Asan-Ibo 1:13 - Edo Bible (E Baibol Ẹdo) Version 1996

¹³ I keghi wa yan tae, I keghi vbe mu aro yọ wẹ, I gha gualotọ emwi hia ne a ru vbe agbọn na. Agbọn usẹ ọ re Osanobua mwamwa ne ima.

Asan-Ibo 1:13 ပူးပေါင်းရင်းမြစ်များ

Gẹnẹsis 3:19

Te ọfọ gha fọọ ne u ya miẹn ẹsọn ne otọ miẹn ehe na mọ ọmọ ladian, u te dọlegbe ghe ekẹn ne a ya ma an, ekẹn nii u gha vbe dọlegbe khian.”

Job 28:3

Emwa ye gualotọ ehe ne ọ dinmwi vbe uwu otọ. Iran ghi gualotọ ehe ne ọ dinmwi vbe uwu otọ. Iran ghi gha tọnnọ gualọ okuta nekhua khian vbe ebiebi.

Psalm 111:2

U miẹn vbe emwi ne Nọyaẹnmwa ru hia, yan ọmwa unu an hẹ! Emwa hia ne avbe emwi na yẹ ghi gha ho ne iran rẹn otọe iran.

Itan 18:1

Emwa ne ẹ i gu emwa ọvbehe ro, enegbe iran okpa ọ re iran rẹnrẹn; emwa hia gha rhe rẹn wẹ emwi ne ọ gbae nene emwi khin, iran ghi wẹ, ẹn o.

Itan 18:15

Ọ rre ekhọe avbe umẹwaẹn, iran vbe mu egbe ne iran ruẹ emwi vbe ẹghẹ hia.

Itan 23:26

Kakabọ gbe aro kotọ, ovbi mwẹ, ne u gie uyinmwẹ mwẹ gha re igiemwi nuẹn.

Itan 25:2

Emwi ne Osanobua viọ lẹre ọ re ọ ya ima yi ọghọ nẹẹn, emwi ne avbe ọba rhan otọ ẹre, ọ re ọ ya ima rhie ọghọ ne iran.

Itan 4:7

Ne a gha mwẹ ẹwaẹn ọrọre emwi kpataki ne ọ sẹre ne u gha ru, emwi ọvbehe hia ne ọ khọn ruẹn ne u gha mwẹ, vbe gha mwẹ a sẹtin ghe umian emwi ba ẹre.

Asan-Ibo 1:17

I keghi vbe kha wẹ, I gha ruẹ alughaẹn ne egbe ne ọ rre irẹnmwi kevbe ukọnmwẹ, aro ne ọ hianrẹn kevbe emwẹmwẹ. Sokpan, I keghi miẹn wẹ te ọ yevbe ne ọmwa khu ẹhoho khian.

Asan-Ibo 11:5

Osanobua ọ re ọ yi emwi hia, wẹ i khian sẹtin rẹn otọ emwi ne ọ ru, gberra vbe ne u rẹn otọ ẹre sẹ ighe vbe ne ọmọ ọgbọn ya suẹn hẹ vbe ẹko okhuohanmwẹ.

Asan-Ibo 12:12

Ovbi mwẹ, emwi ọvbehe ye rrọ ne ọ kere ne u rhie aro yotọ vbe ekpa ẹre. Ebe ne a gbẹnnẹ i mwẹ ọkhioha, a gha vbe ruẹ emwi gbe, te ọ ye egbe wọ ọmwa.

Asan-Ibo 2:23

Vbe ẹghẹ ne ọmwa ya rre agbọn na, ẹsọn ne ọmwa miẹn, ohawa kevbe ọkpeudu ọ re ọ miẹn vbọ. Asọn gha vbe rre, ekhọe ẹre i vbe sotọ. Ọna i zẹdẹ maa.

Asan-Ibo 2:26

Osanobua ọ re ọ rhie ẹwaẹn, irẹnmwi kevbe ọyẹnmwẹ ne emwa ne ọ ru ne ọ yẹ ọre, sokpan, ọ ghi ya emwa orukhọ gha winna, iran ghi miẹn igho, iran ghi ya ẹe gbakhua hinrre, ne a miẹn ehe na viọ okhuan ne iran khuaẹn ne emwa ni ru ne ọ yẹ ọ re. Ena hia i maa, te ọ yevbe ne a khu ẹhoho khian.

Asan-Ibo 3:10

I rẹn ihẹ ẹrẹkhẹrẹ ne Osanobua kun ne ọmwa.

Asan-Ibo 3:11

Rẹn mwamwa ẹghẹ ne emwi hia kei yi ye otọ nẹ. Ọ vbe rhie ne ima ne a gha ho ne a rẹn vbene ẹdẹ nakhuẹ ra gha ye hẹ, sokpan, ọ ma gie ẹko ẹre vuọn ima wẹ ma rẹn otọ emwi ne ọ ru ẹsẹse.

Asan-Ibo 4:4

I vbe rẹn emwi ne ọ si ẹe nẹ, ne emwa na miẹn ẹsọn sẹrriọ vbe agbọn na, ne ọ miẹn ehe na dunna ne iran: emwi ne ọ siẹe ọrọre wẹ emwi ne ogieva iran mwẹ viẹn ye iran aro, sokpan, ọna i vbe mwẹ esa, te ọ yevbe ne a khu ẹhoho khian.

Asan-Ibo 4:8

Wa ghe ọmwa na ne irẹn okpa vbe ẹhi ẹre rre owa. Ẹ i mwẹ ọmọ, ẹ i mwẹ etẹn, sokpan, ẹsọn ọ re ọ miẹn vbe ẹghẹ hia, ẹfe ne ọ mwẹ i ye vuọn ẹre aro. De ọmwa ne ọ ghi miẹn ẹsọn na na yi ne ẹ i na hẹwẹ gbe amẹ sa wọn? Ọna i zẹdẹ ma hiehie, agbọn usẹ ọ re nọ.

Asan-Ibo 7:25

Sokpan, mẹ keghi wa mu aro ye ẹmwẹ irẹnmwi kevbe emwi ne a ruẹ, I keghi wẹ te I gha gualọ ẹwaẹn miẹn, ne I vbe rhie ewanniẹn ye avbe ọta ne I nọ hia; kevbe ne I rẹn vbene ezurọ re emwi ukọnmwẹ kevbe emwi dan hẹ.

Asan-Ibo 8:9

Ẹghẹ ne I na gha roro ẹmwẹ emwi ne a ru vbe agbọn na, ọ re I na miẹn emwi na hia; agbọn na ne emwa eso na wa mwẹ ẹtin, emwa ọvbehe ghi gha sẹ usẹ lele iran.

I Timoti 4:15

Gha ya avbe emwi na rue emwi, ne u vbe zẹ egbe ruẹ obọ ne iran, ne alaghodaro ruẹ miẹn ehe na gha re ne aro emwa hia sẹẹ.