Asan-Ibo 10:12 - Edo Bible (E Baibol Ẹdo) Version 1996

¹² Ẹmwẹ ne unu umẹwaẹn, ọ re ọ si ọghọ ne ọ rre ọre egbe, sokpan ẹmwẹ ne unu ọzuọ, ọ re ọ gbe ẹre uhunmwu.

Asan-Ibo 10:12 ပူးပေါင်းရင်းမြစ်များ

II Samuẹl 1:16

E Devid keghi tama ovbi Amalẹk nii wẹẹ, “Obọ ruẹ ọ re u ya si emwi ne ọ rruan ruẹn, ẹghẹ ne u na ya unu ruẹn miẹnkue ighẹ u gbe ọba ne Nọyaẹnmwa tobọ ẹre zẹ ne ọ gha re ọba rua, ọ re u na bu ohiẹn uwu gbe egbe uẹ.”

Job 16:5

I gha sẹtin ye ibude rhie ẹtin ba uwa ẹtin, I gha wa gha guan khian ne I ya fu uwa ẹko rre.

Psalm 140:9

Ghẹ gie obọ eghian mwẹ ke ukhunmwu, gie eyan ne iran yan gun mwẹ degbe iran.

Psalm 37:30

Ẹmwẹ ọmwa esi, ẹwaẹn nọ, ẹi vbe gbe ewanmwẹ ghe obọkpa.

Psalm 64:8

Ọ gha fuẹn iran an rhunmwuda avbe ẹmwẹ ne iran ta nii, emwa ni miẹn iran hia ghi gha fieghe uhunmwu.

Itan 10:10

Ọmwa ne ọ rhie ẹmwata lẹre, te ọ gbe olighi, sokpan, ọmwa ne ọ kha ladian ighe emwi ma gba, ọfumwegbe ọ re ọ gualọ.

Itan 10:8

Avbe umẹwaẹn ghi rhie vbe a gha bu iran ude esi. Emwa ni guan ẹmwẹ ukọnmwẹ gha fuan.

Itan 12:18

Ẹmwẹ akpa, te ọ fian ẹwẹn ne ọ da zẹ vbe umozo, sokpan ẹmwẹ ne a ya ẹwaẹn ta, te ọ kpe ẹwẹn rrie.

Itan 15:2

Avbe umẹwaẹn gha guan, iran ghi gha ya irẹnmwi yẹ ọmwa; sokpan, avbe akpa, te iran kpa ẹmwẹ oya ladian.

Itan 15:23

U miẹn vbe ọ rhiẹnrhiẹn hẹ a deghẹ a miẹn ẹmwẹ ne ọ guae ro ya gie vbene emwi ye hẹ zẹẹ.

Itan 19:5

U gha ta ohoghe vbe iko, a gha rri uẹ oya, ẹ i mwẹ vbene a tae hẹ.

Itan 22:11

Adeghẹ u ho ẹmwẹ ekhọe ne ọ hianrẹn kevbe ẹmwẹ nekhuẹrhẹ, ọba gha do gha re ọse ruẹ.

Itan 26:9

Ọzuọ gha kpa itan ne umẹwaẹn kpae, te ọ ye ọmwa rre vbene ọ ye hẹ vbe ọmwa ne ayọn gbe a gha zẹ igban hin obọ rre.

Itan 31:26

Ẹwaẹn ọmẹhẹ ọre ọ ya guan.

Asan-Ibo 12:11

Ẹmwẹ ne avbe umẹwaẹn ta, te iran yevbe erhan ne a mu ne ọsuohuan ya su ohuan, itan ne a si koko, te iran tọ zẹ vbe ise ne a kakabọ kan ye emwi. Osanobua ne ọ re Ọsuohuan ima hia ọ re ọ viọ iran ne ọmwa.

Asan-Ibo 4:5

Emwa khare wẹ akpa ọ re ọ viọ obọ ku akharha ne ohanmwẹ gbe ẹe rua.

Asan-Ibo 5:2

Gha roro ẹmwẹ u kegha tae, ghẹ gha khirhi yan eyan ma Osanobua. Ẹrinmwi rẹn ye, agbọn ọ re uwẹ ye, rhunmwuda onii ghẹ talọ gbe.

Asan-Ibo 5:6

Ghẹ gie ẹmwẹ ne unu ruẹn siọ fi orukhọ vbene u gha na ya tama ohẹn Osanobua ighe ọdẹn ọ re u gbe. Vbọzẹ ne u gha na ya Osanobua mu ohu ghe ruẹ yi? Vbọzẹ ne u gha na giee fuẹn uan, ighe emwi ne u miẹn ẹsọn yi.

Asan-Ibo 9:17

A hẹko gbe ehọ kotọ gha danmwehọ ẹmwẹ nekhuẹrhẹ ọghe umẹwaẹn, ọ re ọ maa sẹẹ ne a gha danmwehọ uvannọmwẹ ọghe ne ọ khaemwisẹ vbe iko avbe ọzuọ.

Matiu 12:35

Aza emwi esi ne ọ mwẹ, ọre ọmwa esi ke viọ emwi esi ladian. Aza emwi dan ne ọ mwẹ, ọre ọmwa dan ke viọ emwi dan ladian.

Iyẹn ne ọ Maan Ọghe Luk 19:22

Rẹn tama rẹn wẹẹ, ‘Ọguọmwadia dan, ẹmwẹ ne unu ruẹn ọre I ra ya bu ohiẹn gbe uẹ. U rẹnrẹn ighe I wegbe aro, I ghi gha viọ emwi ne I ma yan, I ghi vbe gha rhọ emwi ne I ma kọ,

Iyẹn ne ọ Maan Ọghe Luk 4:22

Ẹmwẹ ọnrẹn keghi rhiẹnrhiẹn iran ẹsẹse, unu keghi yan iran ye ẹmwẹ, nọ rhiẹnrhiẹn ne ọ guan, iran wẹẹ “Ọna i re ovbi e Josẹf?”

Ẹfisọs 4:29

Wa ghẹ gha fi obi unu gie egbe, wa gha ta ẹmwẹ ne ọ yi ọmwa obọ, egbe ne ọ rhie ẹtin ye ọmwa iwu, ọ ghi vbe rhie emwi ne ẹ i te rrọ rre, vbene a gha na miẹn wẹ, ẹmwẹ ne u ye unu ruẹn ta, ghi gha ru ọ maa ne iran ni ya ehọ họn ẹn.

Kọlose 4:6

Wa gie ẹmwẹ uwa gha re ne ọ maa kevbe ne ọ rhiẹnrhiẹn vbe ehọ ẹghẹ hia, wa ghi vbe gua ra gha rhie ewanniẹn ne ọ gua ẹe ro ne emwa hia.