Asan-Ibo 1:14 - Edo Bible (E Baibol Ẹdo) Version 1996

¹⁴ Aro mwẹ sẹ emwi hia ne a ru vbe agbọn na nẹ, ne I wa tama ruẹn nian wẹ erhọkpa i mwẹ esa. Te ọ yevbe ne a khu ẹhoho khin.

Asan-Ibo 1:14 ပူးပေါင်းရင်းမြစ်များ

Asan-Ibo 12:8

Ẹ i mwẹ esa, ẹ i mwẹ esa, erriọ ọ re Asan-ibo khare. Erhọkpa i zẹdẹ mwẹ esa.

Asan-Ibo 2:11

I keghi roro emwi ne I he ya obọ ru hia kevbe vbene I wa mu aro yọ hẹ vbe I winna ẹẹn, I keghi miẹn wẹ ọ ma zẹdẹ sẹ emwirhọkpa, te ọ ye vbe ne a khu ẹhoho khian, ẹ i zẹdẹ mwẹ esa hiehiere.

Asan-Ibo 2:17

I keghi miẹn wẹ agbọn na ma zẹdẹ mwẹ esa ne ọ ye mẹ rhunmwuda, orueghe ọ re emwi hia ni rrọọ hẹ gun mwẹ, te ehia wa khuola; te I wa gha khu ẹhoho khian.

Asan-Ibo 2:26

Osanobua ọ re ọ rhie ẹwaẹn, irẹnmwi kevbe ọyẹnmwẹ ne emwa ne ọ ru ne ọ yẹ ọre, sokpan, ọ ghi ya emwa orukhọ gha winna, iran ghi miẹn igho, iran ghi ya ẹe gbakhua hinrre, ne a miẹn ehe na viọ okhuan ne iran khuaẹn ne emwa ni ru ne ọ yẹ ọ re. Ena hia i maa, te ọ yevbe ne a khu ẹhoho khian.

Asan-Ibo 3:19

Agbọn hia rẹnrẹn ighe emwi okpa ọ re ọ ra rruan ọmwa kevbe aranmwẹ. Vbene okpa wu ọ re nọkpa vbe wu. Emwi ne a yi okpa ọ re iran eveva khin. Ọmwa nagbọn ma maa sẹ aranmwẹ rhunmwuda, agbọn na i mwẹ esa ne ọ ye ne erhọkpa.

Asan-Ibo 4:16

Ugbẹnso a i sẹtin ka inu emwa ne ọba khaemwisẹ yan, ọ gha wu nẹ, a i ghi miẹn ne ọ kpọnmwẹ ye ẹse ne ọ ru. Ọna i zẹdẹ maa. Te ọ yevbe ne a khu ẹhoho khian.

Asan-Ibo 4:4

I vbe rẹn emwi ne ọ si ẹe nẹ, ne emwa na miẹn ẹsọn sẹrriọ vbe agbọn na, ne ọ miẹn ehe na dunna ne iran: emwi ne ọ siẹe ọrọre wẹ emwi ne ogieva iran mwẹ viẹn ye iran aro, sokpan, ọna i vbe mwẹ esa, te ọ yevbe ne a khu ẹhoho khian.

Asan-Ibo 4:6

Ughaghe ẹmwata onii gele khin, sokpan ne a gha mwẹ ekherhe vbene otọe uhunmwu na fu ọmwa rre, ọ re ọ maa sẹẹ ne a ya obọ eveva gha winna khu ẹhoho khin.

Asan-Ibo 6:9

Ọna i vbe maa, te ọ yevbe ne a khu ẹhoho khian. Ọ kere ne emwi ne ọmwa mwẹ sẹ ọre ọkẹn, sẹ ne ọ gha rhie aro ye ọvbehe vbe ẹghẹ hia.

Asan-Ibo 8:16

Ẹghẹikẹghẹ ne I ya ho ne I gha wan, kevbe ne I vbe rẹn emwi ne ọ khian vbe agbọn na, I ghi miẹn wẹ ọmwa sẹtin rhan aro ua ye ukpo kevbe asọn kevbe avan.