Aizaia 9:9 - Edo Bible (E Baibol Ẹdo) Version 1996

⁹ Avbe ivbi Izrẹl hia, avbe emwa hia ni rre ore ẹvbo e Sameria, gha rẹn wẹ ọ ru ọna nẹ. Banbanna nian, iran hia wa tọn egbe mu. Iran khare wẹẹ,

Aizaia 9:9 ပူးပေါင်းရင်းမြစ်များ

I Ọba 22:25

E Makaia keghi tama rẹn wẹẹ, “U gha rẹn vbene ọ ya sunu hẹ vbe u a lẹ la ughugha ne ọ rre iyeke owa ya lẹre.”

Itan 16:18

Te uhiomwẹ khian rrie odẹ ọfuan, itengbemu ọ re ọ vbe si udemwẹ.

Aizaia 26:11

Avbe eghian ruẹn ma rẹn, ighe u gha rri iran oya Nọyaẹnmwa, ye ekhue mu iran, ne u gie iran rri oya. Gie iran rri oya ne u mwamwa yotọ khẹ iran rhie ma iran vbene u kakabọ ho ẹmwẹ emwa ruẹn hẹ.

Aizaia 28:1

Arriọba Izrẹl khian rhie nẹ! O Uyi ẹre hia fafaa zẹvbe ẹde obobo vbe uhunmwu avbe ọkaolotu ẹre ni da ayọn gbe egbe. A te wa ya ori ne ọ winhin wo iran uhunmwu, sokpan, ya ghe vbe ehia lovbiẹ lele otọ, ayọn gbele iran kua.

Aizaia 28:3

Uhiomwẹ avbe ọkaolotu ni ne ayọn gbe, a gha ya owẹ rri ẹe ginna otọ.

Aizaia 46:12

“Wa danmwehọ mwẹ, wa ni ze vbe ẹkoko udu ni ro wẹ akhọnmiotọ wa rrei ẹsẹse.

Aizaia 48:4

I rẹnrẹn ighẹ wa gha rhie ma ighẹ wa zevbudu wa na ye gbain vbe ematọn, kevbe ne ẹ i vbe vbokho zẹ vbe ẹgere.

Aizaia 7:2

Ọba e Juda ghi họn wẹ okuo e Siria sẹẹ otọe e Juda nẹ, ohan mu irẹn kevbe emwa rẹn sẹrriọ wẹ iran ke gha mian gbẹghẹgbẹghẹ zẹ vbe avbe erhan ne ẹhoho hoho.

Aizaia 9:8

E Nọyaẹnmwa buu ohiẹn otọe arriọba Izrẹl nẹ, ohiẹn ivbi uniẹn e Jekọb.

Jerimaia 32:24

“Avbe ivbi e Babilọn tọn uvun igbinna lẹga ore ẹvbo nii nẹ, ne iran khọn mu ẹẹn, iran suẹn igbinna nẹ. Okuo, ohanmwẹ kevbe emianmwẹ, gha gie ẹvbo ni de yi iran obọ, u gha miẹn wẹ emwi ne u tae hia sunu nẹ.

Ezikiẹl 30:19

I gha rri Igipt oya nẹ vbenian, iran gha rẹn ighe mẹ ọrọre Nọyaẹnmwa.”

Ezikiẹl 33:33

Sokpan, avbe ẹmwẹ ne u ta gha do sunu nẹ, ẹ i mwẹ iran ma sẹ o, iran gha rẹn wẹ akhasẹ ọ re ọ gha gu iran rre ẹvbo.”

Ezikiẹl 7:27

Ọba gha khiẹ, ovbi ọba gha rhie aro hin rre, emwa ghi gha guọ ba ẹmwẹ ohan. I gha rria uwa ikhi ye emwi ne uwa ru hia, I ghi vbe bu ohiẹn uwa zẹ vbene uwa vbe ya bu ohiẹn ẹrrẹe. Ọna gha rhiema ighe mẹ ọrọre Nọyaẹnmwa.”

Ezikiẹl 7:9

Mẹ i ra sẹ uwa rae, ra ne I tohan uwa. I ra rria uwa ikhi ye uyinmwẹ ne ọ hu ẹko ne uwa yinrin, nu uwa miẹn ehe na rẹn wẹ mẹ ọrọre Nọyaẹnmwa kevbe wẹ, mẹ ọ re ọ rri uwa oya.”

Hozia 8:14

“Avbe ivbi Izrẹl bọlọ ẹguae nibun, sokpan iran mianmian Ayi ne ọ yi iran. Ivbi e Juda bu ẹvbo nibun ne a gbe odin gaa, sokpan, I gha gie erhẹn ne ọ gha ya giẹn ẹguae iran kevbe ẹvbo iran an.”

Malakai 1:4

Adeghẹ emwa Idọm ne ivbi uniẹn Isọ ghi vbe kha wẹẹ, “A guọghọ ima ẹvbo rua, sokpan, ma gha dọlegbe họlọ iran,” ẹghẹ nii, e Nọyaẹnmwa ghi vbe wanniẹn wẹẹ, “Gie iran dọlọ ẹe bọ, I gha dọlegbe dunmwu ẹẹn sẹ otọ. Emwa ghi gha tie iran ‘Ẹvbo dan’ kevbe ‘Uhunmwu ẹvbo ne ohu ẹre mu e Nọyaẹnmwa ẹdẹdẹmwẹdẹ.’ ”

Malakai 3:13

E Nọyaẹnmwa khare wẹẹ, “Ẹ i re avbiẹ ẹmwẹ dan wa he talọ vbe ekpa mwẹ. Sokpan, wa keghi vbe nọ wẹẹ, ‘De ẹmwẹ ne ima tae vbe ekpa ruẹ?’

Malakai 4:1

E Nọyaẹnmwa ne Oghodua khare wẹẹ, “Ẹdẹ dee ne emwa ni tọn egbe mu kevbe avbe emwa dan gha giuan zẹ vbe ebe ne ọ kakae. Vbe ẹdẹ ne ẹdẹrriọ, iran gha giẹn uan, ẹ i vbe kẹe vbọ. Sokpan, zẹ vbe ọghe uwa ni họn ẹmwẹ mwẹ na, ẹtin imiẹnfan mwẹ gha hin yan uwa zẹ vbe owẹn, ọ ghi vbe rhie egbe rranmwẹ rre zẹ vbe asan ovẹn.

I Pita 5:5

Erriọ vbe nọ zẹẹ, wa ne igbama, wa gha gbe uhunmwu ke otọ ne avbe eniwanrẹn. Wa hia fẹẹrẹ ghi rhie ukugba imuegberriotọ gba, ne uwa ya gha ru ne egbe rhunmwuda ebe khare wẹẹ, “Osanobua mu aro igbinna da e nọ tọn egbe mu, sokpan ọ ghi gha rhie ẹsọhẹ ne ne ọ mu egbe rri otọ.”