Asan-Ibo 1:9 - Edo Bible (E Baibol Ẹdo) Version 1996

⁹ Emwi ne ọ sunu ẹghẹ ne ọ gberra, ọ re ọ ye sunu na, emwi ọgbọn okpa i rre agbọn na.

Asan-Ibo 1:9 ပူးပေါင်းရင်းမြစ်များ

Asan-Ibo 1:10

Iran ghi gha kha wẹẹ, “Wa do ghe emwi ọgbọn ọkpa!” Ohoghe nọ, ọ ka sunu de yi, ẹghẹ ne ọ kpee fua ẹsẹse a ke do biẹlẹ ima.

Asan-Ibo 2:12

U gha do ghe ẹre, emwi ne avbe ọba nikaro ru, ọ re ọbakọba gha vbe ru. Ọ re I na ghi do suẹn gha roro emwi ne a yae kha vbe a gha kha wẹ ọmwa wan ra ọ rruarrua ra ọ kọẹn.

Asan-Ibo 3:15

Emwi ne ọ sunu nian ra ne ọ gha sẹtin sunu, ka vbe sunu de yi. Te Osanobua ru ẹe ne emwi okpa gha dọlegbe sunu yan egbe yan egbe.

Asan-Ibo 6:10

Emwi hia ni sunu, ọ kpẹre ne a ghi mwamwa ẹn yotọ, ma tobọ mwa rẹnrẹn wẹ ọmwa i sẹtin gu ọmwa ne ọ wegbe sẹ ọre muan ẹmwẹ.

Asan-Ibo 7:10

Ghẹ gha nọ wẹẹ, “A a, vbọzẹ ne emwi hia na wa maa sẹẹ ẹghẹ nẹdẹ yi?” Ẹwaẹn i zẹdẹ rre inọta nii.

Aizaia 43:19

Wa rhie aro yotọ gha khẹ emwi ọgbọn ne I khian ru, ọ wa sunu nẹ wa gha sẹtin bẹghe ẹre nian! I gha zẹ odẹ la adesẹ ẹgbo, I ghi vbe viọ ẹzẹ ne ọ lẹ ne uwa vbe evba.

Jerimaia 31:22

Inu ẹghẹ wa gha biro eveva la, wa ne emwa ne ẹ i mwẹ iyayi? I yii emwi ọgbọn kevbe ne ọ lughaẹn nẹ ọ wa lughaẹn sẹẹ okhuo ne ọ degue okpia.”

II Pita 2:1

Vbe ẹghẹ ne ọ gberra, a miẹn avbe emamwaemwi ohoghe ni bun vbe uwu ẹbu iran, erriọ wa vbe nọ, a gha vbe miẹn avbe emamwaemwi ohoghe vbe uwu uwa. Iran gha ma emwa iruẹmwi omurhia kevbe ohoghe, iran ghi vbe siẹn Arowa iran ne ọ miẹn iran fan, iran ghi la ekpa ọnii si ọfuan udomwurri mu rhu egbe iran uhunmwu.

Arhie Maan 21:1

Iyeke ọnii, I keghi bẹghe ẹrinmwi ọgbọn kevbe agbọn ọgbọn, a kaghi ho ẹrinmwi ne okaro kevbe agbọn ne okaro bẹkun, a keghi vbe ho okun bẹkun.

Arhie Maan 21:5

Ọmwa ne ọ tota ye ẹkete keghi kha wẹẹ, “Wanwanna nian, I ya emwi hia khian ọgbọn.” Ọ keghi vbe tama mwẹ wẹẹ, “Gbẹnnẹ emwi na ye otọ rhunmwuda ẹmwata ọre avbe emwi na khin, a sẹtin yae yi ẹro.”