ẹyẹn gha ho ruẹ ẹmwẹ.

Asan-Ibo 10:8 ပူးပေါင်းရင်းမြစ်များ

II Samuẹl 17:23

Ahitofẹl ghi miẹn wẹ, a ma rhie iro ne irẹn zẹẹ, ọ na rhunmwuda ọnii gbalọ ekẹtẹkẹtẹ ọre, ọ na gha rrie ẹvbo ẹre. Ọ ghi mwamwa emwi hia ye ihe nẹ, ọ na ya zẹgbẹle. Iran keghi re ẹre ye idin ẹgbẹe ọre.

II Samuẹl 18:15

Ẹre iran igbe vbe ivbiyokuo e Joab na sikẹ Absalọm, iran na gbe ẹe rua fo.

Ẹsta 7:10

Ọba keghi kha wẹẹ, “Wa si e Haman rrọ yọ!” x e Haman rrọ ye erhan ne ọ yo ne a si emwa rrọ yi ne ọ te gba ye otọ khẹ Modekai. Ẹre ohu ọba ghi na rriotọ.

Psalm 57:6

Avbe eghian mwẹ rhuẹ ọga yotọ ne iran mu mwẹ, akhiẹ gbe mwẹ fi otọ iran tọn uye ye odẹ ne I la, sokpan, iran tobọ iran kharha yọ.

Itan 11:6

Uyinmwẹ ẹmwata sẹtin fan ọmwa ẹmwata vbe irri, sokpan, ọmwa ne ẹ i gia mu ẹtin yan, arovbẹmwẹ ọnrẹn ọ re ọ ra khuẹn ifi mu ẹẹn.

Itan 26:27

Emwa ni khuẹn ifi khẹ ẹrrẹe, ọ re ọ de ye nene ifi. Iran ni rrua ekẹn, ọ re ekẹn rẹnkhẹn uan.

Asan-Ibo 10:9

U gha winna vbe uvun ne a na guọghọ okuta, okuta gha kuan ruẹn egbe. U gha sọ erhan, u ghi vbe miẹn ikuanegbe vbe ehe ne u na ru ẹe.

Emọs 5:19

Te ọ ra yevbe ne ọmwa lẹ ne oduma, ọ na dekun akpakomiza! Ra ọmwa ne ọ lẹ la owa, ọ na rhie obọ yan ekẹn, ẹyẹn keghi sa a ẹe.

Emọs 9:3

Iran gha ya lẹre ye odukhunmwu Oke Kamẹl, te I gualọ iran mu. Iran gha lẹre mẹ vbe ototọ okun, I ghi tama Ugbogiorinmwi amẹ ne ọ fian iran re.

Giọgis 9:5

Ọ kegha rrie owa erha ẹe vbe Ọfra ọ keghi wa gbele ivbi erha ẹe ighẹ Gidiọn ne ekigbesiyenẹ ni vbe uhunmwu okuta ọkpa kẹkan. Sokpan e Jotam ne ọre ọmọ okpia ọkotọ ọghe Jerubal keghi lẹ re, a ma gbe ẹe rua.