Asan-Ibo 1:6 - Edo Bible (E Baibol Ẹdo) Version 1996

⁶ Ẹhoho gha hoho ghe ekẹn, ọ ghi hoho ghe okuọ, ọ gha ghi lẹga yo lẹga rre, ọ ghi dọlegbe gha dee.

Asan-Ibo 1:6 ပူးပေါင်းရင်းမြစ်များ

Job 37:17

Ẹn o, sokpan obọ owowo ẹre ma gha daa, vbe ẹhoho odẹ ekẹn a gha sẹ otọ nii usẹ.

Job 37:9

okpẹhoho nekhua ke odẹ ekẹn rre, ọnii ne ọ zeze ọmwa keghi ke odẹ okuọ rre.

Psalm 107:25

Ọ guan rẹn, okpẹhoho keghi suẹn gha hoho, ọ keghi gua ubimwẹ amẹ ghe ukhunmwu.

Psalm 107:29

Ọ dọ okpẹhoho ne ọ hoho ni yọ, ulẹmwẹ ẹzẹ keghi hunmwan zẹẹ.

Asan-Ibo 1:7

Okun ọ re ẹzẹ hia lẹ yo, sokpan nene okun nii, ẹ i vuọn. Te amẹ nii werriegbe gha rrie ehe ne ẹzẹ nii na suẹn, ọ ghi vbe dọlegbe suẹn okhian.

Asan-Ibo 11:5

Osanobua ọ re ọ yi emwi hia, wẹ i khian sẹtin rẹn otọ emwi ne ọ ru, gberra vbe ne u rẹn otọ ẹre sẹ ighe vbe ne ọmọ ọgbọn ya suẹn hẹ vbe ẹko okhuohanmwẹ.

Jona 1:4

Sokpan, e Nọyaẹnmwa keghi gie okpẹhoho la okun, ẹhoho nii wegbe sẹrriọ wẹ te okọ ghi ra yannọ kua.

Matiu 7:24

“Rhunmwuda ọnii, ọmwaikọmwa ne ọ họn ẹmwẹ mwẹ na, ọ na vbe yae gha yin, I gha yae gie umẹwaẹn ọkpa ne ọ bọ owa yan okuta.

Matiu 7:27

Okpamẹ keghi daa, ẹzẹ hia keghi ro dinna oke, ẹhoho keghi dekun owa ni, ọ keghi de, ọ na rẹnkhuan.”

Iyẹn ne ọ Maan Ọghe Jọn 3:8

Ẹhoho hoho ghe ehe ne ọ rhirhi khọn rẹn, wẹ họn ogbigbi ẹre, sokpan u ma rẹn ehe ne ọ ke dee ra ehe ne ọ rrrie. Erriọ zẹẹ ọre ọ ye ne ọmwaikọmwa ne a biẹe vbe kpa ọghe Orhiọn.”