Asan-Ibo 10:10 - Edo Bible (E Baibol Ẹdo) Version 1996

¹⁰ Adeghẹ ughanmwa ruẹn gbin, ighe u ma lọ ẹe, te u ghi ra miẹn ẹsọn sayọ vbe u a gha ya ẹe winna. A mwamwa iwinna ururo ye otọ khẹ ọ dee, ọ re ọ maa sẹẹ.

Asan-Ibo 10:10 ပူးပေါင်းရင်းမြစ်များ

I Ọba 3:9

Rhunmwuda ọnii, rhie ẹwaẹn mẹ ne I ya gha gbearoghe emwa na vbe ne a na ta ẹmwata kevbe ne a na rẹn emwi ne ọ maa hin ne ẹ i maa rre. A deghẹ ẹ i re erriọ, vbe I a gha ya gbearoghe okpe emwa ruẹn na hẹ?”

Asan-Ibo 10:11

A rẹn vbene a ya ta ẹyẹn ohun hẹ ighi mwẹ esa, a deghẹ u gie ẹyẹn nii ka ho ruẹ ẹmwẹ nẹ.

Asan-Ibo 10:15

Ọmwa ne ọ kọn sẹrriọ wẹ ọ ma rẹn odẹ ne a la yo owa, ọ re ọ ye iwinna gbe egbe ẹre ua.

Asan-Ibo 10:9

U gha winna vbe uvun ne a na guọghọ okuta, okuta gha kuan ruẹn egbe. U gha sọ erhan, u ghi vbe miẹn ikuanegbe vbe ehe ne u na ru ẹe.

Asan-Ibo 2:13

Ẹta a, I rẹnrẹn wẹẹ, “Ẹwaẹn ọ re ọ maa sẹẹ ukọnmwẹ, zẹ vbene uwanmwẹ maa sẹẹ ebiebi.

Asan-Ibo 9:18

Ẹwaẹn ọ re ọ dunna na sẹ umozo, sokpan, ọmworukhọ gha sẹtin mu emwi esiesi ọrhẹnrhẹn rhia.

Matiu 10:16

“Wa danmwehọ! Te I gie uwa ladian zẹ vbe ohuan la uwu oghẹn oduma. Wa ghi gha begbe vbe ẹyẹn, wa ghi vbe fu vbe idu.

Ebe ne Pọl gbẹẹn gie emwa Rom 16:19

Agbọn hia họn ẹn vbene uwa rhie egbe ye ẹmwẹ iyẹn ne ọ maa hẹ, rhunmwuda ọna, ọyẹnmwẹ uwa keghi sẹ mwẹ. I ho ne uwa gha re ni wan vbe uwu emwi ni maa sokpan ne ọ ma rẹn ne a ye vbe emwi dan.

I Kọrinti 14:20

Wa ghẹ gha yevbe ibiẹka vbe emwi ne uwa ro etẹn mwẹ, wa gha re ibiẹka vbe emwi dan ne a ru sokpan eniwanrẹn vbe iro ne a roro.

Diuteronomi 32:41

wẹ I gha lọ agbada mwẹ ne wainwain, I ghi miẹn wẹ a ru emwi ye vbene ọ kere. I gha rria avbe eghian mwẹ ikhi, I ghi rri iran ni khuiwu mwẹ oya.

Kọlose 4:5

Wa gha ye ẹwaẹn ru emwi vbe uyinmwẹ ne uwa yin ghe iran ne ima yayi, ne uwa gha lo ẹkpotọ ne uwa a rhirhi miẹn ẹse.

Jems 1:5

Sokpan deghẹ a miẹn ne ẹ i mwẹ ẹwaẹn vbe uwu uwa, wẹ ne ọ na erhunmwu ghe Osanobua, ne ọ gha rhie ẹre nẹẹn, rhunmwuda, ọwọrhọwọrhọ ọre Osanobua viọ emwi ne emwa hia.