Aizaia 9:19 - Edo Bible (E Baibol Ẹdo) Version 1996

¹⁹ Rhunmwuda ne ohu na mu e Nọyaẹnmwa ne Oghodua, ikhi ne ọ rria emwa re gha to vbe erhẹn vbe otọe nii hia, ọ kevbe gha fuẹn emwi nii hia a, ọ keghi do khian ne dọmwadẹ ọghọe ghi na sinmwi uhunmwu ẹnrẹn.

Aizaia 9:19 ပူးပေါင်းရင်းမြစ်များ

Aizaia 1:31

Zẹ vbene ogiọnmwẹ erhẹn kherhe sẹtin mu erhẹn ye irunmwu ne ọ kae, erriọ emwa dan ne emwa ẹtin ra ya fuẹn iran an, ọmwa ne ọ gha sẹtin dobọ ọfuan nii yi ẹ i rrọọ.

Aizaia 10:6

Mẹ gie Asiria ne ọ do khọn ẹvbo dan ne ọ ya ohu mu mwẹ. I gie iran ne iran ya fu emwi viọ, ne iran ya rha, kevbe ne iran ya owẹ rrilo emwa mu otọ zẹ vbe iruẹn vbe adesẹ ore.”

Aizaia 13:13

I gha ya ẹrinmwi gha guẹ zẹzẹzẹ, a gha vbe rueghe agbọn, a ghi sua ẹre hin ihe ẹre rre vbe ẹdẹ nẹdẹrriọ, ẹdẹ ne imẹ ne e Nọyan ne Oghodua gha rhie izohu mwẹ ma.

Aizaia 13:18

Iran gha ya uhanbọ kevbe ifẹnmwẹ gbele avbe igbama, iran i ra vbe tohan avbe emobọ ra ibiẹka.

Aizaia 13:9

Ẹdẹ e Nọyaẹnmwa dee, ẹdẹ ọkhọ nii ọghe ohu kevbe okuosu ẹre nọkhua. Otọe agbọn gha khian ato, a ghi fuẹn avbe emwa orukhọ hia a.

Aizaia 24:6

Rhunmwuda ọnii, Osanobua fi agbọn unu nẹ. Emwi ne emwa iran ru, ọ re iran ha osa ẹre na. Te iran ni ghi dekẹe ghi kanmwa yọ kanmwa yọ.

Aizaia 26:11

Avbe eghian ruẹn ma rẹn, ighe u gha rri iran oya Nọyaẹnmwa, ye ekhue mu iran, ne u gie iran rri oya. Gie iran rri oya ne u mwamwa yotọ khẹ iran rhie ma iran vbene u kakabọ ho ẹmwẹ emwa ruẹn hẹ.

Aizaia 3:5

Edọmwadẹ ọghọe ghi gha gbe ogieva ẹre rhu. Avbe igbama i ra ghi gha ya ọghọ ne eniwanrẹn, deba re avbe ivbivbi emwa nii i ghi ra gha yọghọ ne emwa ni sẹẹ iran.

Aizaia 33:14

Emwa orukhọ ni rre Zaiọn gha guọ zẹzẹzẹ vbe iran runraẹn. Iran wẹẹ, “Ohu Osanobua, te ọ ye vbe erhẹn ne ọ giẹn ẹdẹdẹmwẹdẹ. A gha miẹn ọkpa vbe uwu ima ne ọ gha miẹn uhunmwu vbe egbe erhẹn vberriọ?”

Aizaia 4:4

E Nọyaẹnmwa gha ya ẹtin ẹnrẹn bu ohiẹn, ọ ghi vbe kpe ẹe huan hin rre ighe orukhọ uhunmwu ẹvbo na, kevbe esagiẹn ne a gbe yotọ vbọ.

Aizaia 42:25

Rhunmwuda ọnii, ọ keghi gie obọ ohu ẹre vba mwa, ma keghi miẹn obalọ okuo vbe egbe ohu ẹre giẹn la otọ Izrẹl zẹvbe erhẹn sokpan ma ma rẹn emwi ne ọ gha sunu. Ma ma sẹtin miẹn emwi ruẹ vbọ hiehiere.

Aizaia 5:24

Rhunmwuda ọnii nian, vbene irunmwu kevbe ebe ne ọ kakae kinkin rre, ọ ghi vbe giẹn uan vbe erhẹn, erriọ ọ re inian uwa gha kẹkẹ ua, ebe uwa ghi vbe kaka a, ọ ghi hoho kua, rhunmwuda, wa he emwi ne Nọyaẹnmwa ne Oghodua, Osanobua nọhuanrẹn ọghe Izrẹl ma ima ẹre yotọ.

Aizaia 5:30

Ọ gha sẹ ẹdẹ nẹdẹrriọ, iran gha da van yan Izrẹl zẹ vbe uvanmwẹ okun. Wa ghe ọna ighe ẹvbo! Ebiebi kevbe akhiẹ. Ebiebi gbe uwanmwẹ ne ọ rrọọ re.

Aizaia 60:2

Avbe uhunmwu ẹvbo nekpa, ebiebi gha gue iran muotọ sokpan, uwanmwẹ e Nọyaẹnmwa gha wan mu uwẹ. Uwanmwẹ ọghe rhunmwuda ighẹ rẹn rre evba, gha guẹ gha rrọọ.

Aizaia 8:22

ra iran ghi gha ghe otọe sokpan, iran i ra bẹghe emwi ọvbehe gberra ọlọghọmwa kevbe ebiebi, ebiebi ne ọ gbe orrirri ne iran ra khulo iran lao. Odẹ ne iran gha la miẹn uhunmwu vbe egbe ọlọghọmwa na, ẹ i rrọ.

Jerimaia 13:16

Wa gha ya ọghọ ne Nọyaẹnmwa ne Osanobua uwa, ne ọ ghẹ ya gie ebi ro uwa, wa ghi ya rrua owẹ vbe avbe oke nekhua. Ne ọ ghẹ ya fi uwanmwẹ ne uwa rhie aro yi werriẹ khian ebiebi ne ọ so kankan ankan.

Ezikiẹl 20:47

Tama avbe ẹgbo ekẹn wẹ ne iran danmwehọ ẹmwẹ ne Nọyaẹnmwa ne Oghodua tama iran wẹ: Ghe! Iran hie erhẹn, ọ gha gien erhan hia ni rre uwu uwẹ, ke ne ọ re ọghe ọgbọn kevbe ne ọ wu nẹ. Emwi ne ọ gha sẹtin dọ ẹre yọ, ẹ i rrọọ. Ọ gha gien ke odẹ ekẹn ya sẹ odẹ okuọ. Emwa hia gha họn ẹmwẹ owowo erhẹn nii vbe egbe.

Ezikiẹl 9:5

I keghi vbe họn Osanobua tama avbe ikpia nekpa wẹẹ, “Wa lelẹe la ore ẹvbo ne uwa ya gbele emwa an. Wa ghẹ sẹ ọmwa rhọkpa rae, wa ghẹ tohan ọmwaikọmwa.

Joẹl 2:2

Ẹdẹ akhiẹ ne ọ so ebiebi ra gha nọ, ẹdẹ nekhui ne ọ vuọn ne okuku. Oghẹn irhiso nọkhua ye egbe dee, zẹ vbe ne ebiebi hẹko so yan uhunmwu oke. A ma he miẹn emwi ne ọ khọ ẹe ẹdẹ, a i ra vbe dọlegbe miẹn emwi ne ọ khọ ẹe ọvbehe.

Joẹl 2:3

Iran rri irunmwu uan zẹ vbe erhẹn, Vbe odaro iran, ugbo yevbe Ogba Idẹni sokpan, iran gha la ẹe gberra nẹ, ọ ghi yevbe ato ne emwi rhọkpa i ye. Emwiọkpa ne ọ lẹ iran fe i rrọọ.

Levitikọs 26:26

I gha gbe odẹ ehe ne a la viọ evbare gie uwa sẹrriọ wẹ aroewu ọkpa gha sẹ ikhuo igbe na le ebrẹd hia ne iran mwẹ, iran ghi ghae ẹre umwọmwẹ, wa gha ghi rri ọe fo nẹ, ohanmwẹ ghi ye gha gbe uwa.

Emọs 5:18

U miẹn vbe ọ gha ba so uwa hẹ wa ni rhie aro ye odẹ gha khẹ ẹdẹ e Nọyaẹnmwa. De emwi ne uwa ro ighe wa gha miẹn vbọ yi? Ẹdẹ ne ọ so ebiebi khian gha nọ ne uwa, ighe ẹ i re ẹdẹ uwanmwẹ.

Obedaia 1:18

Ivbi e Jekọb kevbe Josẹf gha ye vbe erhẹn, iran gha fuẹn ivbi Isọ ua. Vbene erhẹn giẹn ebe ne ọ kakae, ọkpa ne ọ gha miẹn uhunmwu i rre ivbi Isọ. Mẹ ne Nọyaẹnmwa ọ re ọ taa ẹe.

Maika 7:2

Ọmwa ẹmwata ọkpa ma ghi ke ẹe vbe otọe nii, ne ọ ye ekhọe ga Osanobua i ghi rrọ. Dọmwadẹ ọghe ọe wa gualọ ehe ne ọ gha na de izigha. Dọmwadẹ ọghe ọe wa ru ohuẹ ovbi ẹvbo ẹre.

Maika 7:6

Vbe agbọn ne a ghi ye na, emọ ikpia ghi ru avbe erha iran zẹ vbe akpa, emọ ikhuo ghi mu aro igbinna da iye iran, igbama ne ikhuo ghi gha gu iye ọdọ iran gui ẹzọ, emwa ẹgbẹe ọmwa ọrọre eghian rẹn.

Zẹkaraia 11:6

(E Nọyaẹnmwa khare wẹẹ, “Mẹ i ghi tohan ọmwarhọkpa vbe otọe agbọn ọvbehe. Mẹ tobọ mwẹ gha viọ emwa ni hia ye ẹtin iran ni khaemwisẹ yan iran obọ. Iran ni khaemwisẹ gha duẹ otọ agbọn uan, mẹ i ra vbe wọlọ ẹe hin ẹtin obọ iran rre.”)

Zẹkaraia 11:9

Vbe iyeke ọnii, I keghi tama oghẹn ohuan nii wẹẹ, “Mẹ i ghi ra gha re ọsuohuan uwa ọvbehe. Gie ni gha wulo vbọ wulo. Ne iran ra fuan vbọ gie iran fuẹn iran uan. Iran ni ghi dekẹe gha gbele egbe iran an.”

Malakai 4:1

E Nọyaẹnmwa ne Oghodua khare wẹẹ, “Ẹdẹ dee ne emwa ni tọn egbe mu kevbe avbe emwa dan gha giuan zẹ vbe ebe ne ọ kakae. Vbe ẹdẹ ne ẹdẹrriọ, iran gha giẹn uan, ẹ i vbe kẹe vbọ. Sokpan, zẹ vbe ọghe uwa ni họn ẹmwẹ mwẹ na, ẹtin imiẹnfan mwẹ gha hin yan uwa zẹ vbe owẹn, ọ ghi vbe rhie egbe rranmwẹ rre zẹ vbe asan ovẹn.

Matiu 27:45

Owẹn ghi wa sẹ adesẹ ukhunmwu, ebiebi keghi wa so vbe ẹvbo ni hia, ọ keghi so ya omwa ẹgogo eha.

Iwinna 2:20

Owẹn gha so ebiebi, uki ghi gha baa vbe esagiẹn, vbe Ẹdẹ uyi nọkhua ọghe Nọyaẹnmwa te do rre.

II Pita 2:4

Rhunmwuda Osanobua ma ya bọ avbe odibo ni ru orukhọ, sokpan te ọ filo iran ku uwu ẹrinmwi erhẹn, ehe ne a na khui iran ye uwu ebiebi hin re khẹ Ẹdẹ Ibuohiẹn.