Asan-Ibo 10:19 - Edo Bible (E Baibol Ẹdo) Version 1996

¹⁹ Te evbare eghọ ye ọyẹnmwẹ sẹ ọmwa, erriọ ọ re ayọn vbe ya aro ọmwa maa vbe uhunmwu, sokpan ne obọ ruẹ gha sẹtin gba i rrọ adeghẹ igho i rrọọ.

Asan-Ibo 10:19 ပူးပေါင်းရင်းမြစ်များ

Gẹnẹsis 43:34

A kegha ke eteburu e Josẹf viọ evbare gie iran. A keghi gie evbare Bẹnjamin ye ukhukhu isẹn sẹ ọghe iran nekpa. Iran keghi guẹe re, guẹe da, ayọn te do gha gbe iran.

II Samuẹl 13:28

Ọ keghi tama avbe eguọmwadia ẹre wẹẹ, “Wa gha baba Amnọn, ọ gha ghi da gbe egbe nẹ, I gha tama uwa, wa ghi gbe ẹe rua. Wa ghẹ gie ohan mu uwa. Uhunmwu imẹ tobọ mwẹ ọ re ọ ye, wa din, wa ghẹ ru ẹe ghẹghẹghẹ!”

I Krọnikol 21:24

Sokpan ọba wanniẹn wẹẹ, “Ẹn o, I gha ha osa ehia ne uẹn. Mẹ i ra ya emwi ne ọ re ọwuẹ ra emwi ne I ma ha osa rhọkpa yi zọ ese ghe Nọyaẹnmwa.”

Ẹzra 1:6

Emwa ẹdogbo iran hia keghi yi iran obọ vbene iran na viọ emwi nibun ne iran: emwi ne a ya le evbare ọghe esiliva, igoru, evbare, aranmwẹ ni mu ihẹ, emwi ewe ọvbehe kevbe emwi ne a ya mu ohan vbe Ọgua Osa.

Nehimaia 5:8

I tama iran wẹẹ, “Te ima hia vbene ẹtin mwa sẹe, ne a ya gha dẹlẹ iran werriegbe ighẹ avbe Ju ni khiẹnnẹ egbe iran eviẹn ne avbe orhunmwuyẹn, wanwanna nian, te uwa ghi sua avbe etẹn uwa ne iran gha khiẹnnẹ egbe iran ne uwa ne Ju ne ihua iran.” Avbe ọkaolotu nii keghi hunwan kpọi, iran ma miẹn ẹmwẹ ta.

Ẹsta 1:10

Ọ ghi sẹ ikpẹdẹ ne ogihinrọn ne iran kegha rri evbare na, ọba kegha da ayọn, ẹko hia na gha sẹ ọre ọyẹnmwẹ, ọ keghi tie avbe ọghẹrriẹnoguan ihinrọn ni wa re odibo irẹn tobọ ẹre, iran na ọ re Mehuman, e Bizta, e Habona, e Bigta, Abagta, e Zeta kevbe Kakas.

Psalm 104:15

Ọ ghi vbe ru ayọn ne ọ ya ẹko ẹre rhiẹnrhiẹn, ofigbọn oliv ne ọ ya ekhọe ẹre rhiẹnrhiẹn, kevbe ebrẹd ne ọ rhie ẹtin ne ẹẹn.

Psalm 112:9

Ọ gha rhie ne ne ẹ i mwẹ wọrhọwọrhọ itohan rẹn i vbe baku ọ gha mwẹ ẹtin, a ghi vbe gha ya ọghọ ne ẹẹn.

Asan-Ibo 2:3

Rhunmwuda ne ekhọe mwẹ na rrọ wẹ I ho ne I gha wan, I keghi wẹ I gha ye ayọn ne a da sẹ ọyẹnmwẹ ne I gha ru ọghe ne agbọn sẹ ọre obọ. I keghi roro ẹe wẹ erriọ ọ re ọ kere ne emwa ya lo agbọn ne ẹ i sa lo na.

Asan-Ibo 9:7

Gie obọ gha kẹe, rri evbare ruẹ ne u gie ẹko gha sẹ uwẹ ọyẹnmwẹ, da ayọn ruẹn ne u dọlọ aro yi vbe uhunmwu. Erhọkpa i khọ vbe aro Osanobua.

Aizaia 23:18

A ghi ya igho ne ọ miẹn vbe ẹki fi ohan ne Nọyaẹnmwa. Ẹ i ra vbe viọ ẹre hin rre, sokpan, avbe emwa ni ga e Nọyaẹnmwa gha ya igho nii dẹlẹ evbare kevbe ukpọn ne iran gha lo.

Aizaia 24:11

Emwa gha go vbe adesẹ ẹvbo rhunmwuda wẹ ayọn ighi rrọọ. Oghọghọ fo ẹdẹdẹmwẹdẹ, a wabọ ẹre ua hin otọe ni rre.

Matiu 17:27

I ma ho ne a zẹdẹ ho iran na ẹmwẹ. Rhunmwuda ọnii, gha rrie odighi ne u fi ẹghọe fi ọ, ehẹn ne ọ rhirhi ka mu, si ẹe ladian. U gha ghe unu ẹnrẹn, u gha miẹn igho ne ọ gha sẹ uẹ ya zẹ ọghomwẹ kevbe ọghe uwa, rhie gha khian, ya ya zẹ igho uhunmwu ima ne iran.”

Matiu 19:21

Jesu tama rẹn wẹẹ, “U gha ho ne ọ gba nuẹn fo, ya khiẹnnẹ emwi hia ne u mwẹ, viọ igho ẹre ne avbe ivbiogue, u gha mwẹ ẹfe vbe ẹrinmwi, bu mwẹ gha dee ne u do gha lele mwẹ khian.”

Iyẹn ne ọ Maan Ọghe Luk 12:19

I ghi tama egbe mwẹ wẹẹ, Uhunmwu ne ọ maa! Emwi esi ne ọ gha tọ la ukpo ni bun rre uẹ otọ nẹ nian, si orhiọn koko, gha re, gha da ne u gha zọmọ!’

Iyẹn ne ọ Maan Ọghe Luk 16:9

Jesu keghi rhie te ẹe wẹẹ, “Ne I tama uwa nian, wa ye ẹfe agbọn na ne uwa mwẹ zẹ ọse ne egbe uwa, a i rẹn vbe ọ gha ghi hiẹ uwa, ne a miẹn ehe na miẹn uwa ye owa etẹbitẹ.

Iyẹn ne ọ Maan Ọghe Luk 8:3

Joana ne amwẹ Kiuza ne ọ winna vbe ẹguae Hẹrọd, kevbe Susana kevbe ikhuo ni bun ọvbehe, iran ni lo emwi ewe iran ya gha yi Jesu kevbe erhuanegbe ẹre obọ.

Iwinna 11:29

Avbe erhuanegbe keghi ta ẹe wẹ dọmwadẹ ọghọe vbe uwu iran gha rhie vbene obọ ẹre sẹe ya ru iyobọ gie etẹn iran ni rre Judia.

Iwinna 2:45

Iran ghẹ ghi khiẹn emwi ewe iran, kevbe emwi ne iran mwẹ, iran hia ghi gba gha igho ẹre zẹ vbene edọmwadẹ ọghọe i te ya mwẹ.

I Pita 4:3

Rhunmwuda, wa lo ẹghẹ ne ọ taẹn sẹ nẹ, ne uwa ya gha ru vbene avbe enimayayi ru. Ẹdẹ agbọn uwa kegha re ne a lo ye uyinmwẹ iruẹn ufifimwẹ, ayọn ne a da gbe egbe, ohọhọ, ẹbu idayọn, kevbe iruẹbọ nẹ ọ hu ọmwa ẹko.

Giọgis 14:10

Erha ẹe kegha rrie owa ọmọ okhuo nii, ọ re Samsin na le evbare tie emwa sẹ owa vbe evba. Erriọ ọ re avbe igbama gha a ru ẹe.

Giọgis 9:13

Erhan ayọn nii keghi kha wẹẹ, ‘Onii nọ wẹ ne I sẹ ẹmwẹ ayọn mwẹ ne ọ ya ẹko rhiẹnrhiẹn agbọn vbe ẹrinmwi rae ne I do gha khaemwisẹ yan uwa.’

I Samuẹl 25:36

Abigẹl keghi bu e Nabal gha khian vbe ọ wa rre eghọ, egbe ne ọ kei ne ọba. Ayọn gbe ẹe, ọ keghi wa vbe hẹ yo hẹ rre, rhunmwuda ọnii, Abigẹl ma vbe ta ẹmwẹ ọkpa ma rẹn ẹdẹ te dọ gbe.