Asan-Ibo 1:8 - Edo Bible (E Baibol Ẹdo) Version 1996

⁸ Te emwi hia wa ya egbe wọ ọmwa, egbe wọmwẹ ne ẹ i gia gie. Ẹko emwi ne a bẹghe i vuọn aro, ra ne ehọ kha ighe ne irẹn he họn sẹe.

Asan-Ibo 1:8 ပူးပေါင်းရင်းမြစ်များ

Psalm 63:5

Orhiọn mwẹ gha rri evbare ẹko ghi vbe vuọẹn I gha so ihuan urhomwẹ oghọghọ ghe ruẹ.

Itan 27:20

Emwi ne ekhọe ọmwa ne agbọn ho, te ọ yevbe ehe ne avbe orinmwi dia, a i miẹn ẹghẹ ne a ya kha ighe otọe i ghi gua.

Asan-Ibo 1:7

Okun ọ re ẹzẹ hia lẹ yo, sokpan nene okun nii, ẹ i vuọn. Te amẹ nii werriegbe gha rrie ehe ne ẹzẹ nii na suẹn, ọ ghi vbe dọlegbe suẹn okhian.

Asan-Ibo 2:11

I keghi roro emwi ne I he ya obọ ru hia kevbe vbene I wa mu aro yọ hẹ vbe I winna ẹẹn, I keghi miẹn wẹ ọ ma zẹdẹ sẹ emwirhọkpa, te ọ ye vbe ne a khu ẹhoho khian, ẹ i zẹdẹ mwẹ esa hiehiere.

Asan-Ibo 2:26

Osanobua ọ re ọ rhie ẹwaẹn, irẹnmwi kevbe ọyẹnmwẹ ne emwa ne ọ ru ne ọ yẹ ọre, sokpan, ọ ghi ya emwa orukhọ gha winna, iran ghi miẹn igho, iran ghi ya ẹe gbakhua hinrre, ne a miẹn ehe na viọ okhuan ne iran khuaẹn ne emwa ni ru ne ọ yẹ ọ re. Ena hia i maa, te ọ yevbe ne a khu ẹhoho khian.

Asan-Ibo 4:8

Wa ghe ọmwa na ne irẹn okpa vbe ẹhi ẹre rre owa. Ẹ i mwẹ ọmọ, ẹ i mwẹ etẹn, sokpan, ẹsọn ọ re ọ miẹn vbe ẹghẹ hia, ẹfe ne ọ mwẹ i ye vuọn ẹre aro. De ọmwa ne ọ ghi miẹn ẹsọn na na yi ne ẹ i na hẹwẹ gbe amẹ sa wọn? Ọna i zẹdẹ ma hiehie, agbọn usẹ ọ re nọ.

Asan-Ibo 6:7

Ọmwa ghi winna iwinna rẹn ne ọ sẹtin miẹn evbare unu re, sokpan ẹ i mwẹ ọnrẹn sẹ ọkẹn.

Hagai 1:9

“Emwiorhọ ọrhẹnrhẹn ọ re uwa te rhie aro yi, sokpan, a keghi do miẹn wẹ ekherhe ọ re nọ. Wa ghi vbe viọ nene emwiorhọ sẹ owa nẹ, I keghi ya ẹhoho kpolo ẹe kua. Vbọzẹ ne I na ru ẹe vberriọ? Rhunmwuda, edọmwadẹ ọghe ọe gha khọn bọlọ owa iran, vbe Ọgua Osa mwẹ ye re itowa.

Matiu 11:28

“Wa bu mwẹ gha dee, wa hia ne ihẹ nọkhua ne ọ mu wọ ẹre egbe, I gha rhie ikẹtin ne uwa.

Matiu 5:6

Ọ maa ne iran ni rhiegba ye ẹmwẹ ne a ru nọ yẹ Osa, Osanobua gha gie ẹko vuọn iran fẹfẹfẹ!