Aizaia 9:17 - Edo Bible (E Baibol Ẹdo) Version 1996

¹⁷ Rhunmwuda ọnii, e Nọyaẹnmwa I ra gie ọkpa lẹfe vbe uwu avbe igbama ni rrọọ, ẹ i ra vbe tohan avbe ẹgbẹ kevbe emọ ne ẹ i mwẹ erha, rhunmwuda emwa dan ne emwa dan ọ re avbe emwa nii hia wa khin, ẹmwẹ ne iran ta hia, ọkhọ ọ re ehia khin. Ọ rhe ye vberriọ, ohu e Nọyaẹnmwa i he ye fo, te obọ ẹre gha ye niẹn ladian ne ọ rria ikhi.

Aizaia 9:17 ပူးပေါင်းရင်းမြစ်များ

Job 15:34

A i ra miẹn ivbi uniẹn emwa dan, erhẹn ọ re ọ gha giẹn owa ne a ya igho odieke bọ.

Psalm 109:12

Ai gha miẹn ọmwa ne ọ gha tohan rẹn, ra ne ọ gha koko emọ ne ẹ i mwẹ erha ne ọ sẹrae.

Psalm 147:10

Ẹ i re avbe ẹsin ni mwẹ ẹtin ọ re ẹko rhiẹnrhiẹn yi, ra ne ọyẹnmwẹ gha sẹ ọe ye ẹmwẹ avbe ivbiyokuo ni wegbe.

Aizaia 1:4

Ọghe uwa fo nẹ, wa ne uhunmwu ẹvbo ni ru orukhọ, wa ne emwa dan ni kẹkẹ ua! Orukhọ uwa silo uwa gbe otọ nẹ, wa fi yeke gbe Nọyaẹnmwa ne Osanobua Izrẹl, wa keghi hee ẹe yotọ.

Aizaia 10:2

Erriọ ọ re uwa ru ẹe ne uwa i na gie emwi ne ọ khẹke avbe ivbiogue sẹ iran obọ, wa i gie a bu ohiẹn ẹmwata ne iran. Erriọ ọre uwa vbe ya viọ ukhu ne ọ sẹ ẹgbẹ kevbe emọ ne ẹ i mwẹ erha obọ.

Aizaia 10:4

Iran gha gbele uwa a vbe okuo ra iran ghi silo uwa viọ gha rrie zẹ vbe oghunmwu. Ọ gha rhe ye rrio, ohu e Nọyaẹnmwa i he ye fo, obọ ẹre gha ye niẹn ladian ne ọ ya rria ikhi.

Aizaia 10:6

Mẹ gie Asiria ne ọ do khọn ẹvbo dan ne ọ ya ohu mu mwẹ. I gie iran ne iran ya fu emwi viọ, ne iran ya rha, kevbe ne iran ya owẹ rrilo emwa mu otọ zẹ vbe iruẹn vbe adesẹ ore.”

Aizaia 13:18

Iran gha ya uhanbọ kevbe ifẹnmwẹ gbele avbe igbama, iran i ra vbe tohan avbe emobọ ra ibiẹka.

Aizaia 14:20

Rhunmwuda ne u na mu ẹvbo ruẹ rhia, u keghi vbe gbele avbe emwa ruẹn, a i khian re ruẹ vbene a re avbe ọba nekpa. Ne ọ khian miẹn uhunmwu vbe ẹgbẹe ruẹ ne ẹgbẹe dan nii, ẹ i rrọọ.

Aizaia 24:5

Avbe emwa ru awua ye agbọn vbekpa ne iran na rra uhi Osanobua, kevbe ne iran ma na mu ẹẹn sẹ ighe ile ne ọ gu iran taa, emwi ne a wẹ ne ọ gha re ọghe etẹbitẹ.

Aizaia 27:11

Abọ avbe erhan luẹluẹe, ehia vbe bunnọ kua. Te ikhuo ghi ho iran ya koko. Rhunmwuda wẹ, avbe emwa ni ma rẹn otọ emwirhọkpa, Osanobua ne Ayi ne ọ yi iran i ra tohan iran, ra ne ọ vbe mwẹ ekhọe agiẹngiẹn ghe iran.

Aizaia 3:8

Erriọ nọ, ọ ghe Jerusalẹm fo nẹ! E Juda ra de rẹnkhẹn uan. Emwi ne iran ta, ke ne iran ru hia, wa gbodan ghe Nọyaẹnmwa, te iran wa sirra emwa hia kpa unu ghe Osanobua tobọ ọre.

Aizaia 31:2

Ọ rẹn emwi ne irẹn ru. Ọ ghi gie ọfuan. Ọ ghi vbe mu ẹẹn sẹ ighẹ eyan ne ọ yan rẹn wẹ, rẹn gha rri emwa dan kevbe iran ni gbegue ne iran oya.

Aizaia 31:3

Avbe ivbi Igipt i re ẹrinmwi, emwa kẹkan ọ re iran khin. Ẹsin iran ivbi re ni ke ẹrinmwi rre. Ẹghẹ ne Nọyaẹnmwa gha na guan yọ, ẹvbo ne ọ wegbe nii gha de guọghọ ua, ẹvbo ne ọ ma wegbe ne irẹn te yọre obọ ghi de. A gha fuẹn iran eveva a.

Aizaia 33:11

Emwamwa oya ọ re uwa mwamwa, emwi ne uwa vbe ru, okpa ne ọ mwẹ asa, i rrọọ. Te orhiọn mwẹ yevbe erhẹn ne ọ ra fuẹn uwa a.

Aizaia 33:12

Te uwa ra guọghọ sotọ zẹ vbe okuta nọkhua ne a ya erhẹn giẹn nẹ a ya ru orhue ne a ya dọlọ, kevbe igban ne a giẹn ya ru emuẹn.

Aizaia 40:30

Uhin ighẹ ẹtin vbe fo ọmwa ne ẹ i re ọmaẹn egbe sẹtin wa wọ igbama, ọ ghi de.

Aizaia 5:24

Rhunmwuda ọnii nian, vbene irunmwu kevbe ebe ne ọ kakae kinkin rre, ọ ghi vbe giẹn uan vbe erhẹn, erriọ ọ re inian uwa gha kẹkẹ ua, ebe uwa ghi vbe kaka a, ọ ghi hoho kua, rhunmwuda, wa he emwi ne Nọyaẹnmwa ne Oghodua, Osanobua nọhuanrẹn ọghe Izrẹl ma ima ẹre yotọ.

Aizaia 5:25

E Nọyaẹnmwa mu ohu emwa irẹn, rẹn vbe niẹn obọ ẹre ladian nẹ ne ọ ya rria iran ikhi. Avbe oke nekhua gha mu rueghe, a gha vbe sẹ ikun avbe emwa ni wulo rae ye adesẹ ore zẹvbe iku, Sevba, ohu e Nọyaẹnmwa i he ye fo ye evba, te ọ gha ye niẹn obọ ẹre ladian ne ọ ya rri iran oya.

Aizaia 62:5

Zẹ vbe igbama ne ọ rhie ọvbokhunvbi rọnmwẹ ọmwa ne ọ yi uwẹ gha rhie ruẹ rọnmwẹ zẹ vbene ẹko ovbiọha rhiẹnrhiẹn ọdafọn ọha erriọ ọ re ẹko rua ra gha maa Osanobua rua.

Aizaia 65:19

Oghọghọ gha vuọn imẹ tobọmwẹ ẹko rhunmwuda e Jerusalẹm kevbe avbe emwa ni rrọọ. Eve i ra gha rre evba, bu mwẹ rre, bu mwẹ rre i ra vbe gha rrọọ.

Aizaia 9:12

E Siria vbe odẹ ahọ kevbe Filistia vbe odẹ orrie, rhan unu yotọ ne iran minọ Izrẹl re. Ọ rhe ye vberriọ, ohu e Nọyaẹnmwa ma he ye fo. Te ọ ye niẹn obọ ẹre ladian ne ọ rri iran oya.

Aizaia 9:21

Ivbi e Manasẹ kevbe ivbi Ifreim gha gu egbe khọn, iran ghi vbe koko mu okuo gie Juda. Sokpan, ọ rhe ye vberriọ, ohu e Nọyaẹnmwa ma he ye fo, te obọ ẹre ye niẹn ladian ne ọ rriaikhi.

Jerimaia 18:21

Sokpan, banbanna nian Nọyaẹnmwa gie ohan gbele ivbi iran an, gie okuo gbele iran. Gie ọdọ wulo avbe ikhuo ni rrọọ, kevbe emọ. Gie emianmwẹ gbele avbe ikpia ni rrọọ, ne avbe igbama ni rrọọ wulo ye okuo.

Jerimaia 5:1

Wa ne ivbi e Jerusalẹm, wa rhulẹ la idunmwu ẹvbo uwa, wa ghe lẹga. Wa ya aro uwa tobọ uwa miẹn ọẹn, wa gualọ uwu ẹki, wa gha miẹn orhiọnkpa ne ọ ru emwi ẹse ra, ra ne ọ vbe hia ne ọ gha re ne ọ gie Osa mu ẹtin yan? Adeghẹ wa gha miẹn vbọ, e Nọyaẹnmwa gha yabọ Jerusalẹm.

Ezikiẹl 20:33

“Zẹ vbene aro dae wẹ, mẹ ne Nọyaẹnmwa ne Udazi ọrọre Osanobua ne ọ rrọ, I tama uwa yotọ nẹ wẹ ohu gha mu mwẹ, I gha ya obọ ne ọ tọn mu uwa vbe ẹtin mwẹ hia.

Emọs 4:10

“I gie egboghogbogho yan uwa zẹ vbe ne I giee ẹe rrie Igipt. I gbele igbama uwa vbe okuo, I keghi viọ uwa ẹsin kpao. I ye ẹwia orinmwi khiọ uwa ihue vbe agọ uwa. Sevba, wa ma ye bu mwẹ rre.

Emọs 8:13

Vbe ẹdẹ ne ẹdẹrriọ, avbe igbama ikpia kevbe ikhuo gha fọrhiọn ba ẹmwẹ ovbamẹ nii.

Maika 7:2

Ọmwa ẹmwata ọkpa ma ghi ke ẹe vbe otọe nii, ne ọ ye ekhọe ga Osanobua i ghi rrọ. Dọmwadẹ ọghe ọe wa gualọ ehe ne ọ gha na de izigha. Dọmwadẹ ọghe ọe wa ru ohuẹ ovbi ẹvbo ẹre.

Zẹkaraia 9:17

Umiẹn vbe otọe nii gha ma hẹ! Umiẹn vbene ọ gha mose hẹ! Ọka kevbe ayọn rẹn gha ya avbe igbama wan yọ.

Matiu 12:34

Wa ne ẹyẹn ne emwi dan, vbe ẹmwẹ esi ighi te ra ke uwa unu ladian hẹẹ? rhunmwuda, emwi ne ọ rre ekhọe ọre unu na ta ladian.

Matiu 16:3

Ovẹn gha yan rre ighẹ iso na gha baa, ọ na vbe bi nu nu nu, wa ghi wẹẹ, ‘Amẹ khian rhọ.’ Wa sẹtin ghe aro iso ya kha vbene ẹdẹ ra gha ye hẹ, vbọzẹ ne uwa i na sẹtin ghe ama ya ta umian ehe ne ẹghẹ na ye na gbe rrie?”